{"id":33834,"date":"2021-02-26T07:20:55","date_gmt":"2021-02-26T07:20:55","guid":{"rendered":"https:\/\/new.bwiza.com\/2021\/02\/26\/hari-n-uzava-i-ndera-umunsi-umwe-ahite-aba-umunyamakuru_ingabire-m-immaculee\/"},"modified":"2021-02-26T07:20:55","modified_gmt":"2021-02-26T07:20:55","slug":"hari-n-uzava-i-ndera-umunsi-umwe-ahite-aba-umunyamakuru_ingabire-m-immaculee","status":"publish","type":"post","link":"https:\/\/bwiza.com\/?p=33834","title":{"rendered":"Hari n’uzava i Ndera umunsi umwe ahite aba umunyamakuru_Ingabire M. Immacul\u00e9e"},"content":{"rendered":"

Umuyobozi w’Umuryango Mpuzamanga Urwanya Ruswa n’akarengane mu Rwanda, Ingabire Marie Immacul\u00e9e, asanga hari n’abarwayi bo mu mutwe bashobora kuzava i Ndera bagahinduka abanyamakuru, kubera akavuyo kari mu itangazamakuru Nyarwanda.<\/strong> <\/em><\/p>\n

Ingabire yabigarutseho mu gihe bamwe mu banyamakuru bashinjwa ubunyamwuga buke, bikanajyana n’ibitangazamakuru bimwe na bimwe bikora nta murongo ngenderwaho.<\/p>\n

Ni mu gihe kandi nanone mu gihugu hamaze igihe humvikana bamwe mu banyamakuru n’ibitangazamakuru bashinjwa guha umwanya abapfobya Jenoside yakorewe Abatutsi, bo bakagaragaza ko nk’abanyamakuru bafite uburenganzira bwo kwishyira bakizana.<\/p>\n

Komisiyo y’igihugu yo kurwanya Jenoside, CNLG, mu ntangiriro z’uku kwezi, yatunze agatoki abarimo Real Talk Channel y’umunyamakuru Etienne Gatanazi, Umubavu TV, Umuryango TV na Ukuri Mbona.<\/p>\n

Abakomeje gutungwa agatoki kandi barimo n’umunyamakuru Bagiruwubusa Eric wa Ijwi rya Amerika ukunze kugaragaza ko ibimuvugwaho nta shingiro bifite.<\/p>\n

Gatanazi aganira na Popote.rw, yavuze ko hari n\u2019abamwita ikigarasha ariko ngo ntacyo bimubwiye kuko azi neza ko akora akazi ke nk\u2019uko amahame y\u2019itangazamakuru abiteganya.<\/p>\n

Ati, \u201cWari wumva Eric Bagiruwubusa yaretse gukora? Baretse kumuvuga se? Uwo wa CNLG yagiye kuri televiziyo aramuvuga, yagiye mu Nteko aramuvuga, wari wumva yaretse kuvuga?\u201d<\/p>\n

Mu kiganiro Madamu Ingabire yagiranye na BWIZA TV, we yagaragaje ko abanyamakuru Nyarwanda badakwiye guha uruvugiro abapfobya Jenoside cyangwa abasebya Leta y’u Rwanda.<\/p>\n

Ingabire usanzwe afite ubunararibonye mu mwuga w’itangazamakuru yize akanakora igihe kirekire, yagaragaje ko abanyamakuru badakwiye kwitwaza ukwishyira ukizana ngo batandukire, atanga urugero rwo kuba nta munyamakuru w’Umunyamerika wigeze aha ijambo Osama Bin Laden.<\/p>\n

Ati: “Ubundi umunyamakuru w’umwuga hari n’ibintu udashobora kwamamaza mu gitangazamakuru cyawe. Bazanyereke umunyamakuru w’Umunyamerika n’umwe wagiye agaha ijambo Bin Laden. Bazamunyereke umwe, bambwire ngo ubu rero nanjye ndi mu bwisanzure bw’itangazamakuru.”<\/p>\n

Ingabire Marie Immacul\u00e9e asa n’ugaragaza impamvu hari ibisigaye bitagenda neza, yagaragaje ko mu Rwanda umuntu wese asigaye abyuka agakora Itangazamakuru nta n’ubumenyi arifiteho, ku buryo hari n’impungenge z’uko hari abazava i Ndera na bo bakiyita abanyamakuru.<\/p>\n

Ati: “Muri uru Rwanda umuntu wese asigaye abyuka akitwa umunyamakuru, ntabwo tukimenya gutandukanya umunyamakuru w’umwuga n’utari we. Ushatse wese aba we ku buryo hari n’umuntu uzava i Ndera umunsi umwe ahite aba umunyamakuru kandi utaramenya ko yakize neza.”<\/p>\n

Ku bwa Ingabire, ubwisanzure bw’itangazamakuru busobanura kugira ibikoresho byo gushaka amakuru, kugira ikarine (carnet) irimo amaderesi y’abo umunyamakuru akeneraho amakuru, kuba ashobora kubona inkuru kuri buri wese adashobora kuyimwima no kuba umunyamakuru afite ubumenyi bwo gutara amakuru.<\/p>\n

Uyu muyobozi yagaragaje ko hari abanyamakuru batangaza inkuru badafitiye gihamya bagamije gusa kugwiza abasomyi, ashimangira ko bashobora kuzateza ibibazo.<\/p>\n

Yagaragaje kandi abenshi mu banyamakuru batazi amategeko agenga igihugu, ku buryo batambutsa ibintu bidaheruka mu mategeko, bigatuma bayobya abakurikira ibyo batangaza.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n