Umuyobozi w’Urwego rw’Ubutasi rwa Leta Zunze Ubumwe za Amerika, CIA, muri iki cyumweru yageze i Moscow nta tangazo ryabanje, nta kamera, nta nama na Perezida Putin, nta bisobanuro birambuye ku byaganiriweho.<\/p>\n
John Ratcliffe yahuriye n\u2019abayobozi b\u2019ubutasi bw\u2019u Burusiya mu ruzinduko rw\u2019ibanga rwamaze amasaha make, ariko impamvu nyayo y\u2019uru ruzinduko ikomeje kuba amayobera.<\/p>\n
Ese Washington yari ifite ubutumwa bwihariye bwo kugeza kuri Moscow? Cyangwa hari ikindi kibazo gikomeye cy\u2019umutekano cyari cyatumye umukuru w\u2019ubutasi bw\u2019Amerika ajya mu murwa mukuru w\u2019u Burusiya?<\/p>\n
Icyatangaje kurushaho ni uko uru ruzinduko rwabaye mu gihe amakuru aturuka mu bitangazamakuru byo muri Amerika avuga ko Ratcliffe ashobora kuba yaragiye kuburira u Burusiya kutagaba igitero ku gihugu kigize NATO.<\/p>\n
Icyakora, kugeza ubu Washington na Moscow ntibiremeza ku mugaragaro ko ubwo butumwa bwatanzwe.<\/p>\n
Ratcliffe yageze i Moscow ku wa 25 Kanama 2026, mu ruzinduko rutatangajwe mbere, aho yabonanye na Sergey Naryshkin, umuyobozi w\u2019urwego rw\u2019ubutasi bwo hanze rw\u2019u Burusiya, SVR.<\/p>\n
Naryshkin yemeje ko bagiranye ibiganiro, ariko impande zombi ntizatangaje birambuye ibyo baganiriyeho.<\/p>\n
Ariko amakuru aturuka mu bitangazamakuru bikomeye byo muri Amerika avuga ko uruzinduko rwari rufite ubutumwa burenze ibiganiro bisanzwe by\u2019ubutasi.<\/p>\n
Amerika yaba yaragiye kuburira Moscow?<\/strong><\/p>\n The Wall Street Journal na CBS News byatangaje, bishingiye ku bantu bafite amakuru ku byabereye muri ibyo biganiro, ko Ratcliffe yari afite ubutumwa bwo kuburira u Burusiya kutagaba igitero ku gihugu icyo ari cyo cyose kigize NATO.<\/p>\n Ibyo bitangazwa nyuma y\u2019uko amakuru y\u2019ubutasi bwa Amerika agaragaje impungenge ko Moscow ishobora mu myaka iri imbere kugerageza kureba niba NATO koko yakwihutira kurengera umwe mu banyamuryango bayo.<\/p>\n Bimwe mu bikorwa bishobora kuba biri mu byo Amerika itinya ntabwo byanze bikunze ari intambara nini.<\/p>\n Byaba bishobora gutangirira ku bitero by\u2019ikoranabuhanga, ibikorwa bya (sabotage) cyangwa igikorwa gito cya gisirikare kigamije kugerageza ubwitange bw\u2019ibihugu bya NATO, cyane cyane mu karere ka Baltique.<\/p>\n Kuki ubu?<\/strong><\/p>\n Iki kibazo kibaye mu gihe intambara yo muri Ukraine ikomeje kandi ibiganiro byo gushaka amahoro bikomeje kugorana.<\/p>\n Amerika kandi iri guhangana nundi mutwaro ukomeye w\u2019umutekano ku Isi, ku buryo Washington ishobora kuba ishaka kumenya neza niba Moscow itabona umwanya wo gukoresha uko Amerika iri kwibanda ku zindi ntambara.<\/p>\n Ni muri uwo murongo bamwe mu basesenguzi babona uruzinduko rwa Ratcliffe nk\u2019uburyo bwo gukomeza ibiganiro bikorwa inyuma y\u2019amarido, aho abayobozi cyangwa intumwa z\u2019ibihugu bavugana mu ibanga kugira ngo bashakishe umuti w\u2019ikibazo, batabanje kubitangariza rubanda Hagati ya Washington na Moscow, umuyoboro w\u2019ibiganiro ushobora gukora n\u2019igihe umubano wa dipolomasi usanzwe utameze neza.<\/p>\n Ariko Trump we aragabanya uburemere bw\u2019uruzinduko<\/strong><\/p>\n Perezida Donald Trump ntiyagaragaje uruzinduko rwa Ratcliffe nk\u2019ikimenyetso cy\u2019uko hari ikibazo cyihutirwa hagati ya Amerika n\u2019u Burusiya.<\/p>\n Yarwise uruzinduko rutari igitaraganya \u201csemi-routine\u201d , mu gihe n\u2019umuyobozi w\u2019Urwego rw\u2019Ubutasi bwo Hanze bw\u2019u Burusiya (SVR) Naryshkin, yavuze ko ibiganiro byabo byari inama y\u2019akazi isanzwe.<\/p>\n Ibi bituma havuka ikibazo gikomeye: Ese Washington iri kuvuga ibintu bibiri bitandukanye?<\/p>\n Ku ruhande rumwe, ubuyobozi bwa Trump buragabanya uburemere bw\u2019uruzinduko. Ku rundi ruhande, amasoko yo muri Amerika avuga ko umuyobozi wa CIA yari afite ubutumwa bukomeye bwo kuburira Moscow ku bijyanye na NATO.<\/p>\n Ratcliffe ntiyabonanye na Putin<\/strong><\/p>\n Amakuru yatangajwe na Kremlin avuga ko Ratcliffe atabonanye na Putin.<\/p>\n Ibiganiro byabereye hagati ya Ratcliffe n\u2019abayobozi b\u2019ubutasi bw\u2019u Burusiya, nyuma Putin aza kumenyeshwa ibyaganiriweho.<\/p>\n Umwuka w\u2019Intambara y\u2019Ubutita waba urimo kugaruka?<\/strong><\/p>\n Uru ruzinduko rufite uburemere budasanzwe. Umuyobozi wa CIA kujya i Moscow ni ibintu bidasanzwe cyane.<\/p>\n Ni na yo mpamvu uru ruzinduko rwatangiye kugereranywa n\u2019urw\u2019uwahoze ayobora CIA, William Burns, wagiye i Moscow mu 2021 ubwo Amerika yari ifite amakuru ko u Burusiya bushobora gutera Ukraine.<\/p>\n Ubu, nyuma y\u2019imyaka itanu, Ratcliffe yongeye kujya Moscow mu gihe Amerika ifite impungenge ku hazaza h\u2019umutekano w\u2019u Burayi.<\/p>\n Niba koko ubutumwa bwari ubwo kuburira Moscow kutagerageza NATO, bishobora kuba ikimenyetso cy\u2019uko Washington idashaka gutegereza ko ikibazo kiba intambara mbere yo gutanga umuburo.<\/p>\n Umurongo utukura<\/strong><\/p>\n Ikibazo gikomeye wakwibaza ni iki: Ese Ratcliffe yari i Moscow kugira ngo akomeze ibiganiro bisanzwe by\u2019ubutasi, cyangwa Washington itangiye kohereza ubutumwa budasanzwe kuri Kremlin kubera impungenge ko u Burusiya bushobora kugerageza umurongo wo kwihanganira kwa NATO?<\/p>\n Kugeza ubu, igisubizo cyuzuye ntikiratangazwa.<\/p>\n Ariko kuba umuyobozi wa CIA yaragiye i Moscow mu ibanga, akabonana n\u2019umukuru w\u2019ubutasi bw\u2019u Burusiya, mu gihe intambara ya Ukraine ikomeje kandi Amerika ikavuga ku mpungenge z\u2019uko NATO ishobora kugeragezwa, bituma uru ruzinduko ruba ikimenyetso gikomeye cyane ku hazaza h\u2019umutekano w\u2019u Burayi.<\/p>\n Ikibazo ntabwo ari gusa icyo Ratcliffe yavuze i Moscow, ikibazo gikomeye kurushaho ni icyo Amerika ishobora kuba yarabonye mu butasi bwayo cyatumye ibona ko ubu ari igihe cyo kuburira Moscow.<\/p>\n","protected":false},"excerpt":{"rendered":" Umuyobozi w’Urwego rw’Ubutasi rwa Leta Zunze Ubumwe za Amerika, CIA, muri iki cyumweru yageze i Moscow nta tangazo ryabanje, nta kamera, nta nama na Perezida Putin, nta bisobanuro birambuye ku byaganiriweho. John Ratcliffe yahuriye n\u2019abayobozi b\u2019ubutasi bw\u2019u Burusiya mu ruzinduko rw\u2019ibanga rwamaze amasaha make, ariko impamvu nyayo y\u2019uru ruzinduko ikomeje kuba amayobera. Ese Washington yari […]<\/p>\n","protected":false},"author":1074,"featured_media":273466,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-273465","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n
\n(backchannel diplomacy).<\/p>\n