{"id":31146,"date":"2020-12-09T09:15:43","date_gmt":"2020-12-09T09:15:43","guid":{"rendered":"https:\/\/new.bwiza.com\/2020\/12\/09\/nyamasheke-ntibumvikanye-na-visi-meya-ku-byiciro-bishya-by-ubudehe-bashyizwemo\/"},"modified":"2020-12-09T09:15:43","modified_gmt":"2020-12-09T09:15:43","slug":"nyamasheke-ntibumvikanye-na-visi-meya-ku-byiciro-bishya-by-ubudehe-bashyizwemo","status":"publish","type":"post","link":"https:\/\/bwiza.com\/?p=31146","title":{"rendered":"Nyamasheke: Ntibumvikanye na Visi Meya ku byiciro bishya by\u2019ubudehe bashyizwemo"},"content":{"rendered":"

Tariki ya 4 Ukuboza 2020 ku rwego rw\u2019igihugu ni bwo abaturage batangiye gushyirwa mu byiciro by\u2019ubudehe bishya, gusa hakomeje kumvikana impaka n\u2019amakimbirane bivuka hagati yabo n\u2019abayobozi (mu midugudu, mu tugari no mu mirenge) bitewe n\u2019uko babashyira mu byo batifuza, bavuga ko \u201cbitajyanye n\u2019ubushobozi bwabo\u201d.
\n<\/strong><\/p>\n

Inkuru nk\u2019izi zumvikanye mu turere dutandukanye mu gihugu, BWIZA ibasha kugera muri Rwamagana, Huye, ahandi yifashisha imirongo ya telefone. Abaturage batangaje ko barengana, bamwe muri bo bakora igisa n\u2019imyigaragambyo. Abayobozi bo bagiye basobanura ko abaturage badasobanukiwe ibishingirwaho bashyirwa mu byiciro, bamwe muri bo bakemera ko bishoboka bo barengana, gusa ngo : \u201chari amahirwe yo kujurira, bigakosoka\u201d bitandukanye n\u2019ibya mbere, aho byasabaga gutekereza imyaka itatu.<\/p>\n

Mu Karere ka Nyamasheke ho abaturage bigumuye kuri Visi Meya<\/strong><\/p>\n

Ni abatuye mu Murenge wa Macuba bigumuye tariki ya 7 Ukuboza 2020 bananiwe kumvikana na Visi Meya ushinzwe imibereho myiza yabo, Mukamana Claudette wari witabiriye iki gikorwa cyo kubashyira mu byiciro by\u2019ubudehe bishya.<\/p>\n

Bamwe muri aba baturage by\u2019umwihariko abatuye mu midugudu itandukanye mu Kagari ka Rugari muri uyu murenge, kuri uyu wa 8 Ukuboza baganiriye na BWIZA, bavuga ko Visi Meya Mukamana yatumye bashyirwa mu byiciro by\u2019abishoboye, kandi babayeho mu buzima bugoye, ikaba impamvu yatumye bananirwa kumvikana.<\/p>\n

Nk\u2019uko babitangaje, icyiciro cyiganjemo abaturage benshi ni icya gatatu cyahawe izina rya C; abandi bake (impuzandengo ni 4 muri buri mudugudu muri Rugari), bashyirwa muri B kijyamo abishoboye. <\/p>\n

Umuturage washyize mu cyiciro cya B, yagize ati: \u201cGitifu w\u2019Umurenge na Visi Meya baraje baramfata, nta n\u2019inkweto ngira, ngo ngira ikawa, banshyira mu cyiciri cya kabiri bita B. Gitifu ngo \u2018ntabwo banyirukana hejuru yawe\u2019, Visi Meya ngo \u2018sha! Ntawe uzampemba muri mwe.\u201d Uyu avuga ko ahinga \u201cka kawa\u201d ku buso butoya, akaba afite na butiki (boutique) umugore we acururizamo umunyu na kawunga, ikirenzeho ngo afite abana 6.<\/p>\n

Undi ati: \u201cBarimo baradushyira mu byiciri ku mbaraga, umuntu abona adakwiriye.\u201d Yaje gutunga agatoki Visi Meya Mukamana, avuga ko babashyize muri iki cyiciro kugira ngo berekane ko akarere gakomeye, ati: \u201cNk\u2019abayobozi baba bari kurwana ishyaka ngo bagaragaze ko abaturage babo ari abantu bakomeye.\u201d<\/p>\n

Uyu muturage yavuze ko we na bagenzi be batatu mu Mudugudu we, bashyizwe muri iki cyiciro, kandi ngo ari abahinzi badashobora no gusagurira isoko. Ati: \u201cTuri abahinzi, mu by\u2019ukuri nyine turarya ariko turi ba bahinzi bo kweza imyaka yo kurya gusa.\u201d We ngo icyo ahinga ni imyumbati, nayo yera ku mwaka, akinjizamo amafaranga 10,000 rwf mu gihe yeze.<\/p>\n

Aba baturage bavuga ko mu cyumweru gishize hari ibyiciro bari barashyizwemo, Visi Meya Mukamana ahageze tariki ya 7 Ukuboza, asaba abayobozi bo mu tugari no mu midugudu kubihindura, bakabashyira muri B na C. Bongeye gusaba gusubizwa mu byiciro bifuza (abari muri B bagashyirwa muri C, bamwe bari muri C bagashyirwa muri D), hanyuma ngo “Abayobozi bo mu Kagari n\u2019abo mu Mugududu bakatubwira ngo Meya yababujije. Ngo Meya yavuze ngo nitujye mu cya kabiri n\u2019icya mbere n\u2019icya gatatu; kandi nta kuntu tumeze, turi abakene.\u201d<\/p>\n

Gusa nk\u2019uko abenshi muri bo babigaragaje, impamvu bifuza ibyiciro \u201cbijyanye n\u2019ubushobozi bwabo\u201d si ukugira ngo bazafashwe na leta; ahubwo ngo ni ukugira ngo batazagorwa no kwishyuzwa amafaranga menshi nk\u2019ay\u2019ubwisungane mu kwivuza, ndetse abana babo ntibafashwe kwiga. Izi ni imbogamizi zakuweho nk\u2019uko Minisitiri w\u2019Ubutegetsi bw\u2019Igihugu, Prof. Shyaka Anastase yabitangarije kuri RBA tariki ya 25 Kamena 2020, avuga ko ibyiciro bitazongera gushyingirwaho mu gihe leta itanga ubufasha.<\/p>\n

Visi Meya Mukamana yavuze ko abaturage ba Macuba banze kumwumva<\/strong><\/p>\n

Uyu muyobozi mu kiganiro yagiranye na BWIZA kuri uyu wa 8 Ukuboza 2020, Visi Meya Mukamana yavuze ko yagerageje gusobanurira aba baturage imiterere y\u2019ibyiciro bishya ariko banga kumwumva. Ati: \u201cIcyagaragaye barimo kuza bishyize hamwe mu buryo bose bifuza D na E. Macuba ejo nahageze bashaka kurwana, ndabasobanurira ariko n\u2019ubundi kumva biragoye.\u201d<\/p>\n

Mu makuru Visi Meya Mukamana afite y\u2019impamvu yaba yatumye abaturage banga ibyiciro bashyizwemo, ngo ni uko babeshywe ko ubwisungane mu kwivuza (mutuelle de sant\u00e9) bugiye kujya bwishyurwa hashingiwe ku byiciro. Ati: \u201cNgo bababwiye ko uri muri C ngo azajya atanga 5000 rwf, uri muri B agatanga 7000 rwf. Ibyo rero biri gutuma bose bishyira muri D na E kandi mu bu\u2019ukuri urebye C, D na E ni nka ba bandi bari basanzwe mu byiciro bya mbere\u2026\u201d<\/p>\n

\"img-20200124-wa0109-1.jpg\" Visi Meya Mukamana avuga ko abaturage b’i Macuba banze kumwumva<\/strong><\/p>\n

Uyu muyobozi yavuze ko nyuma yo gusanga abaturage b\u2019i Macuba bishyize mu byiciro bya D na E, yababwiye ko bitashoboka, Ati : \u201cNdababwira nti ibi ntabwo ari byo, ibi nta n\u2019ubwo bishoboka. Ubwo naba maze iki aha ngaha abaturage bose ari abo muri E? Noneho ndabibasobanurira, maze kubibasobanurira, bamwe bajya muri C.”<\/p>\n

Visi Meya Mukamana yavuze ko haje kugaragara ikibazo cy’abaturage bashyizwe mu cyiciro, bagasanga bari kumwe n’abakoresha babo, ikaba impamvu nyamukuru yatumye bigumura. Ati: “Noneho bajye muri C, haboneka abaturage barekarama bati \u2018ni gute ndajyana na kanaka muri C ari we nkorera, we abashaka gusarura miliyoni 4\/5 mu makawa, ari njyewe wamusoromeye?\u201d<\/p>\n

Ibyiciro by\u2019ubudehe bishya n\u2019ibishingirwaho mu gushyiramo abaturage<\/strong><\/p>\n

Nk\u2019uko Minisiteri y\u2019Ubutegetsi bw\u2019Igihugu (MINALOC) n’Ikigo cy’igihugu gishinzwe guteza imbere ibikorwa by’iterambere mu nzego z’ibanze (LODA) bibyerekana, hashyizweho ibyiciro by\u2019ubudehe bitanu, ari byo: A kijyamo abakire, B kijyamo abifashije, C kijyamo abakene, D kijyamo abakene cyane n\u2019icyiciro cyihariye cya E.<\/p>\n

Icyiciro cya A:<\/strong><\/p>\n

Muri iki cyiciro; umukuru w\u2019urugo cyangwa uwo bashakanye aba afite ubushobozi buhanitse bwo guhitamo uburyo bw\u2019imibereho, ashingiye ku mitungo afite cyangwa ibindi bimwinjiriza amafaranga. Kijyamo ingo zifite ubushobozi buhanitse, abazigize babona ibyo bakeneye ndetse bakaba basagura.<\/p>\n

Urugo rushyirwa muri iki cyiciro, rugomba kuba rwinjiza amafaranga y’u Rwanda arenze ibihumbi 600 ku kwezi, cyangwa rufite ubutaka burenga hegitari 10 mu cyaro cyangwa hegitare 1 mu mujyi.<\/p>\n

Icyiciro cya B:<\/strong><\/p>\n

Muri iki cyiciro; umukuru w\u2019urugo cyangwa uwo bashakanye aba afite ubushobozi buhagije n\u2019ibikorwa byinjiza umutungo, kandi ashobora kubona iby\u2019ibanze bikenerwa n\u2019abagize umuryango. Kibonekamo ingo zishobora kubona ibikenerwa by\u2019ibanze byo gutunga abagize umuryango birimo: amafunguro, kwivuza, kwishyura serivisi z\u2019uburezi bw\u2019ibanze n\u2019ibindi,\u2026<\/p>\n

Urugo rushyirwa muri iki cyiciro, rugomba kuba rwinjiza amafaranga y’u Rwanda hagati y\u2019ibihumbi 65 na 600 buri kwezi, cyangwa se rufite ubutaka guhera kuri hegitari 1 kugera kuri hegitare 10 mu cyaro, cyangwa se meterokare 300 kugera kuri hegitari 1 mu mujyi.<\/p>\n

Icyiciro cya C:<\/strong><\/p>\n

Muri iki cyiciro; habonekamo ingo z\u2019abantu bashobora gukora n\u2019abafite ubushobozi buke mu bijyanye n\u2019umutungo. Kibonekamo ingo zifite imitungo mike ariko abazigize bafite imbaraga zo gukora.<\/p>\n

Urugo rujya muri iki cyiciro, rugomba kuba rwinjiza amafaranga y’u Rwanda hagati y’ibihumbi 45 na 65 ku kwezi, cyangwa se rufite ubutaka kuva kuri \u00bd cya hegitari kugera kuri hegitari 1 mu cyaro, cyangwa se metero kare 100 kugera kuri 300 mu mujyi.<\/p>\n

Icyiciro cya D: <\/strong> <\/p>\n

Muri iki cyiciro; habonekamo ingo z\u2019abantu bafite ubushobozi buke bwo gukora kandi nta mitungo bafite ku buryo babona ibyo bakeneye mu mibereho yabo. Habonekamo: urugo rudafite ahantu na hamwe rukura iburutunga, usibye kubihabwa n\u2019abaturanyi cyangwa guca incuro; urugo rudafite umutungo (ubutaka, amatungo n\u2019ibindi) n\u2019urugo usangamo abantu bafite ubushobozi buke bwo gukora.<\/p>\n

Muri iki cyiciro hajyamo urugo rwinjiza munsi y\u2019amafaranga y’u Rwanda ibihumbi 45 ku kwezi, cyangwa ubutaka buri munsi ya \u00bd ya hegitari mu cyaro no munsi ya metero kare 100 mu mujyi.<\/p>\n

Icyiciro cya E:<\/strong><\/p>\n