{"id":34158,"date":"2021-03-08T07:12:39","date_gmt":"2021-03-08T07:12:39","guid":{"rendered":"https:\/\/new.bwiza.com\/2021\/03\/08\/pasiteri-niyomwungere-kuri-rusesabagina-idamange-mu-rukiko-imirwano-muri-kibira\/"},"modified":"2021-03-08T07:12:39","modified_gmt":"2021-03-08T07:12:39","slug":"pasiteri-niyomwungere-kuri-rusesabagina-idamange-mu-rukiko-imirwano-muri-kibira","status":"publish","type":"post","link":"https:\/\/bwiza.com\/?p=34158","title":{"rendered":"Pasiteri Niyomwungere kuri Rusesabagina, Idamange mu rukiko, imirwano muri Kibira…mu nkuru nyamukuru zaranze icyumweru gishize"},"content":{"rendered":"

Icyumweru gishize cyatangiye tariki ya 1 Werurwe 2021 cyaranzwe n\u2019inkuru zitandukanye, cyane cyane izirebana n\u2019ubuzima, ubutabera ndetse n\u2019umutekano.<\/strong><\/p>\n

Cyumvikanyemo ubuhamya bwa Pasiteri Niyomwungere Constantin washutse Paul Rusesabagina akamugeza mu Rwanda mu ibanga, humvikanye urubanza rwa Idamange, u Rwanda rwakira inkingo za Covid-19.<\/p>\n

Inkuru nyamukuru zakiranze ni izikurikira: <\/p>\n

Pasiteri Niyomwungere yatanze ubuhamya mu rubanza rwa Rusesabagina<\/strong> <\/p>\n

Umuvugabutumwa ukomoka mu Burundi, Pasiteri Niyomwungere Constantin tariki ya 5 Werurwe 2021 yatanze ubuhamya mu rubanza rwa Paul Rusesabagina, ahishura amakuru menshi y\u2019uburyo yamugejeje i Kigali mu ibanga.<\/p>\n

Ibitangazamakuru mpuzamahanga byari bimaze iminsi bigirana ibiganiro n\u2019uyu muvugabutumwa, abihishurira ko ari we wazanye Rusesabagina bari bamaze igihe gito babaye inshuti. Yabwiye Lib\u00e9ration na Jeune Afrique ko yamuzanye abifashijwemo n\u2019Urwego rw\u2019Igihugu rw\u2019Ubugenzacyaha (RIB).<\/p>\n

Pasiteri Niyomwungere mu rukiko, yaje guhishura umuntu witwa Michel muri RIB bafatanyije gukurikirana Rusesabagina, kugeza ageze mu Rwanda.<\/p>\n

Uyu Michel ngo ni na we wagize uruhare mu itabwa muri yombi rya Niyomwungere ryabaye mu mpera z\u20192019, ari naryo ryatumye yemera gutanga amakuru yatuma Rusesabagina afatwa.<\/p>\n

Idamange mu rukiko, ahakana ibyaha byose ashinjwa<\/strong><\/p>\n

Tariki ya 4 Werurwe 2021 Idamange Iryamugwiza Yvonne yagejejwe imbere y\u2019urukiko rw\u2019Ibanze rwa Gasabo ku nshuro ya mbere, aburana ifunga n\u2019ifungurwa ry\u2019gateganyo ku byaha 6 akurikiranweho birimo guteza imvururu muri rubanda no gupfobya jenoside yakorewe Abatutsi mu 1994.<\/p>\n

Idamange yahakanye ibyaha byose ashinjwa ndetse akomoza ku gusurwa n\u2019Umunyamabanga wa Leta muri Minisiteri y\u2019Urubyiruko n\u2019Umuco, Bamporiki Edouard ngo wajyaga kumugira inama yo guceceka, aho yavuze ko urugo rwe yari yararuhinduye ibiro bye.<\/p>\n

Idamange yamenyekaniye ku rubuga rwa YouTube ubwo yahakoreraga ibiganiro biteza impaka, ari nabyo byatumye akurikiranwa n\u2019ubutabera bw\u2019u Rwanda.<\/p>\n

Ingabo z\u2019u Rwanda n\u2019iz\u2019u Burundi zakozanyijeho<\/strong><\/p>\n

Igitangazamakuru Jeune Afrique kuri uyu wa 6 cyangaje ko ingabo z\u2019u Rwanda n\u2019iz\u2019u Burundi zarwaniye mu gace ka Twinyoni mu ishyamba rya Kibira tariki ya 28 Gashyantare 2021.<\/p>\n

Iki gitangazamakuru cyavuze ko iyi mirwano yabaye ubwo ingabo z\u2019u Rwanda zirukankanaga abarwanyi b\u2019imitwe ya FLN na FDLR basjakaga kugaba igitero mu Rwanda, zibageza muri Kibira mu Burundi.<\/p>\n

Gusa ngo ntiyatwaye igihe kirekire, bitewe n\u2019ibiganiro abakuriye inzego z\u2019ubutasi mu bihugu byombi bari bamaze kugirana, ingabo z\u2019u Rwanda zisubira mu Rwanda, iz\u2019u Burundi zisigara zihangana n\u2019iyi mitwe yitwaje intwaro.<\/p>\n

Urukingo rwa Covid-19 rwageze mu Rwanda, Abaturarwanda batangira gukingirwa<\/strong><\/p>\n

Tariki ya 3 Werurwe 2021 mu Rwanda hageze inkingo 342,000 za mbere z\u2019icyorezo cya Covid-19 zirimo 240,000 zo mu bwoko bwa Astra Zeneca n\u2019izindi 102,000 zo mu bwoko bwa Pfizer BioNTech.<\/p>\n

Tariki ya 5 Werurwe hatangiye igikorwa cyo gukingira, gihereye ku bakozi bo mu nzego z\u2019ubuzima, abandi bafite ibyago byo kwandura iki cyorezo ndetse n\u2019abashobora kuzahazwa nacyo.<\/p>\n

Kugeza kuri uyu wa 7 Werurwe 2021 hamaze gupimwa abantu 196,402 nk’uko imibare ya Minisiteri y’Ubuzima ibyerekana.<\/p>\n

Perezida Kagame yavuze ko u Bwongereza budasobanura impamvu bwashyize u Rwanda ku rutonde rutukura<\/strong><\/p>\n

Umushoramari Lord Evgeny Aleksandrovich Lebedev uyoboye ihuriro \u2018The Giants Club\u2019 ribungabunga urusobe rw\u2019ibinyabuzima yatangaje ko Perezida Kagame yamubwiye ko Guverinoma y\u2019u Bwongereza idasobanura impamvu yashyize u Rwanda ku rutonde rutukura, rubuza abaturuka mu bihugu biruriho gukorerayo ingendo bitewe n\u2019ubwandu by\u2019icyorezo cya Covid-19 bwagaragaye bwa mbere muri Afurika y\u2019Epfo.<\/p>\n

Lebedev yamubajije ku cyaba cyaratumye u Bwongereza bushyira u Rwanda kuri uru rutonde kandi ikigo cy\u2019ubushakashatsi cya Lowy Institute cyo muri Australia mu mpera za Mutarama 2021 cyararushyize ku mwanya wa 6 mu bihugu byateye intambwe ishimishije mu kurwanya icyorezo cya Covid-19.<\/p>\n

Umukuru w\u2019Igihugu ni bwo yamusubije ko Guverinoma y\u2019u Rwanda yabajije iy\u2019u Bwongereza binyuze muri Ambasade, ndetse ba Minisitiri bo mu Rwanda bavuganye n\u2019abo muri iki gihugu, ati: \u201cIbisubizo batanga bigaragara mu buryo budatanga impamvu.\u201d<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n