Intambara hagati ya Iran na Leta Zunze Ubumwe za Amerika yongeye guteza umwuka mubi mu Burasirazuba bwo Hagati, nyuma y\u2019uko Tehran itangiye kurasa misile na drone ku bihugu byo mu Kigobe cy\u2019Abarabu bifite umubano ukomeye na Washington.<\/p>\n
Ibyo bitero kuri uyu wa Gatandatu byibasiye cyane cyane ibirindiro by\u2019ingabo za Amerika, ariko hari n\u2019ibikorwa remezo by\u2019abaturage byangiritse, nk’uko Reuters yabyanditse.<\/p>\n
Ibihugu byavuzwe cyane muri ibyo bitero ni Kuwait, Bahrain, Qatar, Leta Zunze Ubumwe z\u2019Abarabu, Oman na Jordan.<\/p>\n
Iran ivuga ko igamije ibirindiro bya gisirikare bya Amerika biri muri ibyo bihugu, mu rwego rwo gusubiza ibitero bya Amerika ku butaka bwayo.<\/p>\n
Muri Kuwait ni ho hagaragaye bimwe mu byangiritse bikomeye.<\/p>\n
Ibitero byangije igice cy\u2019uruganda rutunganya amazi ava mu nyanja, uruganda rufite uruhare rukomeye mu gutanga amazi meza muri icyo gihugu gishingiye cyane ku mazi asukurwa mu nyanja.<\/p>\n
Hari kandi inkongi yatewe n\u2019ibisasu, ndetse n\u2019ibice by\u2019ibikoresho bitanga amashanyarazi byangiritse, nk’uko New York Post ibivuga.<\/p>\n
Igisirikare cya Kuwait cyatangaje ko cyashwanyaguje zimwe muri misile na drone zari zerekeje ku butaka bwa kiriya gihugu, ariko ibitero byageze no ku basirikare bamwe.<\/p>\n
Muri Bahrain ho hasanzwe haba icyicaro gikuru cy\u2019amato ya Amerika mu karere k’Ikigobe, Iran yavuze ko yibasiye ibikorwa bifitanye isano n\u2019ingabo za Amerika.<\/p>\n
Bahrain yatangaje ko yakoresheje ubwirinzi bwo mu kirere nyuma yo kubona ibitero byari byerekejwe ku butaka bwayo.<\/p>\n
Qatar na yo yahuye n\u2019ibitero bya misile na drone.<\/p>\n
Iki gihugu kirimo ikirindiro cya Amerika cya Al Udeid Air Base, kimwe mu birindiro bikomeye bya Washington mu Burasirazuba bwo Hagati. Hari abantu bakomeretse kubera ibisigazwa by\u2019ibisasu byaguye hasi.<\/p>\n
Muri UAE na Oman, na ho havuzwe ibitero byerekejwe ku bikorwa bifitanye isano n\u2019igisirikare cyangwa ibikorwa by\u2019ingenzi byo mu karere.<\/p>\n
Ibihugu byo mu Kigobe byakomeje kuvuga ko ibyo bitero bibangamira ubusugire bwabyo n\u2019umutekano w\u2019akarere.<\/p>\n
Ibi bitero byabaye mu gihe Iran na Amerika biri kugabanaho ibitero bikomeye.<\/p>\n
Amerika yakomeje kugaba ibitero ku bikorwa bya gisirikare bya Iran, mu gihe Tehran ivuga ko iri gusubiza yibasira ibirindiro bya Amerika n\u2019abafatanyabikorwa bayo.<\/p>\n
Ikindi kibazo gikomeye kiri ku muhora wa Hormuz, inzira y\u2019ingenzi itwarwamo igice kinini cy\u2019ibikomoka kuri peteroli na gaz ku isi.<\/p>\n
Impungenge z\u2019uko iyi nzira ishobora guhungabana zamaze kugira ingaruka ku masoko y\u2019ingufu ku isi.<\/p>\n
Abasesenguzi bavuga ko kuba ibitero bitangiye kugera ku bikorwa remezo nk\u2019amazi n\u2019ingufu bishobora guhindura iyi ntambara ikava ku rwego rw\u2019ibitero bya gisirikare gusa, ikagera ku kibazo kigira ingaruka ku buzima bwa buri munsi bw\u2019abaturage bo mu Kigobe.<\/p>\n","protected":false},"excerpt":{"rendered":"
Intambara hagati ya Iran na Leta Zunze Ubumwe za Amerika yongeye guteza umwuka mubi mu Burasirazuba bwo Hagati, nyuma y\u2019uko Tehran itangiye kurasa misile na drone ku bihugu byo mu Kigobe cy\u2019Abarabu bifite umubano ukomeye na Washington. Ibyo bitero kuri uyu wa Gatandatu byibasiye cyane cyane ibirindiro by\u2019ingabo za Amerika, ariko hari n\u2019ibikorwa remezo by\u2019abaturage […]<\/p>\n","protected":false},"author":17,"featured_media":271024,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-271023","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n