{"id":34346,"date":"2021-03-14T08:42:28","date_gmt":"2021-03-14T08:42:28","guid":{"rendered":"https:\/\/new.bwiza.com\/2021\/03\/14\/byinshi-kuri-rutabayiro-uvuga-ko-ari-intasi-na-lieutenant-mu-ngabo-z-u-rwanda\/"},"modified":"2021-03-14T08:42:28","modified_gmt":"2021-03-14T08:42:28","slug":"byinshi-kuri-rutabayiro-uvuga-ko-ari-intasi-na-lieutenant-mu-ngabo-z-u-rwanda","status":"publish","type":"post","link":"https:\/\/bwiza.com\/?p=34346","title":{"rendered":"Byinshi kuri Rutabayiro uvuga ko ari intasi na \u2018Lieutenant\u2019 mu ngabo z\u2019u Rwanda"},"content":{"rendered":"

Polisi y\u2019u Burundi ku bufatanye na Minisiteri y\u2019Umutekano w\u2019Imbere mu gihugu, kuri uyu wa 12 Werurwe 2021 yasohoye videwo y\u2019ubuhamya bwa \u201cLt. Rutabayiro Eric\u201d uvuga ko ari intasi y\u2019u Rwanda.<\/strong><\/p>\n

Rutabayiro yavuze ko yinjiye mu gisirikare cy\u2019u Rwanda mu 1995, ajya mu rwego rw\u2019ubutasi mu 2003, akorera akazi ke mu bihugu by\u2019Akarere ka Afurika y\u2019Iburasirazuba, mu k\u2019Ibiyaga Bigari no mu Bushinwa.<\/p>\n

Ngo ubwo yari yagiye gukora ubutasi mu Burundi, yaje kwitura kuri Leta tariki ya 31 Werurwe 2019 ndetse anasaba ubuhungiro kuko \u201catifuzaga\u201d gukomeza gukora aka kazi nk\u2019uko byumvikana mu buhamya bwe buri kuri shene ya YouTube ya Polisi y\u2019u Burundi.<\/p>\n

Inkuru irambuye kuri Rutabayiro mu izina ry’intasi y’u Rwanda https:\/\/bwiza.com\/?Lt-Rutabayiro-uvuga-ko-ari-intasi-y-u-Rwanda-ngo-yahungiye-mu-Burundi<\/p>\n

\"rutabayiro.jpg\"
\nRutabayiro muri videwo y’ubuhamya bwe<\/strong><\/p>\n

Amakuru BWIZA yamumenyeho<\/strong><\/p>\n

Abamuzi bavuga ko koko yitwa Rutabayiro Eric, bakunze kwita Kazungu cyangwa se \u2018Kung Fu Sifu\u2019; izina yakomoye ku kuba ari umutoza w\u2019umukino njyarugamba wa Kung Fu.<\/p>\n

Iki gitangazamakuru cyakomeje gushakisha amakuru ya Rutabayiro, gisanga yarabaye umuyobozi wa tekiniti mu ishyirahamwe rya Kung Fu mu Rwanda kugeza mu 2019.<\/p>\n

Rutabayiro nk\u2019umutoza wa Kung Fu mu 2016 yigeze no kujyana na bagenzi be batatu mu Bushinwa mu mahugurwa y\u2019uyu mukino bakoreye mu ishuri rya Huo Yuanjia and Military School riherereye mu gace ka Tianjin, yamaze amezi atatu.<\/p>\n

Inkuru ya Inyarwanda kuri Rutabayiro, ubwo yari agiye kwerekeza mu Bushinwa https:\/\/inyarwanda.com\/inkuru\/70556\/rutabayiro-eric-uhagarariye-abakinnyi-ba-filime-akaba-n-umut-70556.html<\/p>\n

Ni umusore ukiri muto nk\u2019uko byemezwa na Shalom Gospel Show (Shene ya YouTube) bagiranye ikiganiro cyasohotse tariki ya 8 Kamena 2018, akaba umwe mu bafite ibishushanyo byo ku mubiri (tattoos) byinshi muri iki gihugu.<\/p>\n

Muri iki kiganiro, Rutabayiro yabanje kwisobanurira abakurikira iyi shene, avuga ko ari umukinnyi wa Kung Fu, umukinnyi wa filimi, umucuruzi ndetse anavuga byinshi ku bishushanyo icumi bimuri ku mubiri.<\/p>\n

Yagize ati: \u201cNitwa Rutabayiro Eric, ndi umukinnyi wa filime, mu buzima busanzwe ndi umucuruzi. Mfite tattoo ya Kung Fu ku gatuza nashyizeho ndi mu Bushinwa nabikunze, maze kwigana n\u2019abandi bantu ku bintu bya siporo nari ndi kwigayo; ni ukuvuga ko ari tattoo duhuriyeho turi abantu bageze kuri 60. Navuga na tattoo ya dragon iba ku mubiri wanjye, iva ku gatuza ikagera mu mugongo. Ni tattoo ifite igisobanuro mu buzima busanzwe, nkunda gukora ikintu cyose n\u2019imbaraga kugira ngo ngere mu musaruro wanjye. Rero buri munsi nk\u2019ishusho ry\u2019imbaraga, uko ngifite numva ntashobora gutsindwa ku kintu icyo ari cyo cyose.\u201d<\/p>\n

Yakomeje ati: \u201cHanyuma iya gatatu ni tattoo mfite ku kaguru isa nk\u2019aho ikubiyemo ubuzima bwanjye muri rusange. Ni nk\u2019ubuzima naciyemo noneho nakoreye igishushanyo mbonera cyanjye ngishyira ku kaguru, nibukiraho aho nananiwe, aho natinze, ibyo nishimiye, ibyo nababaye.\u201d<\/p>\n

Andi makuru y\u2019uko yageze mu Burundi<\/strong><\/p>\n

Amakuru agera kuri Bwiza ahabanye n\u2019ayo Rutabayiro yatangiye mu buhamya bwatambutse ku rubuga rwa Polisi y\u2019u Burundi, avuga ko uyu musore yafatiwe muri icyo gihugu ashinjwa kuba \u2018maneko\u2019 cyangwa se intasi y\u2019u Rwanda.<\/p>\n

Avuga ko ubwo Rutabayiro yaburirirwaga irengero guhera mu 2019, ab\u2019iwabo batangiye gukeka ko yaba yaragiye mu Bushinwa gusa muri Mutarama 2021 ni ho ku rubuga rwa WhatsApp hatangiye gusakara amakuru amenyesha abarukoresha ko nyir\u2019ubwite afungiwe mu Burundi, akaba asaba ubufasha kugira ngo arekurwe.<\/p>\n

Ubu butumwa bwagiraga buti: \u201cMuraho mwese ncuti n\u2019umuryango wuyu mugabo witwa Rutabayiro Eric maser wumukino njyarugamba bakunze kwita Kung-fu chine woo ndetse numutoza w\u2019ikipe y\u2019igihugu ya kung-fu akaba yari umukinnyi wa cinema, arasaba abanyarwanda bose bamuzi kobamufasha gusakaza amakuru yuko afungiye iBurundi, ruhero muri documentation aho avuga ko ashinjwa kari maneko wurwanda ariko arengana.\u201d<\/p>\n

Ubutumwa bukomeza buti: \u201cAmazeyo imyaka 2, umuryango we nincuti baziko aba mu gihugu cya chine. Uwaba uzi umuryango we yabamenyesha, dusangire umwaka tugira uwacu dufasha kora share ku bawe bose ubu butumwa bugere kuri benshi abone ubufasha (eric ati nizeye abanyarwanda).\u201d<\/p>\n

Si ubwa Umunyarwanda afatiwe mu Burundi yitwa intasi y\u2019u Rwanda kuko hari undi witwa Cpl (Corporal) Rukerintare Cyprien wafashwe mu bihe byashize avuga ko ari umusirikare w\u2019iki gihugu wakoreraga muri Gabiro, nyamara abaturanyi be bagahamya ko ahubwo ari umuntu utunzwe no kwiba.<\/p>\n

Sura urubuga rwa Instagram rwa Rutabayiro, umenye byinshi bimwerekeye mu mafoto thttps:\/\/www.instagram.com\/rutabayiroeric\/<\/p>\n

\"fb_img_16156961051550712.jpg\"
\nIyi foto yayishyize kuri Facebook bwa mbere tariki ya 22 Gicurasi 2014, agaragara nk’umusore ukiri muto<\/strong><\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n