Ikipe ya Liverpool yaraye itsinnzwe na Chelsea igitego 1-0, ica agahigo kari kamaze imyaka 129 ko gutsindwa imikino itanu yikurikiranya iri ku kibuga cyayo.<\/p>\n
Igitego cyo ku munota wa 42 w’umukino cya Mason Maunt cyari gihagije kugira ngo Chelsea ikure amanota atatu kuri Liverpool yahise ayigeza ku mwanya wa kane ku rutonde rw’agateganyo rwa Shampiyona y’Abongereza.<\/p>\n
Liverpool yo yahise ifata umwanya wa karindwi.<\/p>\n
Jurgen Klopp n’abasore be barushije Chelsea ibijyanye no gutindana umupira, yo ibarusha ibijyanye no kubona uburyo bwinshi bw’ibitego.<\/p>\n
Nko mu mukino wose Liverpool yateye ishoti rimwe ryonyine ryaganaga mu izamu rya Chelsea ryaje ku munota wa 85 w’umukino, mu gihe iyi kipe y’umutoza Thomas T\u00fcchel yo yateye amashoti atanu yaganaga mu izamu rya Alisson Becker.<\/p>\n
Mu mikino itanu iheruka Liverpool yari yakiniye ku kibuga cyayo mbere yo gutsindwa na Chelsea, irimo uwo yaherukaga gutsindwamo na Everton ibitego 2-0, uwo yanyagiwemo na Manchester City ibitego 4-1, uwo yatsinzwemo na Brighton & Hove Albion igitego 1-0 n’uwo yatsinzwemo na Burnley igitego 1-0.<\/p>\n
Mbere y’aho iyi kipe yari yanganyirije na Manchester United ku kibuga Anfield Road 0-0, yemwe umukino wari wabanjirije uwo na wo yari yawunganyijemo 0-0 na West Bromwich Albion.<\/p>\n
Liverpool iheruka gutsindira ku kibuga cyayo ku itariki ya 16 Ukuboza 2020 ubwo yahatsindiraga Tottenham ibitego 2-1.<\/p>\n
Iyi kipe yaherukaga gutsindirwa ku kibuga cyayo imikino itanu yikurikiranya mu myaka 125 ishize.<\/p>\n
Sky Sports yavuze ko Liverpool imaze amasaha 10 itinjiriza igitego ku kibuga cyayo, mu gihe nta kipe n’imwe yari yarigeze iyihatsindira mu myaka ine yose yari ishize.<\/p>\n
Liverpool kandi iri ku isonga muri 2021 mu makipe yo muri shampiyona y’Abongereza amaze gutsindira ibitego bike ku bibuga byayo ndetse n’ayahaboneye amanota make.<\/p>\n
Kurikira ibiganiro n\u2019amavidewo binyura kuri Bwiza TV<\/strong><\/p>\n