Ihuriro Alliance Fleuve Congo ribarizwamo umutwe wa M23, rwagaragaje ko amasano ari hagati y’abaturage ba Repubulika Iharanira Demokarasi ya Congo, u Rwanda n’u Burundi afite imizi mu mateka, umuco n\u2019imibanire y\u2019abaturage, rivuga ko ayo masano aruta imipaka yashyizweho mu gihe cy\u2019ubukoloni.<\/p>\n
AFC mu butumwa yashyize ku rubuga rwayo rwa X, yongeye gushimangira ko ejo hazaza ha RDC hagomba gushingira ku bumwe bw\u2019Abanye-Congo, kubaha ubudasa no guteza imbere umuco wo kubana mu mahoro.<\/p>\n
Yavuze ko bijyanye no kuba Congo Kinshasa ituranye n’ibihugu icyenda, byabaye ngombwa ko ihuriramo abaturage bafite amateka n\u2019imibanire byatangiye mbere y\u2019uko imipaka y\u2019ibihugu byo muri iki gihe ishyirwaho.<\/p>\n
Yagize iti: “Mbere y\u2019uko imipaka yo muri iki gihe ishyirwaho, abaturage bo muri aka karere bari basanzwe bafitanye umubano ukomeye binyuze mu miryango ihuriweho, ubucuruzi, ubufatanye, gushyingirana, imigenzo n\u2019indimi. Abaturage benshi babayeho ku mpande zombi z\u2019imipaka kuva kera, ibigaragaza amateka bahuriyeho n\u2019imibanire irenze imipaka yashyizweho n\u2019abakoloni.\u201d<\/p>\n
Ku bijyanye n\u2019u Rwanda n\u2019u Burundi, AFC\/M23 yavuze ko abaturage bo muri Kivu y\u2019Amajyaruguru na Kivu y\u2019Amajyepfo basangiye amateka, umuco n\u2019imiryango n\u2019abaturage bo mu bihugu byombi, cyane cyane binyuze mu ndimi z\u2019Ikinyarwanda n\u2019Ikirundi ndetse n\u2019imiryango iboneka mu Karere k\u2019Ibiyaga Bigari.<\/p>\n
Iti: “Ku Burundi n\u2019u Rwanda, abaturage bo mu Ntara za Kivu y\u2019Amajyaruguru na Kivu y\u2019Amajyepfo bamaze igihe kirekire bafitanye amasano ashingiye ku mateka, umuco n\u2019imiryango n\u2019abaturage batandukanye bo muri aka karere, harimo n\u2019abahuje indimi nk\u2019Ikinyarwanda n\u2019Ikirundi, ndetse n\u2019imiryango y\u2019Abahutu, Abatutsi n\u2019abandi batuye muri aka gace k\u2019Ibiyaga Bigari.\u201d<\/p>\n
AFC\/ M23 yavuze ko ayo masano adakwiye gukoreshwa mu gucamo ibice abaturage cyangwa kubyutsa ivangura, ahubwo ko akwiye gufatwa nk\u2019umurage uhuriweho ushobora gufasha kubaka igihugu cya RDC gifite ubumwe n\u2019ubwiyunge.<\/p>\n
Iri huriro ryongeye gushimangira ko icyerekezo cyaryo ari “RDC ifitanye umubano mwiza n\u2019ibihugu icyenda biyikikije, ushingiye ku kubahana, ubufatanye, ibiganiro, ubucuruzi n\u2019ishakirwa ry\u2019amahoro arambye.”<\/p>\n
AFC yavuze ibi mu gihe ikibazo cy\u2019umutekano mu Burasirazuba bwa RDC gikomeje guteza impaka mu karere, aho Guverinoma ya Kinshasa ikomeje gushinja AFC\/M23 kuba umutwe w\u2019inyeshyamba ufite inkunga y\u2019amahanga, ibyo uyu mutwe uhakana uvuga ko uhagarariye impinduka za politiki no kurengera inyungu z\u2019Abanye-Congo.<\/p>\n
Mu gihe ibiganiro by\u2019amahoro bikomeje gushakirwa ibisubizo, AFC\/M23 ikomeje kugaragaza ubutumwa bugamije kwerekana ko ikibazo cy\u2019Uburasirazuba bwa RDC kidakwiye kurebwa gusa nk\u2019ikibazo cy\u2019umutekano, ahubwo ko gifitanye isano n\u2019amateka, imibanire n\u2019imiyoborere y\u2019akarere kose.<\/p>\n","protected":false},"excerpt":{"rendered":"
Ihuriro Alliance Fleuve Congo ribarizwamo umutwe wa M23, rwagaragaje ko amasano ari hagati y’abaturage ba Repubulika Iharanira Demokarasi ya Congo, u Rwanda n’u Burundi afite imizi mu mateka, umuco n\u2019imibanire y\u2019abaturage, rivuga ko ayo masano aruta imipaka yashyizweho mu gihe cy\u2019ubukoloni. AFC mu butumwa yashyize ku rubuga rwayo rwa X, yongeye gushimangira ko ejo hazaza […]<\/p>\n","protected":false},"author":17,"featured_media":270969,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-270968","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n