{"id":33987,"date":"2021-03-02T08:22:07","date_gmt":"2021-03-02T08:22:07","guid":{"rendered":"https:\/\/new.bwiza.com\/2021\/03\/02\/ubuyapani-buvuga-ko-gupima-abaturage-covid-19-binyuze-mu-kibuno-bibahungabanya\/"},"modified":"2021-03-02T08:22:07","modified_gmt":"2021-03-02T08:22:07","slug":"ubuyapani-buvuga-ko-gupima-abaturage-covid-19-binyuze-mu-kibuno-bibahungabanya","status":"publish","type":"post","link":"https:\/\/bwiza.com\/?p=33987","title":{"rendered":"Ubuyapani buvuga ko gupima abaturage COVID-19 binyuze mu kibuno bibahungabanya"},"content":{"rendered":"

Ubuyapani bwasabye Ubushinwa kutongera gupima abaturage babwo Covid-19 bafatiye ibipimo mu kibuno kuko ngo byabahungabanyije.
\n<\/h2>\n

Bamwe mu Bayapani binubiye ko ubu buryo bwo gupima bwabateye “guhungabana”, nk’uko abategetsi babivuga.<\/p>\n

Ubushinwa, busa n’ubwabashije guhashya iki cyorezo, mu kwezi kwa mbere ni bwo bwatangiye gufata ibipimo bya Covid-19 mu kibuno.<\/p>\n

Mu cyumweru gishize, bwahakanye ko bwasabye abadipolomate b’Abanyamerika gupimwa muri ubu buryo, nyuma y’uko ibinyamakuru muri Amerika bivuze ko hari ababyinubiye.<\/p>\n

BBC dukesha iyi nkuru ivuga ko Umunyamabanga mu bubanyi n’amahanga bw’Ubuyapani yagize ati: “Bamwe mu Bayapani babwiye ambasade yacu mu Bushinwa ko bapimwe mu kibuno, kandi byabateye ihungabana rikomeye”.<\/p>\n

Uyu witwa Katsunobu Kato yongeyeho ko batazi neza umubare w’Abayapani bapimwe muri ubwo buryo.<\/p>\n

Yavuze ko gupima gutya bikorerwa bamwe mu bashyizwe mu kato cyangwa abinjira mu Bushinwa, anenga ko “nta handi ku isi ubu buryo bukoreshwa”.<\/p>\n

Kato yavuze ko Ubushinwa kugeza ubu ntacyo burasubiza kuri ubwo busabe, yongeraho ko leta y’Ubuyapani ubwo busabe yabucishije muri ambasade yayo i Beijing.<\/p>\n

Imijyi imwe n’imwe mu Bushinwa yatangije uburyo bwo gupima Covid-19 mu kibuno, kuko inzobere zaho zavuze ko “byongera urugero rwo kubona neza abantu banduye”.<\/p>\n

Mu gihe babitangizaga, ibinyamakuru bya leta byavuze ko gupima gutya bitavugwaho rumwe, kandi gupima gutyo bidatanga umusaruro ugereranyije n’ibipimo bifatirwa hejuru mu nzira z’ubuhumekero.<\/p>\n

Ibyo binyamakuru byavuze ko uburyo bwo gupima busanzwe ari bwo abantu bahitamo, kuko bizera ko iyi virus ica mu kanwa cyangwa mu mazuru.<\/p>\n

Mu gupima mu kibuno, binjizamo agakoresho kariho ipamba kakagera muri 3 – 5cm maze bakagakaraga buhoro.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n