{"id":34077,"date":"2021-03-05T09:29:34","date_gmt":"2021-03-05T09:29:34","guid":{"rendered":"https:\/\/new.bwiza.com\/2021\/03\/05\/rdc-bahururiye-umusozi-wuzuye-zahabu-ubuyobozi-buhagarika-ubucukuzi-bwayo_reba\/"},"modified":"2021-03-05T09:29:34","modified_gmt":"2021-03-05T09:29:34","slug":"rdc-bahururiye-umusozi-wuzuye-zahabu-ubuyobozi-buhagarika-ubucukuzi-bwayo_reba","status":"publish","type":"post","link":"https:\/\/bwiza.com\/?p=34077","title":{"rendered":"RDC: Bahururiye umusozi wuzuye zahabu, ubuyobozi buhagarika ubucukuzi bwayo_Reba videwo"},"content":{"rendered":"

Mu mpera za Gashyantare 2021 mu gace ka Luhihi kari mu Ntara ya Kivu y\u2019Amajyepfo muri Repubulika ya Demukarasi ya Congo (RDC) habonetse umusozi wuzuye zahabu, abaturage batangira kuwuhururira, buri wese acukura izo ajyana mu rugo.<\/strong><\/p>\n

Amashusho yo ku wa 26 Gashyantare 2021 dukesha inzobere mu by\u2019ubucukuzi bw\u2019amabuye y\u2019agaciro, Chris Groenewald yerekana abaturage benshi bari mu muvundo, bacukura uyu musozi bigaragara ko guhera ku butaka bwo hejuru hari zahabu.<\/p>\n

Groenewald yatangaje ko uyu musozi urimo zahabu iri ku kigero cya 90% nk\u2019umwe wa Eldorado. Ati: \u201cUburasirazuba bwa RDC\u2026Kivu y\u2019Amajyepfo. Abaturage bavumbuye umusozi, ubutaka burimo zahabu 90%, umusozi wose ni zahabu! Ni nka Eldorado ubutaka bwa zahabu! Abaturage bari gucukura, bajyana ubutaka mu ngo zabo, kugira ngo boze zahabu maze bayicanire.\u201d<\/p>\n

Reba videwo (video) muri iyi link ya Twitter<\/strong> <\/p>\n

\n

Eastern DRC…South Kivu. Villagers has discovered a treasure mountain….the soil is 90% gold, the whole mountain is gold! Its like Eldorado the land of gold! People are digging and just taking the soil back to their homes, the gold to be washed and then smelted into dory… pic.twitter.com\/2tp15jNXto<\/a><\/p>\n

\u2014 CPG – Chris Groenewald (@waldko) February 27, 2021<\/a><\/p><\/blockquote>\n

Ubuyobozi bwa Kivu y\u2019Amajyaruguru mu nkuru y\u2019Ibiro Ntaramakuru by\u2019Abongereza, Reuters, buvuga ko kuva uyu musozi wavumburwa, abaturage bakomeje kuwuhururira, bikaba byatumye bufata icyemezo cyo kuba buhagaritse ibikorwa by\u2019ubucukuzi bw\u2019amabuye y\u2019agaciro muri Luhihi.<\/p>\n

Ni icyemezo cyafashwe na Minisitiri ku rwego rw\u2019Intara ushinzwe ibikorwa by\u2019ubucukuzi bw\u2019amabuye y\u2019agaciro, Venant Burume Muhigirwa, kuri uyu wa 4 Werurwe 2021.<\/p>\n

Minisitiri Muhigirwa yasabye ko abacukuzi b\u2019amabuye y\u2019agaciro, abacuruzi bayo ndetse n\u2019abasirikare ba RDC bava muri aka gace mu buryo bw\u2019agateganyo, kugira ngo kabonekemo umutekano.<\/p>\n

Ngo uretse n\u2019umutekano w\u2019abaturage bo muri Luhihi kandi, ubuyobozi bugiye kubanza kumenya abo itekego ryemerera gukora ubu bucukuzi, kugira ngo babe ari bo bahahwa uburenganzira bwo gucukura aya mabuye.<\/p>\n

Umva uko iki kibazo giteye hano hasi<\/strong><\/p>\n