Rutahizamu ukina uca ku mpande wa APR FC n’Ikipe y’Igihugu ‘Amavubi’, Lague Byiringiro, yamaze kubengukwa n’ikipe ya FC Z\u00fcrich ibarizwa mu kiciro cya mbere mu Busuwisi.<\/p>\n
Radio B&B FM-Umwezi dukesha iyi nkuru iravuga ko uyu musore azahaguruka i Kigali mu cyumweru gitaha yerekeza i Zurich aho azaba agiye gukora ikizamini cy’ubuzima.<\/p>\n
Mu gihe uyu musore w’imyaka 20 y’amavuko yaba atsinze iki kizamini, yahita ahabwa amasezerano n’iriya kipe ndetse ikanahita imugura angana na \u20ac265,000 (265,000,000Frw).<\/p>\n
Lague Byiringiro asanzwe ari umwe mu bakinnyi b’inkingi za mwamba APR FC yubakiyeho, dore ko ari no mu bayifashije kwegukana igikombe cya shampiyona idatsinzwe mu mwaka w’imikino ushize.<\/p>\n
Uyu musore by’umwihariko aheruka kwigaragaza mu irushanwa rya CHAN Amavubi aheruka kwitabira mu gihugu cya Cam\u00e9roun, cyane mu mukino wo mu tsinda C u Rwanda rwatsinzemo Togo ibitego 3-2.<\/p>\n
FC Z\u00fcrich yamaze kumubenguka, ni imwe mu makipe akomeye mu Busuwisi dore ko ifite ibikombe 12 bya shampiyona n’icumi by’igihugu.<\/p>\n
Iyi kipe inakunze kwitabira imikino yo ku mugabane w’Uburayi magingo aya iri ku mwanya wa kane mu rutonde rw’agateganyo rwa shampiyona y’Abasuwisi.<\/p>\n
Kurikira ibiganiro n\u2019amavidewo binyura kuri Bwiza TV<\/strong><\/p>\n