{"id":33567,"date":"2021-02-16T15:02:27","date_gmt":"2021-02-16T15:02:27","guid":{"rendered":"https:\/\/new.bwiza.com\/2021\/02\/16\/umusizi-bahati-akomeje-kuburirwa-irengero\/"},"modified":"2021-02-16T15:02:27","modified_gmt":"2021-02-16T15:02:27","slug":"umusizi-bahati-akomeje-kuburirwa-irengero","status":"publish","type":"post","link":"https:\/\/bwiza.com\/?p=33567","title":{"rendered":"Umusizi Bahati akomeje kuburirwa irengero"},"content":{"rendered":"

Umusizi Innocent Bahati hashize iminsi aburiwe irengero, uwo babana avuga ko abo babonanye bwa nyuma mu mujyi wa Nyanza bamuheruka ababwira ko atashye.
\n<\/h2>\n

Bahati ukiri ingaragu, azwi mu bisigo bivuga ku mibereho n’urukundo, ibisigo bye nka ‘Imana ya Sembwa’, ‘Urwandiko rwa Bene Gakara’ n’icyo aheruka gusohora yise ‘Mfungurira’, byarakunzwe kuri YouTube.<\/p>\n

Junior Rumaga, na we ni umusizi ubana na Bahati i Kigali, ari gukurikirana iby’ibura ry’uyu yita inshuti n’umuvandimwe, yabwiye BBC ko kugeza ubu batarabona Bahati.<\/p>\n

Ku ibura rya Bahati, umuvugizi w’urwego rushinzwe kugenza ibyaha mu Rwanda avuga ko iperereza rikiri gukorwa.<\/p>\n

Rumaga avuga ko ku cyumweru tariki 07\/02\/2021 nimugoroga hari umuntu wari gusangira na Bahati kuri Hotel iri mu mujyi wa Nyanza.<\/p>\n

Nyanza mu Ntara y’amajyepfo, Rumaga avuga ko bahafite urugo kuko bahafata nk’igicumbi cy’ubusizi ndetse bahafite umushinga wo “guhuza ibitekerezo by’abasizi batubanjirije”.<\/p>\n

Ati: “Niho Bahati yari ari muri uwo mushinga, gusa ntiyari butindeyo kuko asanzwe ari n’umwarimu w’ikoranabuhanga muri Green Hills [Academy].”<\/p>\n

Rumaga avuga ko uwo muntu yasangiye na Bahati nyuma akagenda, hanyuma haza abandi babiri nabo barasangira, ariko bigeze nijoro telefone za Bahati zivaho.<\/p>\n

“Nagize ngo ni bimwe by’abasore wenda ntabuze aho yagorobereje, ariko mbajije abandi bo mu rugo rw’i Nyanza bambwira ko atatashye.<\/p>\n

“Umunsi wakurikiyeho nabwo telefone ze ntizari ziriho, umuntu w’umusore rero kuba telephone ze zamara amasaha 24 zitariho bitera impungenge.”<\/p>\n

Hashize iminsi ibiri nta makuru ye, Junior Rumaga avuga ko yagiye kubaza i Nyanza kuri ya Hotel, no gushaka abaherukana nawe, aba ngo bavuga ko batandukanye nawe ababwira ko atashye.<\/p>\n

Ibi yabibwiye ubugenzacyaha (RIB), ariko kugeza ubu nta makuru mashya ku irengero rya Bahati we n’abo mu muryango we barabona.<\/p>\n

Murangira Thierry, umuvugizi wa RIB, yabwiye BBC ati: “Iperereza riracyakorwa, kugeza ubu nta byinshi twatangaza bitabangamira iperereza”.<\/p>\n

Kurikira amakuru n’ibiganiro kuri Bwiza TV, ukanze hano<\/strong> <\/p>\n