{"id":34348,"date":"2021-03-14T10:47:22","date_gmt":"2021-03-14T10:47:22","guid":{"rendered":"https:\/\/new.bwiza.com\/2021\/03\/14\/rdc-umuryango-wa-kalev-mutondo-wayoboye-urwego-rw-ubutasi-uvuga-ko-wamubuze\/"},"modified":"2021-03-14T10:47:22","modified_gmt":"2021-03-14T10:47:22","slug":"rdc-umuryango-wa-kalev-mutondo-wayoboye-urwego-rw-ubutasi-uvuga-ko-wamubuze","status":"publish","type":"post","link":"https:\/\/bwiza.com\/?p=34348","title":{"rendered":"RDC: Umuryango wa Kalev Mutondo wayoboye urwego rw\u2019ubutasi uvuga ko wamubuze kuva ku wa Gatatu"},"content":{"rendered":"

Umuryango wa Kalev Mutondo wabaye Umuyobozi Mukuru w’urwego rw\u2019ubutasi rwa Repubulika ya Demukarasi ya Congo (RDC) ruzwi nka ANR kuri uyu wa 13 Werurwe 2021 watangaje ko wamubuze kuva tariki ya 10.<\/strong><\/p>\n

Bigaragara mu ibaruwa yashyizweho umukono n\u2019umukobwa wa Mutondo, Liliane Kembo Kalev usanzwe ari umudepite mu nteko ishinga amategeko ya RDC, nyuma y\u2019inama y\u2019umuryango yateranye yiga ku kibazo cya Se.<\/p>\n

Uyu muryango uvuga ko Mutond yavuye mu rugo saa tanu z\u2019ijoro ku wa Gatatu, kuva ubwo ukaba utarongera kumuca iryera. Uti: \u201cMu ijoro saa ryo ku wa Gatatu tariki ya 10 Werurwe 2021 ahagana saa tatu z\u2019ijoro Papa yavuye mu rugo, kuva ubwo umuryango wose nta makuru umufiteho.\u201d<\/p>\n

Uyu muryango n\u2019ubwo uvuga ko nta makuru ufite ku hantu Mutondo aherereye, bigaragara ko ukeka ko ari mu maboko y\u2019ubutabera bw\u2019igihugu, cyane ko wemeza ko Umushinjacyaha Mukuru wa Kinshasa yigeze kumuhamagaza muri iyo minsi.<\/p>\n

Wamagana kandi uburyo ubutabera bwa RDC bukomeje gukurikirana Mutondo kuko ngo \u201cntibuboneye\u201d kandi \u201cntibukurikije amategeko.\u201d<\/p>\n

Tariki ya 11 Werurwe 2021 (nyuma y\u2019umunsi w\u2019ibura rye nk\u2019uko umuryango ubivuga) ni bwo Kalev Mutond yandikiye Radiyo Okapi ayimenyesha ko abapolisi bitwaje intwaro ziremereye baziye modoka za \u2018jeep\u2019 eshatu bagose urugo rwe (bisa n’aho atari arurimo) ruri mu gace ka Ma Campagne, kuva mu masaa cyenda y\u2019igicuku kugeza saa kumi n\u2019imwe.<\/p>\n

Ni nyuma y\u2019aho tariki ya 9 Werurwe yari yanze kwitaba Umushinjacyaha Mukuru wa Kinshasa washakaga kumukorera dosiye ku byaha ashinjwa kugiramo uruhare ubwo yari Umuyobozi wa ANR.<\/p>\n

Mutondo yanze kwitaba avuga ko ibyaha byose byakozwe n\u2019abakoze ba ANR atari we ugomba kubibazwa, yongeraho ko afite ubudahangarwa nk\u2019uwahoze ayoboye uru rwego.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n