Ubushinjacyaha bwabwiye Urukiko rw\u2019Ibanze rwa Nyarugenge ko bushinja Shema Fabrice, umushoramari akaba na Perezida w\u2019Ishyirahamwe ry\u2019Umupira w\u2019Amaguru mu Rwanda (FERWAFA), gutanga sheki ebyiri zitazigamiye zifite agaciro ka 600,000 z\u2019Amadolari ya Amerika, angana n\u2019ahakabakaba miliyoni 883,5 Frw.<\/p>\n
Shema yatawe muri yombi n\u2019Urwego rw\u2019Igihugu rw\u2019Ubugenzacyaha (RIB) ku wa 11 Kanama 2026. Akurikiranyweho ibyaha birimo gutanga sheki itazigamiye no kwihesha ikintu cy\u2019undi hakoreshejwe uburiganya.<\/p>\n
Urubanza rurebana n\u2019ifungwa n\u2019ifungurwa ry\u2019agateganyo rwatangiye kuri uyu wa 26 Kanama, nyuma y\u2019uko mu gitondo urukiko rwari rwabanje kurwimurira ku gicamunsi Saa cyenda kugira ngo Shema n\u2019umwunganizi we babone umwanya wo gutegura ibimenyetso.<\/p>\n
Ubushinjacyaha bwabwiye urukiko ko uru rubanza rushingiye ku masezerano afite agaciro karenga miliyoni imwe y\u2019Amayero, sosiyete ya Shema, Africa Medical Supply, yagiranye na ABZL International General Trading LLC, sosiyete ikorera muri Leta Zunze Ubumwe z\u2019Abarabu.<\/p>\n
Aya masezerano yashyizweho umukono ku wa 23 Mutarama 2024, aho Africa Medical Supply yari yemeye kwishyura amafaranga y’umwenda mu gihe kitarenze iminsi 60.<\/p>\n
Ubushinjacyaha bwavuze ko iyo sosiyete itubahirije igihe cyo kwishyura, ahubwo ABZL ikomeza gusaba ko amafaranga yayo yishyurwa. Nyuma y\u2019ubutumwa butandukanye, birimo email, Shema ngo yaje gusezeranya ko ayo mafaranga azishyurwa.<\/p>\n
Ubushinjacyaha bwavuze ko ku wa 5 Kanama 2025, Shema yahaye ABZL sheki ebyiri: imwe ya 400,000 by’amadolari, indi ya 200,000 by’amadolari, zose hamwe zikaba 600,000 by’amadolari.<\/p>\n
Icyakora, banki yamenyesheje abagenzacyaha ko izo sheki zitari zifite amafaranga ahagije kuri konti ya Africa Medical Supply.<\/p>\n
Ubushinjacyaha bwahise busaba urukiko ko Shema afungwa by\u2019agateganyo mu gihe cy\u2019iminsi 30, buvuga ko hari impamvu zikomeye zituma bakeka ko yakoze ibyaha akurikiranyweho, ndetse ko aramutse afunguwe ashobora gutoroka mu gihe iperereza rigikomeje.<\/p>\n
Shema Fabrice we yahakanye ibyaha byose aregwa, asobanura ko ikibazo cyaturutse ku bibazo byabaye hagati y\u2019abanyamigabane ba ABZL ndetse no kuri konti ya sosiyete yagombaga koherezaho amafaranga.<\/p>\n
Yabwiye urukiko ko Africa Medical Supply yari isanzwe ifitanye imikoranire na ABZL kandi ko amasezerano yabanje hagati y\u2019impande zombi yari yarubahirijwe neza.<\/p>\n
Yavuze ko muri Gicurasi 2024 sosiyete ye yishyuye ABZL ibihumbi 400 by’amadolari, hanyuma mu Ukuboza 2024 yishyura andi 400,000 by’amadolari.<\/p>\n
Ariko ngo amafaranga ya kabiri ntiyageze kuri ABZL kubera ikibazo cyari kuri konti yari yatanzwe kugira ngo yoherezweho amafaranga.<\/p>\n
Shema yasobanuye ko ingingo ya gatandatu y\u2019amasezerano yateganyaga ko, mu gihe habaye ikibazo kuri konti yatanzwe, ABZL yagombaga gutanga indi konti amafaranga yoherezwaho.<\/p>\n
Shema yavuze ko impande zombi zaganiriye ku buryo ikibazo cyakemuka, maze atanga igitekerezo cyo gutanga sheki mu gihe hagishakishwa indi konti yemewe.<\/p>\n
Yavuze ko yahaye umwe mu banyamigabane ba ABZL sheki itariho itariki, kugira ngo amafaranga azishyurwe nyuma yo kumvikana kuri konti azashyirwaho.<\/p>\n
Uregwa yavuze ko nyuma umwe mu banyamigabane ba ABZL, ari na we watanze ikirego, yafashe iyo sheki akongeraho amakuru arimo konti ya US Bank yo muri Leta Zunze Ubumwe za Amerika ndetse n\u2019itariki.<\/p>\n
Shema yavuze ko ibyo bitumvikana kuko amasezerano yari ayafitanye na sosiyete ikorera muri Leta Zunze Ubumwe z\u2019Abarabu, kandi sheki yari igenewe kwishyura kuri konti yo muri Dubai, ariko nyuma ikaza gushyirwa kuri konti yo muri Amerika.<\/p>\n
Yavuze ko ibyo byahindutse nyuma y\u2019uko sheki yari yamaze gutangwa.<\/p>\n
Umwunganizi wa Shema yavuze ko hari ibibazo ku matariki n\u2019imiterere y\u2019izo sheki.<\/p>\n
Yagaragaje ko banki yavuze ko sheki zateshejwe agaciro ku wa 16 Nyakanga 2025, mu gihe Ubushinjacyaha bushinja Shema kuba yarakoze icyaha cyo gutanga sheki zitazigamiye ku wa 5 Kanama 2025.<\/p>\n
Umunyamategeko yavuze kandi ko sheki yari igenewe kwishyurirwa muri UAE nyuma yaje gushyirwa kuri konti ya US Bank ku wa 25 Kamena 2025, avuga ko ari kimwe mu bintu bikwiye gukorwaho iperereza.<\/p>\n
Yasobanuye ko ikibazo kiri hagati ya Africa Medical Supply na ABZL gishobora kuba gifite isura y\u2019amasezerano y\u2019ubucuruzi, aho kuba icyaha cyakozwe ku bushake.<\/p>\n
Uruhande rwa Shema rwagejeje muri sisitemu y\u2019urukiko inyandiko zigaragaza ko hari amafaranga 600,000 by’amadolari yishyuwe binyuze muri Banki ya Kigali, ndetse n\u2019inyandiko yasabaga RIB gufasha kugira ngo ayo mafaranga agere kuri konti yari yoherejwemo.<\/p>\n
Umushinjacyaha yavuze ko ikibazo gikomeye kiri kuri sheki ebyiri zifite nimero imwe, aho umwimerere wazo utagaragaza itariki, mu gihe kopi yazo igaragaza itariki ishobora kuba 5 cyangwa 8 Kanama 2025.<\/p>\n
Yavuze ko izo sheki zashyizwe muri dosiye y\u2019urukiko kandi ko ziriho umukono wa Shema.<\/p>\n
Ubushinjacyaha bwongeye gusobanura ko ubwo RIB yabazaga banki niba konti ya Africa Medical Supply yari ifite amafaranga ahagije igihe sheki zatangwaga, banki yasubije ko kuri iyo konti hari amafaranga atarenga 1,000 cy’amadolari.<\/p>\n
Ku bw\u2019Ubushinjacyaha, kuba Shema avuga ko yari afite ubushake bwo kwishyura ntibikuraho ikibazo cy\u2019uko sheki zatanzwe zitari zifite amafaranga ahagije kuri konti.<\/p>\n
Shema yasabye urukiko kumurekura by\u2019agateganyo, avuga ko atemera ko ashobora gutoroka ubutabera.<\/p>\n
Yavuze ko afite umuryango, abana biga ndetse n\u2019umugore ufite akazi, kandi ko afite n\u2019inshingano nk\u2019umuyobozi wa FERWAFA.<\/p>\n
Yongeyeho ko afite umutungo ufite agaciro kari hafi ya miliyari 5 Frw ashobora gutangaho ingwate mu gihe urukiko rwamwemerera gukurikiranwa ari hanze.<\/p>\n
Shema yavuze ko kuba ari Perezida wa FERWAFA, umwanya yatorewe mu mwaka ushize, ari ikimenyetso cy\u2019icyizere afitiwe, kandi ko atakoresha uwo mwanya mu nyungu ze bwite.<\/p>\n
Ati: \u201cNdi umuyobozi wagiriwe icyizere, nkaba nyobora FERWAFA mazemo umwaka. Sinabikoresha nabi mu nyungu zanjye bwite ndetse n\u2019ibyo ndegwa ntaho bihuriye.\u201d<\/p>\n
Yavuze kandi ko afite ubushake bwo kwishyura amafaranga atarishyurwa, asaba ko atafungwa ahubwo agahabwa amahirwe yo gukomeza gukemura ikibazo cy\u2019amasezerano.<\/p>\n
Nyuma yo kumva impande zombi, Urukiko rw\u2019Ibanze rwa Nyarugenge rwasoje iburanisha.<\/p>\n
Urukiko rwamenyesheje ababuranyi ko umwanzuro uzasomwa ku wa 2 Nzeri 2026, saa munani z\u2019amanywa.<\/p>\n","protected":false},"excerpt":{"rendered":"
Ubushinjacyaha bwabwiye Urukiko rw\u2019Ibanze rwa Nyarugenge ko bushinja Shema Fabrice, umushoramari akaba na Perezida w\u2019Ishyirahamwe ry\u2019Umupira w\u2019Amaguru mu Rwanda (FERWAFA), gutanga sheki ebyiri zitazigamiye zifite agaciro ka 600,000 z\u2019Amadolari ya Amerika, angana n\u2019ahakabakaba miliyoni 883,5 Frw. Shema yatawe muri yombi n\u2019Urwego rw\u2019Igihugu rw\u2019Ubugenzacyaha (RIB) ku wa 11 Kanama 2026. Akurikiranyweho ibyaha birimo gutanga sheki itazigamiye […]<\/p>\n","protected":false},"author":50,"featured_media":273251,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-273250","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n