Ishyaka Riharanira Demukarasi no Kurengera Ibidukikije mu Rwanda (DGPR), rivuga ko rishimishwa n\u2019ubwiyongere bw\u2019abarwanashyaka baryo, rikavuga ko ari ikimenyetso cy\u2019uko Abanyarwanda barushaho gusobanukirwa ingengabitekerezo n\u2019amahame y\u2019iri shyaka.<\/p>\n
Byatangajwe na Perezida wa Green Party, Hon. Dr Frank Habineza, ubwo yari mu mu Karere ka Gicumbi aho iri shyaka rikomeje ibikorwa by\u2019inama n\u2019amahugurwa bigamije kwegera abarwanashyaka no kubaka inzego zaryo ku rwego rw\u2019Imirenge.<\/p>\n
Habineza yavuze ko kuba abantu benshi barimo kwitabira ibikorwa by\u2019ishyaka ari ibintu bishimisha ubuyobozi bwaryo, abihuza n\u2019uko abantu barushaho kumenya ibyo Green Party ihagarariye.<\/p>\n
Ati: \u201cKuba abantu bari kwiyongera cyane mu by\u2019ukuri natwe byadushimishije cyane. Nk\u2019ubu ubwo duheruka hano (muri Gicumbi) twakoranye inama n\u2019abo mu Murenge wa Byumba na Nyankenke, abantu baje ari benshi cyane tubura n\u2019aho tubicaza. Icyo bivuze ni uko abantu bamaze gusobanukirwa ingengabitekerezo ya Green Party.\u201d<\/p>\n
Yongeyeho ko muri iki gihe abarwanashyaka bakomeje kwiyongera, mu gihe mu bihe byashize hari ubwo ryashakaga abantu ntiribabone, ibyo avuga ko byerekana buryo ki abantu bamaze kumenya ishyaka ayoboye.<\/p>\n
Ati: \u201cHari igihe twifuzaga abantu tukababura none basigaye baza tukabura aho tubicaza, urumva ni ibintu byiza cyane. Ni ukuvuga ngo abantu bamaze kumva Green Party icyo ari cyo, barayumva kuri radiyo, barayumva mu binyamakuru, kuri Televiziyo, baratubonye twiyamamaza mu 2017 na 2024; ibikorwa byacu barabibona kandi barabona ko turi ishyaka rifite icyerekezo rinafitiye akamaro Abanyarwanda.\u201d<\/p>\n
Mu Karere ka Gicumbi, Green Party imaze kugeza inzego zayo mu mirenge 12 ari yo Byumba, Nyankenke, Rukomo, Kageyo, Miyove, Rutare, Rwamiko, Mutete, Bukure, Kaniga na Bwisige.<\/p>\n
Biteganyijwe ko imirenge 21 igize aka Karere yose izagerwamo n\u2019inzego z\u2019ishyaka.<\/p>\n
Kuri iki cyumweru tariki ya 20 Nzeri 2026, ibikorwa by\u2019ishyaka byakomereje mu mirenge ya Kaniga na Bwisige, aho abarwanashyaka bagiranye inama ndetse bahabwa amahugurwa ku mahame n\u2019ingengabitekerezo by\u2019ishyaka.<\/p>\n
Mu ngingo zaganiriweho harimo uruhare rw\u2019abarwanashyaka mu kugaragaza isura y\u2019ishyaka no kurimenyekanisha, kurengera ibidukikije no guhangana n\u2019ingaruka z\u2019imihindagurikire y\u2019ikirere, ndetse n\u2019uruhare rw\u2019abaturage mu kubungabunga ibidukikije.<\/p>\n
Haganiriwe kandi ku mahoro n\u2019umutekano w\u2019abantu, nk\u2019ibintu by\u2019ingenzi mu mibereho myiza y\u2019abaturage no mu iterambere rirambye.<\/p>\n
Green Party ivuga ko ibi bikorwa biri mu gahunda yo gukomeza kubaka no gushimangira inzego z\u2019ishyaka kuva ku rwego rw\u2019Umurenge, kongerera abarwanashyaka ubushobozi no guteza imbere uruhare rw\u2019abagore n\u2019urubyiruko mu bikorwa byayo.<\/p>\n","protected":false},"excerpt":{"rendered":"
Ishyaka Riharanira Demukarasi no Kurengera Ibidukikije mu Rwanda (DGPR), rivuga ko rishimishwa n\u2019ubwiyongere bw\u2019abarwanashyaka baryo, rikavuga ko ari ikimenyetso cy\u2019uko Abanyarwanda barushaho gusobanukirwa ingengabitekerezo n\u2019amahame y\u2019iri shyaka. Byatangajwe na Perezida wa Green Party, Hon. Dr Frank Habineza, ubwo yari mu mu Karere ka Gicumbi aho iri shyaka rikomeje ibikorwa by\u2019inama n\u2019amahugurwa bigamije kwegera abarwanashyaka no […]<\/p>\n","protected":false},"author":17,"featured_media":274630,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[],"class_list":["post-274629","post","type-post","status-publish","format-standard","has-post-thumbnail","hentry","category-amakuru-rw"],"yoast_head":"\n