{"id":33936,"date":"2021-03-01T07:13:27","date_gmt":"2021-03-01T07:13:27","guid":{"rendered":"https:\/\/new.bwiza.com\/2021\/03\/01\/urupfu-rwa-ambasaderi-w-u-butaliyani-muri-rdc-inama-ya-eac-mu-nkuru-nyamukuru\/"},"modified":"2021-03-01T07:13:27","modified_gmt":"2021-03-01T07:13:27","slug":"urupfu-rwa-ambasaderi-w-u-butaliyani-muri-rdc-inama-ya-eac-mu-nkuru-nyamukuru","status":"publish","type":"post","link":"https:\/\/bwiza.com\/?p=33936","title":{"rendered":"Urupfu rwa Ambasaderi w’u Butaliyani muri RDC, inama ya EAC,…mu nkuru nyamukuru zaranze icyumweru gishize"},"content":{"rendered":"

Icyumweru gishize cyatangiye tariki ya 22 Gashyantare 2021, cyaranzwe n\u2019amakuru arimo arebana n\u2019ubutabera, politiki, umutekano n\u2019ubuzima nk’uko bisanzwe.<\/strong><\/p>\n

Cyumvikanyemo inkuru y\u2019incamugongo ku Bataliyani, y\u2019urupfu rwa Ambasaderi wabo muri Repubulika ya Demukarasi ya Congo (RDC) wishwe arashwe, gisubukurwamo urubanza rwa Rusesabagina n\u2019abandi 20 bareganwa, haba n\u2019Inama yahuje Abakuru b\u2019Ibihugu bya EAC.<\/p>\n

Ni izikurikira:<\/p>\n

Urupfu rwa Ambasaderi w\u2019u Butaliyani muri RDC<\/strong><\/p>\n

Abitwaje intwaro biciye Ambasaderi w\u2019u Butaliyani, Luca Attanasio, umurinzi we ndetse n\u2019umushoferi wa PAM muri Gurupoma ya Kibumba, muri Teritwari ya Nyiragongo tariki ya 22 Gashyantare 2021.<\/p>\n

Kugeza ubu keretse gukeka umutwe witwaje intwaro wa FDLR ngo waba warabishe (na wo warabihakanye) ntabwo haramenyekana uwaba wihishe inyuma y\u2019urupfu rwa Ambasaderi Attanasio n\u2019aba babiri.<\/p>\n

Gusa iperereza ryaratangiye bitegetswe na Perezida wa RDC, F\u00e9lix Tshisekedi kugira ngo hamenyekane abishe aba bantu n\u2019impamvu yabibateye.<\/p>\n

Busingye yavuze ko u Rwanda rwishyuye indege yazanye Rusesabagina<\/strong><\/p>\n

Minisitiri w\u2019Ubutabera akaba n\u2019Intumwa Nkuru ya Leta y\u2019u Rwanda, Busingye Johnson yahishuriye Al Jazeera ko Leta yishyuye indege yazanye Paul Rusesabagina ukurikiranweho ibyaha by\u2019iterabwoba, ibicishije ku nshuti ye yamuzanye.<\/p>\n

Aya makuru yafatwaga nk\u2019ibanga yaje guteza impaka, Minisiteri y\u2019Ubutabera isobanura ko atagombaga kujya ahagaragara, mu gihe iki gitangazamakuru cyo kivuga ko itsinda ryateguraga ikiganiro cya Minisitiri Busingye, ryibeshye rikohereza videwo akubiyemo.<\/p>\n

Iyi videwo ni yo Al Jazeera yashingiyeho ihata ibibazo Minisitiri Busingye, imubaza niba koko Leta y\u2019u Rwanda yarishyuye indege yazanye Rusesabagina, na we arabyemera.<\/p>\n

Inama y’Abakuru b\u2019Ibihugu bya EAC barateranye<\/strong><\/p>\n

Abakuru b\u2019Ibihugu bigize Umuryango wa Afurika y\u2019Iburasirazuba, bateranye ku wa 27 Gashyantare 2021, bashyiraho ubuyobozi bukuru bushya bwawo.<\/p>\n

Perezida Kagame wari Umuyobozi Mukuru wa EAC yasimbuwe na Perezida wa Kenya, Uhuru Kenyatta, naho Liberat Mfumukeko wari Umunyamabanga Mukuru w\u2019uyu muryango, asimburwa n\u2019Umunyakenya, Peter Mathuki.<\/p>\n

Hashyizeho kandi n\u2019abanyamategeko b\u2019urukiko rwa EAC (EACJ), barimo Abanyarwanda babiri; Richard Muhumuza na Anita Mugeni, Igifaransa cyongerwa mu ndimi zikoreshwa muri uyu muryango.<\/p>\n

Ingabo za CAR, iz\u2019u Rwanda n\u2019u Burusiya zafashe umujyi wafatwaga nk\u2019ibirindiro bya Fran\u00e7ois Boziz\u00e9<\/strong><\/p>\n

Ingabo za Repubulika ya Centrafrica (CAR) ku bufatanye n\u2019iz\u2019u Rwanda n\u2019abakomando b\u2019u Burusiya, zafashe umujyi wa Bossangoa ufatwa nk\u2019ibirindiro bikuru bya Fran\u00e7ois Boziz\u00e9 urwanya ubutegetsi bw\u2019iki gihugu.<\/p>\n

Ni amakuru yemejwe na Minisitiri w’Intebe wa CAR, Firmin Ngrebada tariki ya 24 Gashyantare 2021, ku rubuga rwa Facebook.<\/p>\n

Ibi ni ibikorwa izi ngabo zikomeje, zigarurira tumwe mu duce twari twarafashwe n\u2019imitwe yitwaje intwaro ishyigikiye Boziz\u00e9 wigeze kuyobora iki gihugu, agashaka kongera kukiyobora ariko ntiyemerwe. <\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n