Mu gihe hirya no hino mu gihugu hari abaturage binubira itinda rya serivisi z’ihererekanya ry’ubutaka mu Mirenge, ba Noteri\u00a0 bigenga bagera ku 145 bemerewe n’ikigo cy’igihugu gishinzwe ubutaka guha izo serivisi abaturage baravuga ko urutonde rwabo iki kigo cyohereje muri Minisiteri y’ubutabera ngo ibahe ubwo bubasha ruyimazemo amezi hafi 3 nta gisubizo babona.<\/p>\n
Ni ikibazo kidahangayikishije abo ba Noteri gusa, ahubwo kinahangayikishije bikomeye abaturage bakenera serivisi zijyanye n’ihererekanya ry’ubutaka ryaba irishingiye ku bugure, impano, izungura n’ibyemezo by’inkiko, nk’uko bamwe mu baturage baganiriye na BWIZA bayibitangarije.<\/p>\n
Mukamusonera wo mu karere ka Nyamagabe yagize ati: “Dufite ikibazo kiremereye mu bijyanye n’ihererekanya ry’ubutaka. Ababishinzwe mu mirenge batanga izo serivisi iminsi mike mu cyumweru, bakavuga ko atari ko kazi konyine baba bafite kandi mu mpera z’icyumweru ntibakora birumvikana, kandi hari abakenera izo serivisi muri izo mpera z’icyumweru.”<\/p>\n
Arakomeza ati: “Igihe ba Noteri bigenga bujuje ibisabwa bahabwa ububasha bwo gutanga izo serivisi, icya mbere zakwihuta kuko ubu usanga hari igihe umuntu ajya ku murenge akahasanga abantu benshi cyane ntagerweho, banabyakira akamara nk’amezi 3 atarasubizwa, asiragira nta kindi yikorera. Gikemutse byarushaho kunoza no kwihutisha serivisi. N’ikiguzi cyazo cyagabanuka kuko usanga ubu gihanitse cyane.”<\/p>\n
Uwimana Jean Claude wo mu Karere ka Rusizi na we ati: “Ni ikibazo kimaze igihe, kigaragara mu gihugu hose. Nyamara mu minsi ishize twabonaga ku mbuga nkoranyambaga batubwira ko hari urutonde rwa ba Noteri bigenga ikigo cy’igihugu gishinzwe ubutaka cyashyikirije Minisiteri y’ubutabera ngo ibahe ubwo bubasha, hagiye gushira amezi 3 twayobewe aho byaheze.”<\/p>\n
BWIZA yegereye\u00a0 bamwe muri ba Noteri bigenga bayisobanurira ko na Leta izi ko ari ikibazo kiremereye cyane, cyane cyane ko ba Noteri bigenga bafasha muri izi serivisi bakiri bake cyane mu gihugu, ku buryo hari n’uturere twinshi utasangamo n’umwe, bikadindiza imitangire inoze y’izo serivisi zikenerwa n’abaturage benshi.<\/p>\n
Umwe ati: “Ni ikibazo cyizwi cyane. Mu kugerageza kugikemura, ikigo cy’igihugu gishinzwe ubutaka ku wa 29 Kamena 2026 cyasohoye urutonde rw’abanoteri 145 bigenga bujuje ibisabwa mu gukora uwo murimo bari babisabye. Cyarwohereje muri Minisiteri y’ubutabera na ba nyir’ubwite barabimenyeshwa binajya ku mbuga nkoranyambaga abaturage bizera ko bigiye gukemuka.”<\/p>\n
Yakomeje ati: “Nubwo nta gihe ntarengwa icyo kigo cyashyizeho byagombye kuba byakemutse, twumvaga mu by’ukuri bikabije gutinda muri Minisiteri y’ubutabera bitari kurenga ukwezi abo cyagaragaje ko bujuje ibisabwa badasubijwe ngo batangire izo nshingano. None amezi agiye kuba 3 nta gisubizo, ntituzi aho byapfiriye twanabuze uwo tubaza waduha amakuru nyayo.”<\/p>\n
Mugenzi we, we yagize ati: “Turasaba Minisiteri y’ubutabera kudukura mu gihirahiro abasubizwa bagasubizwa bagatangira imirimo abaturage bakihutishirizwa serivisi kuko ni yo yemeza urwo rutonde kandi urumva amezi yose rumaze ruryamyeyo.”<\/p>\n
Umunyamabanga uhoraho muri Minisiteri y’ubutabera, Mbonera Th\u00e9ophile yatanze icyumweru kimwe gusa ngo kiriya kibazo kibe cyacyemutse.<\/p>\n
Yabwiye BWIZA ati: “Biri hafi, byenda gusozwa. Aba bantu babanza kugenzurwa byimbitse bose, hakarebwa imikorere yabo, uko buzuza inshingano zinyuranye zerekeye umwuga wabo, ubunyamwuga n’ubudakemwa mu kazi byabaranze mu gihe bamaze, kumenya niba bakibarizwa aho bagaragaje ko bakorera n’ibindi. Bitarenze icyumweru gitaha tubona ikigo cy’igihugu cy’ubutaka kizasubizwa.”<\/p>\n
Ba Noteri\u00a0 bigenga n’abaturage baganiriye n’iki gitangazamakuru nyuma y’iki gisubizo, bavuze ko bizeye ko imvugo ye izaba ingiro bagakurwa muri icyo gihirahiro.<\/p>\n","protected":false},"excerpt":{"rendered":"
Mu gihe hirya no hino mu gihugu hari abaturage binubira itinda rya serivisi z’ihererekanya ry’ubutaka mu Mirenge, ba Noteri\u00a0 bigenga bagera ku 145 bemerewe n’ikigo cy’igihugu gishinzwe ubutaka guha izo serivisi abaturage baravuga ko urutonde rwabo iki kigo cyohereje muri Minisiteri y’ubutabera ngo ibahe ubwo bubasha ruyimazemo amezi hafi 3 nta gisubizo babona. Ni ikibazo […]<\/p>\n","protected":false},"author":9,"featured_media":274161,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-274160","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n