{"id":34044,"date":"2021-03-03T21:13:21","date_gmt":"2021-03-03T21:13:21","guid":{"rendered":"https:\/\/new.bwiza.com\/2021\/03\/03\/tanzania-ababikira-60-n-abapadiri-25-bapfuye-mu-mezi-abiri-ashize\/"},"modified":"2021-03-03T21:13:21","modified_gmt":"2021-03-03T21:13:21","slug":"tanzania-ababikira-60-n-abapadiri-25-bapfuye-mu-mezi-abiri-ashize","status":"publish","type":"post","link":"https:\/\/bwiza.com\/?p=34044","title":{"rendered":"Tanzania: Ababikira 60 n’abapadiri 25 bapfuye mu mezi abiri ashize"},"content":{"rendered":"

Kiliziya Gatolika muri Tanzania iravuga ko mu mezi abiri ashize, Ababikira 60 n’abapadiri 25 bapfuye nyuma yo kwerekana ibimenyetso by’icyorezo cya Coronavirus.<\/strong> <\/em><\/p>\n

Umunyamabanga w’Inama Nkuru y’Abepiskopi muri Tanzania, Padiri Charles Kitima, yavuze ko Covid-19 ari ukuri muri Tanzania, mu gihe Perezida John Pombe Magufuli yakunze kugaragaza ko iki cyorezo nta kiriho.<\/p>\n

Padiri Kitima yemeje aya makuru kuri uyu wa Gatatu mu kiganiro yagiranye n’itangazamakuru.<\/p>\n

Ni ikiganiro kibanze ku ngingo zitandukanye cyane iya COVID-19, aho yasabye Abakristu gukora ibishoboka byose bagafa ingamba zo kwirinda COVID-19 bagendeye ku mabwiriza ya Minisiteri y’Ubuzima.<\/p>\n

Padiri Kitima yavuze ko bariya bapadiri bapfuye kuva rwa gati mu kwezi k’Ukuboza kugeza muri Gashyantare mu bice bitandukanye bya Tanzania.<\/p>\n

Yavuze ko adashobora kwemeza ko abo bariya bihaye Imana bishwe na Covid-19 kuko batapimwe, n’ubwo berekanye ibimenyetso bya COVID-19 birimo “guhumeka bigoranye.”<\/p>\n

Ati: “Abantu ntibapimwa. Iyo ni ingorane ikomeye.Kiliziya ifite amavuriro agera kuri 500 mu gihugu, ariko ntitwemerewe gupima kandi nta bikoresho dufite byo kubikora.”<\/p>\n

Yavuze ko Kiliziya yabonye ko imvugo y’abategetsi muri leta ya Tanzania yahindutse ku byerekeye ingamba zo kwirinda Covid-19, ariko avuga ko abantu batari bake batubahiriza izo ngamba kuko nta bihano biteganyirijwe abazirengaho.<\/p>\n

Ni ku ncuro ya kabiri Kiliziya Gatolika muri Tanzania itera hejuru ku bijyanye na COVID-19 muri Tanzania, dore ko muri Mutarama na bwo yari yatabaje ivuga ko ibona ubwiyongere bw’abapfa muri za Paruwasi zitandukanye.<\/p>\n

Tanzania nta mibare y’ubwandu bwa Covid-19 iratangaza kuva muri Gicurasi Umwaka ushize.<\/p>\n

Ishami ry’Umuryango w’Abibumbye ryita ku buzima OMS, ryakunze gusaba Tanzania gutanga amakuru kuri kiriya cyorezo, no kwemera ikava ku izima na yo ikakira inkingo za COVID-19 ziri gutangwa binyuze muri gahunda ya Covax.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n