{"id":34167,"date":"2021-03-08T11:02:33","date_gmt":"2021-03-08T11:02:33","guid":{"rendered":"https:\/\/new.bwiza.com\/2021\/03\/08\/nyamata-yaherekeje-abari-bamusuye-nimugoroba-bukeye-bamusanga-amanitse-ku\/"},"modified":"2021-03-08T11:02:33","modified_gmt":"2021-03-08T11:02:33","slug":"nyamata-yaherekeje-abari-bamusuye-nimugoroba-bukeye-bamusanga-amanitse-ku","status":"publish","type":"post","link":"https:\/\/bwiza.com\/?p=34167","title":{"rendered":"Nyamata: Yaherekeje abari bamusuye nimugoroba, bukeye bamusanga amanitse ku gasozi yapfuye"},"content":{"rendered":"

Umugabo witwa Nsabigaba Jean Paul wari utuye mu Mujyi wa Nyamata mu Karere ka Bugesera, mu gitondo cyo kuri uyu wa Mbere bamusanze amanitse mu cyuma kiri mu kibuga cyo hafi y’aho yari atuye yapfuye, nyuma yo guherekeza inshuti ze zari zamusuye.<\/strong> <\/em><\/p>\n

Nyakwigendera w’imyaka 25 wari uzwi ku izina rya Danny, yabaga mu Mudugudu wa Gasenda II, Akagari ka Nyamata Ville, mu Murenge wa Nyamata.<\/p>\n

Umuvugizi wa Polisi mu Ntara y’Iburasirazuba, CIP Hamduni Twizeyimana yavuze ko \u201cNsabigaba Jean Paul twasanze amanitse ntabwo tuzi icyamumanitse.\u201d<\/p>\n

CIP Twizeyimana yavuze ko bishobora kuba byabaye mu rukerera rwo kuri uyu wa Mbere, uretse gutanga amakuru y\u2019ibanze yavuze ko ibindi ari Urwego rw\u2019Ubugenzacyaha (RIB) rubikurikirana.<\/p>\n

Amakuru BWIZA yamenye ni uko ku mugoroba wo ku Cyumweru Nyakwigendera yari yasuwe n’inshuti ze, biba ngombwa ko aziherekeza ariko asiga mu rugo undi mugenzi we babanaga mu nzu.<\/p>\n

Mugenzi we nyuma yo kubona nyakwigendera agiye ntagaruke, ngo yahisemo kuryama yibwira ko ari buhindukire, kugeza mu ma saa kumi n’imwe y’igitondo cyo kuri uyu wa Mbere ubwo bamukanguraga bamubwira ko mugenzi we bamusanze amanitse mu kibuga kiri hafi y’aho bari batuye.<\/p>\n

Andi makuru avuga ko mu rukerera abatuye muri kariya gace bumvise imodoka iza kuri kiriya kibuga ndetse n’amapine yayo akaba ahagaragara, bigakekwa ko ari yo yazanye umurambo wa Nyakwigendera ikawuhamanika nyuma yo kumwica.<\/p>\n

Umuvugizi wa RIB, Dr Murangira B Thierry, yabwiye Umuseke ko hagikorwa iperereza ngo hamenyekane abari inyuma y’urupfu rw’uriya mugabo.<\/p>\n

Ati: “Ati \u201cAbaturage ni bo bamubonye batabaza RIB, irahagera ibimenyetso byakusanyijwe, umurambo ugiye kujyanwa muri Laboratoire ipima ibimenyetso kugira ngo ukorerwe isuzuma, n\u2019iperereza rirakomeje kugira ngo hamenyekane icyateye urwo rupfu.\u201d<\/p>\n

Nyakwigendera yari amaze igihe ashakanye n\u2019umukobwa uba muri Amerika, ariko we akaba yabaga mu Rwanda aho yakoraga akazi gasanzwe ndetse akaba yari umwe mu baririmbyi ba Chorale Kingdom of God Ministries.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n