Perezida w\u2019u Burundi, \u00c9variste Ndayishimiye, yasuye ikigo cya Kigarika giherereye mu yahoze ari intara ya Ruyigi (Buhumuza y’ubu), ahari urubyiruko rurimo Imbonerakure ruri guhabwa imyitozo ya gisirikare n\u2019iyo kwitwara gisirikare, mu gihe impaka zikomeje ku cyerekezo cy\u2019uyu mutwe w\u2019urubyiruko rwa CNDD-FDD.<\/p>\n
Kigarika yahoze ari ikigo cya Leta y’u Burundi gishinzwe gutuburiramo imbuto, ariko ubu kikaba gikoreshwa mu bikorwa bya FRAD, umutwe w’abasirikare u Burundi buvuga ko ari Inkeragutabara zigamije gushyigikira iterambere.<\/p>\n
Ni umutwe u Burundi buvuga ko uhuriwemo abasirikare basezerewe mu ngabo n\u2019urubyiruko rwatoranyijwe mu gihugu.<\/p>\n
Perezidansi y\u2019u Burundi ivuga ko FRAD igamije gufasha abasirikare bagiye mu kiruhuko cy\u2019izabukuru gukomeza kugira uruhare mu bikorwa by\u2019igihugu, mu gihe urubyiruko ruyitabira ruhabwa amahugurwa yo kwitwara gisirikare, ay\u2019imyuga n\u2019ubushabitsi.<\/p>\n
Ariko kuba muri abo batozwa harimo Imbonerakure byongeye kubyutsa impaka ku ruhare rw\u2019uyu mutwe mu nzego z\u2019umutekano z\u2019u Burundi.<\/p>\n
Imbonerakure ni umutwe w’urubyiruko rwo mu ishyaka CNDD-FDD, ishyaka riri ku butegetsi kuva mu 2005. Mu myaka yashize, uyu mutwe wakunze kunengwa n\u2019imiryango mpuzamahanga n\u2019abatavuga rumwe n\u2019ubutegetsi ku birebana n\u2019ibikorwa by\u2019umutekano, iterabwoba n\u2019ihohoterwa rya politiki.<\/p>\n
Abayobozi b\u2019u Burundi bo bahakana ko Imbonerakure ari umutwe w\u2019abasirikare cyangwa umutwe w\u2019interahamwe, bakavuga ko ari urubyiruko rw\u2019ishyaka rukora ibikorwa byo guteza imbere igihugu.<\/p>\n
Uruzinduko rwa Ndayishimiye i Kigarika rubaye nyuma y\u2019iminsi mike atangaje impinduka ikomeye ku bijyanye n\u2019uruhare rw\u2019Imbonerakure mu mutekano w\u2019igihugu.<\/p>\n
Ku wa 29 Kanama 2026, ubwo hizihizwaga umunsi w\u2019Imbonerakure i Gitega, Ndayishimiye yatangaje ko Imbonerakure zigomba guhinduka \u201cabakomando\u201d, anavuga ko yifuza ko \u201cburi Murundi aba umusirikare.\u201d<\/p>\n
Ni imvugo yatumye bamwe mu bakurikiranira hafi ibya politiki n\u2019umutekano w\u2019u Burundi bibaza niba igihugu kitaba kiri gutegura uburyo bushya bwo kugira urubyiruko rufite imyitozo ya gisirikare, cyane cyane urubyiruko rufite aho ruhuriye n\u2019ishyaka riri ku butegetsi.<\/p>\n
Amakuru kandi avuga ko iyi gahunda ishobora kuvamo umutwe w\u2019abantu bafite imyitozo ya gisirikare ubangikanye n\u2019ingabo zisanzwe z\u2019u Burundi, ndetse bamwe bakavuga ko hari impungenge z\u2019uko abahugurwa bashobora gutoranywa mu buryo bushyira imbere abantu b\u2019itsinda cyangwa ubwoko runaka.<\/p>\n
Ibi birahurirana n’amakuru amaze iminsi avuga ko mu Ruyigi hamaze iminsi hatorezwa “abasirikare b’ubwoko bumwe” bagomba kwifashishwa mu bikorwa by’ibanga ubutegetsi bw’u Burundi bivugwa ko buri gutegura.<\/p>\n
Ku ruhande rwa Leta icyakora FRAD ntiyerekanwa nk\u2019umutwe mushya w\u2019ingabo wigenga.<\/p>\n
Perezidansi iyisobanura nk\u2019igice cy\u2019Ingabo z\u2019u Burundi gishinzwe gukurikirana abasirikare bagiye mu kiruhuko cy’izabukuru no guha urubyiruko amahugurwa agamije kurwongerera ubumenyi, gukunda igihugu no kurufasha kwinjira mu bikorwa by\u2019ubukungu.<\/p>\n","protected":false},"excerpt":{"rendered":"
Perezida w\u2019u Burundi, \u00c9variste Ndayishimiye, yasuye ikigo cya Kigarika giherereye mu yahoze ari intara ya Ruyigi (Buhumuza y’ubu), ahari urubyiruko rurimo Imbonerakure ruri guhabwa imyitozo ya gisirikare n\u2019iyo kwitwara gisirikare, mu gihe impaka zikomeje ku cyerekezo cy\u2019uyu mutwe w\u2019urubyiruko rwa CNDD-FDD. Kigarika yahoze ari ikigo cya Leta y’u Burundi gishinzwe gutuburiramo imbuto, ariko ubu kikaba […]<\/p>\n","protected":false},"author":17,"featured_media":273852,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-273851","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n