Amakuru aturuka mu gihugu cy’u Burundi aravuga ko ishyamba atari ryeru mu ishyaka CNDD-FDD riri ku butegetsi, bijyanye n’uko itsinda ry\u2019abarwanashyaka rizwi nka ‘Bene Samuragwa’ ryatangiye gucikamo ibice bibiri bivuga ko ari byo bifite ubuyobozi bwemewe.<\/p>\n
Amakuru aturuka muri CNDD-FDD avuga ko muri ririya tsinda havutsemo igice gishya kivuga ko gihagarariye ruriya rwego, ndetse kigaragaza ko rgshyigikiye Umunyamabanga Mukuru wa CNDD-FDD, R\u00e9v\u00e9rien Ndikuriyo.<\/p>\n
Ni mu gihe uwitwa M\u00e9lance Niyimbona uzwi nka \u201cDe Liaison\u201d akomeza kuvuga ko ari we muyobozi wemewe kandi ko ahagarariye abarwanashyaka begamiye kuri Perezida \u00c9variste Ndayishimiye.<\/p>\n
Bene Samuragwa ni itsinda ry\u2019abarwanashyaka ba CNDD-FDD rikorera mu bice bitandukanye by\u2019u Burundi, rikaba rifatwa nk\u2019iry\u2019abarwanashyaka bakomeye kandi begereye Perezida Ndayishimiye.<\/p>\n
Izina \u201cSamuragwa\u201d na ryo rikoreshwa mu mvugo zo muri CNDD-FDD ryerekeza ku izina rya Ndayishimiye.<\/p>\n
Ubuyobozi bubiri kuri Bene Samuragwa<\/strong><\/p>\n M\u00e9lance Niyimbona, uzwi nka \u201cDe Liaison\u201d, ni we wari usanzwe ayobora Bene Samuragwa ku rwego rw\u2019igihugu, ariko hashize igihe gito havutse itsinda rishya rivuga ko rigomba kuvugurura imikorere y\u2019iri tsinda no gushyiraho inzego nshya z\u2019ubuyobozi.<\/p>\n Mu nyandiko iheruka ahagaragara, uwitwa Jean-Luc Habumugisha yagaragajwe nk\u2019umuyobozi wa Bene Samuragwa, na ho Colonel de Police Chantal Manirakiza agirwa umwungirije.<\/p>\n Iri tsinda rishinja Niyimbona kutakigira uruhare ruhagije mu bikorwa bya CNDD-FDD ndetse rikamushinja imicungire mibi y\u2019umutungo wa Bene Samuragwa.<\/p>\n Ryamwatse kandi telefoni y\u2019akazi ndetse n\u2019amafaranga yakoreshejwe mu kugura imodoka akoresha, rimusaba kuyisubiza cyangwa agasubiza amafaranga yayo, hamwe n\u2019indi mitungo y\u2019itsinda.<\/p>\n Ndacyari umuyobozi: Niyimbona<\/strong><\/p>\n Niyimbona na we ntiyemera ubuyobozi bushya. Ku wa 31 Kanama, yandikiye abanyamuryango ba Bene Samuragwa avuga ko akomeje kuba umuyobozi w\u2019iri tsinda, abizeza ko nta mpinduka yemewe yabaye ku buyobozi bwaryo.<\/p>\n Ibi byatumye havuka ikibazo cy\u2019ubuyobozi bubiri, aho buri ruhande ruvuga ko ari rwo rufite ububasha bwo guhagararira Bene Samuragwa.<\/p>\n Ndikuriyo yinjiye mu kibazo<\/strong><\/p>\n Itsinda rishyigikiye ubuyobozi bushya bwa Bene Samuragwa ryagaragaje ko rihagaze inyuma ya R\u00e9v\u00e9rien Ndikuriyo, Umunyamabanga Mukuru wa CNDD-FDD.<\/p>\n Iri tsinda ryagejeje n\u2019ikibazo mu nkiko, risaba ko Niyimbona abuzwa gukomeza gukoresha kashe yemewe ya Bene Samuragwa.<\/p>\n Ibi ni byo byatumye amakimbirane afatwa nk\u2019arenze ikibazo cy\u2019abayobozi b\u2019itsinda rimwe, kuko impande zombi zigaragaza ko zegamiye ku bantu bakomeye bafite ijambo muri CNDD-FDD.<\/p>\n Ku ruhande rumwe hari Niyimbona uvuga ko akomeje guhagararira Bene Samuragwa, itsinda rimaze igihe rifatwa nk\u2019iryegereye Perezida Ndayishimiye.<\/p>\n Ku rundi ruhande, hari ubuyobozi bushya buvuga ko ari bwo bwemewe kandi bukagaragaza ko bushyigikiye Ndikuriyo.<\/p>\n Intangiriro y\u2019ishyamirana rikomeye?<\/strong><\/p>\n Ibi bibaye mu gihe R\u00e9v\u00e9rien Ndikuriyo amaze kugira uruhare rukomeye mu mikorere ya CNDD-FDD nk\u2019Umunyamabanga Mukuru w\u2019ishyaka, mu gihe \u00c9variste Ndayishimiye ari Perezida w\u2019u Burundi akaba na Perezida w\u2019ishyaka.<\/p>\n Nubwo amakimbirane ya Bene Samuragwa atari gihamya y\u2019uko Ndayishimiye na Ndikuriyo bamaze gutangira guhangana ku mugaragaro, kuba impande zombi zigaragaza ko zishyigikiye aba bayobozi babiri bituma ikibazo gifatwa nk\u2019ikigaragaza ihangana ry\u2019imbaraga n\u2019inyungu z\u2019amatsinda atandukanye imbere muri CNDD-FDD.<\/p>\n Ikibazo gikomeye ubu ni ukumenya uzemerwa nk\u2019umuyobozi wa Bene Samuragwa, cyane cyane ko impande zombi zimaze kugera ku rwego rwo gukoresha inzira z\u2019ubutabera.<\/p>\n Mu gihe kandi amakimbirane yakomeza kwaguka, ashobora kuba kimwe mu bimenyetso bikomeye by\u2019amacakubiri y\u2019imbere muri CNDD-FDD, ishyaka rimaze imyaka myinshi rigenzura ubutegetsi bw\u2019u Burundi.<\/p>\n","protected":false},"excerpt":{"rendered":" Amakuru aturuka mu gihugu cy’u Burundi aravuga ko ishyamba atari ryeru mu ishyaka CNDD-FDD riri ku butegetsi, bijyanye n’uko itsinda ry\u2019abarwanashyaka rizwi nka ‘Bene Samuragwa’ ryatangiye gucikamo ibice bibiri bivuga ko ari byo bifite ubuyobozi bwemewe. Amakuru aturuka muri CNDD-FDD avuga ko muri ririya tsinda havutsemo igice gishya kivuga ko gihagarariye ruriya rwego, ndetse kigaragaza […]<\/p>\n","protected":false},"author":17,"featured_media":273831,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-273830","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n