Guverineri w’Intara ya Tanganyika yo muri Repubulika Iharanira Demokarasi ya Congo, Christian Kitungwa Muteba, yagaragaje impungenge z’uko abarwanyi ba AFC\/M23 bashobora kwinjira mu mujyi wa Kalemie, ashimangira ko inzego z’umutekano zatangiye kubahiga no gukaza ingamba zo kubabuza kuhagera.<\/p>\n
Aya magambo yayatangaje agarutse i Kalemie, nyuma y’umukwabu wakozwe n’ingabo za FARDC wafatiwemo abasirikare bavugwaho gutoroka igisirikare n’abandi bantu bakekwaho ibikorwa bishobora guhungabanya umutekano.<\/p>\n
Kitungwa yavuze ko Tanganyika itazigera iba indiri ya AFC\/M23 cyangwa abo yise intumwa zayo.<\/p>\n
Ati: “Tanganyika si ahantu ha AFC\/M23 cyangwa Abanyarwanda. Ntibazahagera. Abohereza intumwa cyangwa abinjira rwihishwa hano muri Tanganyika turabazi kandi tuzabahiga. Batangire guhunga ubu. Tanganyika si ikiraro cya M23 cyangwa u Rwanda.”<\/p>\n
Guverineri wa Tanganyika yavuze aya magambo, mu gihe mu ntara ayoboye hari urwikekwe rw’uko haba hari abarwanyi ba M23 baba baramaze kuhagera.<\/p>\n
Amakuru kandi aturuka muri iyi ntara avuga ko hari abasirikare bo mu ngabo za Congo Kinshasa bagombaga koherezwa mu mujyi wa Baraka aho bagombaga kuva boherezwa kurwana na AFC\/M23 ndetse na Twirwaneho, ariko baza kubyanga bagaragaza ko nta bushobozi bafite bwo guhangana n’iriya mitwe.<\/p>\n
Ibi byatumye abo basirikare bigumura baragenda, mu gihe abandi bahanganye na bagenzi babo hagapfa abarirwa mu icumi.<\/p>\n
FARDC ivuga ko mu mukwabu yaje gukora, yawugatiyemo abasirikare bari batorotse igisirikare n’abantu bakekwaho ibikorwa bishobora guhungabanya umutekano.<\/p>\n
Aba bose bajyanywe muri gereza nkuru ya Kalemie, aho bategereje ko dosiye zabo zisuzumwa n’inzego z’ubutabera.<\/p>\n
Tanganyika ihana imbibi n’Intara ya Kivu y’Amajyepfo, imwe mu zikomeje kugenzurwa igice na AFC\/M23.<\/p>\n","protected":false},"excerpt":{"rendered":"
Guverineri w’Intara ya Tanganyika yo muri Repubulika Iharanira Demokarasi ya Congo, Christian Kitungwa Muteba, yagaragaje impungenge z’uko abarwanyi ba AFC\/M23 bashobora kwinjira mu mujyi wa Kalemie, ashimangira ko inzego z’umutekano zatangiye kubahiga no gukaza ingamba zo kubabuza kuhagera. Aya magambo yayatangaje agarutse i Kalemie, nyuma y’umukwabu wakozwe n’ingabo za FARDC wafatiwemo abasirikare bavugwaho gutoroka igisirikare […]<\/p>\n","protected":false},"author":17,"featured_media":270876,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-270875","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n