{"id":33816,"date":"2021-02-25T18:39:18","date_gmt":"2021-02-25T18:39:18","guid":{"rendered":"https:\/\/new.bwiza.com\/2021\/02\/25\/rdc-ambasaderi-wa-eu-yamaganye-abavuga-ko-uw-u-butaliyani-yishwe-agiye-mu\/"},"modified":"2021-02-25T18:39:18","modified_gmt":"2021-02-25T18:39:18","slug":"rdc-ambasaderi-wa-eu-yamaganye-abavuga-ko-uw-u-butaliyani-yishwe-agiye-mu","status":"publish","type":"post","link":"https:\/\/bwiza.com\/?p=33816","title":{"rendered":"RDC: Ambasaderi wa EU yamaganye abavuga ko uw\u2019u Butaliyani yishwe agiye mu birombe"},"content":{"rendered":"

Ambasaderi w\u2019Umuryango w\u2019Ubumwe bw\u2019u Burayi (EU) muri Repubulika ya Demukarasi ya Congo (RDC), Jean-Marc Ch\u00e2ntaigner yamaganye abatangaje ko uw\u2019u Butaliyani aherutse kwicwa yari agiye mu birombe by\u2019amabuye y\u2019agaciro mu Ntara ya Kivu y\u2019Amajyaruguru.<\/strong><\/p>\n

Ambasaderi w\u2019u Butaliyani, Luca Attanasio yicanywe n\u2019umurinzi we, Vittorio Lacovacci n\u2019umushoferi w\u2019ishami ry\u2019Umuryango w\u2019Abibumbye rishinzwe ibiribwa (PAM), Mustapha Milambo tariki ya 22 Gashyantare 2021, ubwo bari bageze muri Gurupoma ya Kibumba muri Teritwari ya Nyiragongo.<\/p>\n

Nyuma y\u2019itangazwa ry\u2019urupfu rwabo, ku mbuga nkoranyambaga hatangiye gusakara ifoto igaragaza uvugwa ko ari Ambasaderi Attanasio yerekeza mu kirombe gicukurirwamo amabuye y\u2019agaciro, bitangira guhwihwiswa ko yari asanzwe ajya mu bucukuzi bw\u2019aya mabuye muri Kivu y\u2019Amajyaruguru; igice kizwimo umutekano muke uterwa n\u2019imitwe yitwaje intwaro.<\/p>\n

\"screenshot_20210225-134323_1.png.jpg\"
\nIyi foto ya mbere yasakaye ku mbuga nkoranyambaga, bivugwa ko uwa kabiri ari Ambasaderi Attanasio, yerekeza mu kirombe<\/strong><\/p>\n

Ambasaderi Ch\u00e2ntaigner yifashishije urubuga rwa LinkedIn yatangaje ko Ambasaderi Attanasio atigeze ajya mu bucukuzi bw\u2019amabuye y\u2019agaciro, mu buryo bwo kwerekana ko iyi foto yahimbwe mu buryo bw\u2019ikoranabuhanga, yongeraho ko ababikoze bashaka kuhindanya isura ye.<\/p>\n

Ati: \u201cIbyatangajwe kuri Facebook na Twitter bigamije guhindanya isura y\u2019inshuti yanjye Ambasaderi Luca Attanasio, wicanwe n\u2019umushoferi n\u2019umurinzi we, bisobanura ko impamvu y\u2019uruzinduko rwe muri Kivu y\u2019Amajyaruguru ari ugushaka inyungu mu bucukuzi bw\u2019amabuye y\u2019agaciro. Amakuru y\u2019Ibihuha.\u201d<\/p>\n

Yakomeje ati: \u201cNdakomeza kubibutsa ko u Butaliyani nta kigo gikora ubucukuzi bw\u2019amabuye y\u2019agaciro bufite muri RDC ndetse bwifatanyije na EU mu kurwanya ubucuruzi bw\u2019amabuye y\u2019agaciro butemewe mu bice birimo umutekano muke.\u201d<\/p>\n

Ambasaderi Chantaigner yasobanuye ko impamvu z\u2019uruzinduko rwa Ambasaderi Attanasio muri Kivu y\u2019Amajyaruguru ari ebyiri: imwe ikaba yari ugukorana inama n\u2019Abataliyani baba mu mujyi wa Goma, indi ikaba gusura imishinga ya PAM irebana no gutanga ibiribwa na za kantine (cantines) mu bigo by\u2019amashuri. Ati: \u201cNi ibisanzwe kuri Ambasaderi ko yasura imishinga ya PAM. Nanjye nabikoze kenshi.\u201d<\/p>\n

Uruzinduko rwa Ambasaderi Attanasio rwatangiye kuba urujijo kuri bamwe, ubwo humvikanaga amakuru y\u2019uko yagiye adafite uburinzi bwihariye nk\u2019umudipolomate, Aristide Mululunganya wirukanwe ku mwanya w\u2019Umuyobozi w\u2019Ibiro bya Minisitiri ushinzwe umutekano w\u2019imbere, tariki ya 22 Gashyantare 2021 we akaba yarasobanuye ko inzego zishinzwe umutekano n\u2019ubuyobozi muri Kivu y\u2019Amajyaruguru batigeze bamenya iby\u2019uru rugendo rwe, mu gace karimo umutekano muke kugira ngo babe bamuha abamuherekeza. <\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n