Abasirikare batanu n\u2019umupolisi umwe mu Burundi batawe muri yombi mu gace ka Buterere, mu Majyaruguru y\u2019Umujyi wa Bujumbura, bakekwaho gukorana n\u2019imitwe yitwaje intwaro.<\/p>\n
Amakuru yatangajwe na SOS M\u00e9dias Burundi avuga ko aba bantu batandatu bafashwe ku wa Kabiri tariki ya 25 Kanama 2026, mbere yo kujya gufungirwa muri Komine Ntahangwa.<\/p>\n
Amakuru aturuka mu baturage bo muri ako gace avuga ko ifatwa ryabo ryakozwe n\u2019abapolisi bari kumwe n\u2019abagize Imbonerakure, urubyiruko rw\u2019ishyaka CNDD-FDD riri ku butegetsi mu Burundi.<\/p>\n
Ku wa Gatatu, aba batandatu babajijwe n\u2019abakozi b\u2019Urwego rw\u2019Igihugu rushinzwe Ubutasi, SNR, ndetse n\u2019abapolisi bashinzwe iperereza ku byaha.<\/p>\n
Imiryango y\u2019aba basirikare n\u2019umupolisi ivuga ko ifatwa ryabo rishobora kuba ryarateguwe, ikanasaba ko uburenganzira bwabo bwubahirizwa, burimo gucirirwa urubanza rukurikije amategeko no kubona ubufasha bw\u2019umwavoka.<\/p>\n
SOS M\u00e9dias Burundi ivuga ko itarabasha kwemeza neza impamvu nyirizina zatumye aba bantu batabwa muri yombi, cyangwa niba koko bose bari hamwe mu gace kamwe igihe bafatwaga.<\/p>\n
Iri fatwa rije mu gihe mu Burundi hamaze imyaka hagaragara ibibazo by\u2019abagize inzego z\u2019umutekano batabwa muri yombi bakekwaho gukorana n\u2019imitwe yitwaje intwaro, gutanga amakuru ku Rwanda cyangwa kugira imikoranire n\u2019amatsinda afatwa nk\u2019abanzi b\u2019ubutegetsi.<\/p>\n
Hari n\u2019abagiye baburirwa irengero, abandi bakaboneka bapfuye mu buryo budasobanutse, mu gihe abandi bamara igihe kirekire bafungiye mu bigo by\u2019imfungwa cyangwa mu maboko y\u2019inzego z\u2019umutekano.<\/p>\n
Kugeza ubu, ubuyobozi bw\u2019u Burundi ntiburagira icyo butangaza ku mugaragaro kuri iri fatwa ry\u2019abasirikare batanu n\u2019umupolisi umwe.<\/p>\n","protected":false},"excerpt":{"rendered":"
Abasirikare batanu n\u2019umupolisi umwe mu Burundi batawe muri yombi mu gace ka Buterere, mu Majyaruguru y\u2019Umujyi wa Bujumbura, bakekwaho gukorana n\u2019imitwe yitwaje intwaro. Amakuru yatangajwe na SOS M\u00e9dias Burundi avuga ko aba bantu batandatu bafashwe ku wa Kabiri tariki ya 25 Kanama 2026, mbere yo kujya gufungirwa muri Komine Ntahangwa. Amakuru aturuka mu baturage bo […]<\/p>\n","protected":false},"author":17,"featured_media":273291,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-273288","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n