Mu rukerera rwo kuri uyu wa Gatandatu tariki ya 29 Kanama 2026, i Niamey mu murwa mukuru wa Niger humvikanye amasasu menshi n\u2019ibiturika mu bice bitandukanye by\u2019uwo mujyi.<\/p>\n
Abatangabuhamya babwiye Reuters ko amasasu yumvikanye hafi y\u2019Ikibuga Mpuzamahanga cy\u2019Indege cya Diori Hamani, ndetse no mu gace gaherereyemo Ingoro ya Perezida.<\/p>\n
Umwe mu batangabuhamya yavuze ko imirwano y\u2019amasasu yari ikomeye kandi ko ikomeza kumvikana hafi y\u2019Ingoro ya Perezida.<\/p>\n
Kugeza ubwo BWIZA yandikaga iyi nkuru ubutegetsi bwa Niger ntibwari bwakagize icyo butangaza ku mugaragaro ku cyateye urusaku rw\u2019amasasu n\u2019ibiturika cyangwa ku mubare w\u2019ababa bahitanywe n\u2019ibyo bitero.<\/p>\n
Umwe mu bantu bo mu nzego z\u2019umutekano yabwiye Reuters ko \u201cibyihebe\u201d byateye Ikibuga cy\u2019Indege cya Diori Hamani, ndetse bikagerageza kwinjira mu gice kirinzwe gikikije Ingoro ya Perezida.<\/p>\n
Undi muyobozi wo mu nzego z\u2019umutekano yavuze ko ingabo zatangiye ibikorwa byo gushakisha abateye, kandi ko bamwe muri bo bishwe mu gihe abandi bashobora kuba bahunze.<\/p>\n
Icyakora, Reuters yavuze ko ayo makuru itarabasha kuyagenzura mu buryo bwigenga.<\/p>\n
Hari kandi umudepite wo mu Nteko y\u2019Umuryango w\u2019Ibihugu bya Sahel (AES), Bana Wagana Ibrahim, wavuze ko abateye bagabye igitero kuri Base 101, ikigo gikomeye cya gisirikare kiri hafi y\u2019ikibuga cy\u2019indege, ariko ko ingabo za Niger zongeye kugenzura ako gace.<\/p>\n
Na byo ntibirabasha kwemezwa mu buryo bwigenga.<\/p>\n
Ibi bibaye mu gihe Niger ikomeje guhangana n\u2019ibitero by\u2019imitwe yitwaje intwaro ifite aho ihuriye na Al-Qaeda na Islamic State, cyane cyane mu bice byo mu gihugu bihana imbibi na Mali na Burkina Faso.<\/p>\n
Muri Mutarama uyu mwaka, habaye ikindi gitero gikomeye hafi y\u2019ikibuga cy\u2019indege cya Niamey, aho humvikanye amasasu n\u2019ibiturika.<\/p>\n
Niger imaze imyaka itatu iyobowe n\u2019ubutegetsi bwa gisirikare kuva ku butegetsi bwa Perezida Mohamed Bazoum bukuweho mu 2023.<\/p>\n
Ubuyobozi bwa General Abdourahamane Tiani bwahinduye icyerekezo cy\u2019ububanyi n\u2019amahanga, bugabanya umubano n\u2019ibihugu byo mu burengerazuba bw’Isi ndetse bwongera ubufatanye n\u2019u Burusiya.<\/p>\n
Niamey kandi iri mu bihugu bitatu bya Sahel\u2014hamwe na Mali na Burkina Faso byashinze Alliance des \u00c9tats du Sahel (AES), nyuma yo kuva muri ECOWAS.<\/p>\n","protected":false},"excerpt":{"rendered":"
Mu rukerera rwo kuri uyu wa Gatandatu tariki ya 29 Kanama 2026, i Niamey mu murwa mukuru wa Niger humvikanye amasasu menshi n\u2019ibiturika mu bice bitandukanye by\u2019uwo mujyi. Abatangabuhamya babwiye Reuters ko amasasu yumvikanye hafi y\u2019Ikibuga Mpuzamahanga cy\u2019Indege cya Diori Hamani, ndetse no mu gace gaherereyemo Ingoro ya Perezida. Umwe mu batangabuhamya yavuze ko imirwano […]<\/p>\n","protected":false},"author":17,"featured_media":273386,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-273385","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n