![\"\"](\"https:\/\/bwiza.com\/wp-content\/uploads\/2026\/09\/HRnjv6AbEAEICLw.jpg\")
<\/p>\nPerezida Paul Kagame yageze mu gihugu cya Oman, aho kuri uyu wa Mbere tariki ya 7 Nzeri yatangiye uruzinduko rw’iminsi ibiri.<\/p>\n
Umukuru w’Igihugu akigera muri iki gihugu yakiriwe Sultan Haitham bin Tarik, mu Ngoro ya Al Hosn iherereye mu mujyi wa Salalah, mu Majyepfo ya Oman.<\/p>\n
Mu butumwa bwatanzwe n\u2019ibiro bya Sultan wa Oman, bwavuze ko Sultan Haitham yakiriye Kagame nk\u2019\u201cumushyitsi w\u2019agaciro\u201d w\u2019igihugu, amwifuriza we n\u2019intumwa zamuherekeje uruzinduko rwiza kandi rugenda neza.<\/p>\n
Uru ruzinduko rubaye mu gihe umubano hagati y\u2019u Rwanda na Oman uri kugenda wongera imbaraga, cyane cyane mu nzego z\u2019ubukungu, ubucuruzi, ishoramari, ikoranabuhanga n\u2019ubwikorezi.<\/p>\n
Mu mezi ashize, ibihugu byombi byagiye bigirana ibiganiro bigamije gushimangira ubufatanye, mu gihe Oman na yo iri kongera ibikorwa byayo ku mugabane wa Afurika.<\/p>\n
<\/p>\n
Muri Nyakanga 2026, hatangijwe ingendo z\u2019indege zitaziguye hagati ya Muscat na Kigali, ibintu byitezweho koroshya ingendo z\u2019abantu no guteza imbere ubucuruzi, ubukerarugendo n\u2019ishoramari hagati y\u2019impande zombi.<\/p>\n
Uru ruzinduko rwa Perezida Kagame kandi rukurikiye ubutumwa Sultan Haitham yagejeje kuri Perezida w\u2019u Rwanda muri Kanama, bugaruka ku mibanire n\u2019ubufatanye hagati y\u2019ibihugu byombi.<\/p>\n
Nubwo ibisobanuro birambuye ku biri buganirweho kuri uyu wa Mbere bitaratangazwa, kwakirwa kwa Perezida Kagame na Sultan Haitham ku rwego rwo hejuru bishimangira uburemere Oman iha umubano wayo n\u2019u Rwanda.<\/p>\n
Biteganyijwe ko ibiganiro by\u2019abayobozi bombi bizibanda ku ngingo z\u2019inyungu zihuriweho, zirimo guteza imbere umubano wa politiki, ubucuruzi n\u2019ishoramari ndetse no kwagura ubufatanye mu nzego z\u2019iterambere.<\/p>\n
![\"\"](\"https:\/\/bwiza.com\/wp-content\/uploads\/2026\/09\/HRnju7_aAAAbl2l-2.jpg\")
<\/p>\n
U Rwanda na Oman bisanzwe bifitanye umubano w\u2019ububanyi n\u2019amahanga umaze imyaka isaga 40, ariko mu gihe cya vuba hakaba haragaragaye ubushake bwo kuwugira umubano ushingiye cyane ku mishinga ifatika y\u2019ubukungu.<\/p>\n
Kwakirwa kwa Perezida Kagame i Salalah rero ni intambwe nshya mu rugendo rwo kurushaho kwegeranya Kigali na Muscat, mu gihe ibihugu byombi bishaka gukoresha amahirwe ari mu bucuruzi, ubwikorezi, ikoranabuhanga n\u2019ishoramari.<\/p>\n
![\"\"](\"https:\/\/bwiza.com\/wp-content\/uploads\/2026\/09\/HRnoaqTagAASWqA.jpg\")
<\/p>\n
![\"\"](\"https:\/\/bwiza.com\/wp-content\/uploads\/2026\/09\/HRnobf_bMAAQajs.jpg\")
<\/p>\n","protected":false},"excerpt":{"rendered":"
Perezida Paul Kagame yageze mu gihugu cya Oman, aho kuri uyu wa Mbere tariki ya 7 Nzeri yatangiye uruzinduko rw’iminsi ibiri. Umukuru w’Igihugu akigera muri iki gihugu yakiriwe Sultan Haitham bin Tarik, mu Ngoro ya Al Hosn iherereye mu mujyi wa Salalah, mu Majyepfo ya Oman. Mu butumwa bwatanzwe n\u2019ibiro bya Sultan wa Oman, bwavuze […]<\/p>\n","protected":false},"author":17,"featured_media":273979,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[131],"class_list":["post-273972","post","type-post","status-publish","format-standard","has-post-thumbnail","hentry","category-amakuru-rw","tag-in-slide-rw"],"yoast_head":"\n