Minisiteri y\u2019Amashuri Makuru, Kaminuza, Ubushakashatsi n\u2019Ubuhanga muri Repubulika Iharanira Demokarasi ya Congo, yahagaritse imishahara y\u2019abakozi 48 bo mu mashuri makuru na za kaminuza, ibashinja kuba barifatanyije na AFC\/M23 cyangwa bakemera gukora imirimo munsi y\u2019ubuyobozi bw\u2019uyu mutwe.<\/p>\n
Iki cyemezo cyafashwe ku wa 21 Kanama 2026, nk\u2019uko bigaragara mu ibaruwa Minisitiri w\u2019Amashuri Makuru, Kaminuza, Ubushakashatsi n\u2019Ubuhanga, Prof. Dr. Sombo Ayane Safi Mukuna Marie-Th\u00e9r\u00e8se, yandikiye Abanyamabanga Bakuru b\u2019iyi minisiteri.<\/p>\n
Minisitiri Sombo yavuze ko iki cyemezo gishingiye ku myanzuro ya komisiyo ihuriweho yashyizweho kugira ngo isuzume imyitwarire n\u2019imiterere y\u2019abakozi bo mu mashuri makuru n\u2019ubushakashatsi bakekwaho kuba barinjiye muri AFC\/M23, bakaba barawemereye ubudahemuka cyangwa bakemera gukora imirimo bari munsi y\u2019ubuyobozi bwawo.<\/p>\n
Ibaruwa ivuga ko, bitewe n\u2019uburemere bw\u2019ibyaha bashinjwa, imishahara yabo igomba guhagarikwa ako kanya mu gihe hakirebwa “uburyo bwo kubirukana burundu ku mirimo.<\/p>\n
Minisiteri kandi yategetse inzego zishinzwe imishahara gukura abo bakozi ku rutonde rw\u2019abishyurwa no gushyira mu bikorwa aya mabwiriza nta gutinda.<\/p>\n
Mu bahagarikiwe imishahara harimo ba ‘professeur 28, ba ‘Chefs de Travaux’ 12, ba ‘Assistants’ batatu ndetse n\u2019abandi bantu batanu bafite indi myanya.<\/p>\n
Mu mazina ari ku rutonde harimo Professeur Jaribu Muliwavyo, Professeur Gahamanyi Nyonzima, Professeur Balege Rugunduka Stanislas, Professeur Ndazay Byemero D\u00e9sir\u00e9, Professeur Kambale Nyondo Jean-Pierre, Professeur Twizere Bakunda, Professeur Somora Patrick na Professeur Amisi Safari, ndetse n\u2019abandi.<\/p>\n
Iki cyemezo kije nyuma y\u2019uko ubuyobozi bwa RDC bwamaganye ibikorwa bya AFC\/M23 byo gushyiraho abayobozi mu bigo by\u2019amashuri makuru biri mu duce uyu mutwe ugenzura, cyane cyane i Goma na Bukavu. Kinshasa yavuze ko AFC\/M23 idafite ububasha bwo gushyiraho abayobozi mu bigo bya Leta.<\/p>\n
Leta ya RDC kandi yamaze guhagarika amashuri makuru na za Kaminuza biri mu bice bigenzurwa na AFC\/M23.<\/p>\n","protected":false},"excerpt":{"rendered":"
Minisiteri y\u2019Amashuri Makuru, Kaminuza, Ubushakashatsi n\u2019Ubuhanga muri Repubulika Iharanira Demokarasi ya Congo, yahagaritse imishahara y\u2019abakozi 48 bo mu mashuri makuru na za kaminuza, ibashinja kuba barifatanyije na AFC\/M23 cyangwa bakemera gukora imirimo munsi y\u2019ubuyobozi bw\u2019uyu mutwe. Iki cyemezo cyafashwe ku wa 21 Kanama 2026, nk\u2019uko bigaragara mu ibaruwa Minisitiri w\u2019Amashuri Makuru, Kaminuza, Ubushakashatsi n\u2019Ubuhanga, Prof. […]<\/p>\n","protected":false},"author":17,"featured_media":273236,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-273235","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n