{"id":34351,"date":"2021-03-14T12:09:42","date_gmt":"2021-03-14T12:09:42","guid":{"rendered":"https:\/\/new.bwiza.com\/2021\/03\/14\/abarenga-254-000-bamaze-gukingirwa-covid-19_uko-igikorwa-cyagenze-kuva\/"},"modified":"2021-03-14T12:09:42","modified_gmt":"2021-03-14T12:09:42","slug":"abarenga-254-000-bamaze-gukingirwa-covid-19_uko-igikorwa-cyagenze-kuva","status":"publish","type":"post","link":"https:\/\/bwiza.com\/?p=34351","title":{"rendered":"Abarenga 254,000 bamaze gukingirwa Covid-19_Uko igikorwa cyagenze kuva cyatangira"},"content":{"rendered":"

Minisiteri y\u2019Ubuzima mu Rwanda ivuga ko kuva gahunda yo gukingira icyorezo cya Covid-19 yatangira tariki ya 5 kugeza ku ya 13 Werurwe 2021, hamaze gukingirwa Abaturarwanda barenga 254,000.<\/strong><\/p>\n

Ni gahunda yatangiye nyuma y\u2019iminsi ibiri inkingo za mbere za Covid-19 zibarirwa mu 342,000; zirimo 240,000 za AstraZeneca n\u2019102,000 za Pfizer BioNTech zigeze mu Rwanda.<\/p>\n

Uko igikorwa cyagenze kuva ku munsi wa mbere<\/strong><\/p>\n

Ku munsi wa mbere w\u2019iyi gahunda hakingiwe abantu 75,056 barimo: abakozi bo mu bigo by\u2019ubuvuzi (abaganga n\u2019abandi), abakangurambaga b\u2019ubuzima n\u2019abarusha abandi ibyago bwo kwakura cyangwa kuzahazwa na Covid-19.<\/p>\n

Ku munsi wa kabiri (tariki ya 6) hakingiwe abantu 83,842 barimo: abarimu bafite ibyago byo kwandura no kuzahazwa n\u2019iki cyorezo kurusha abandi, abajyanama b\u2019ubuzima ndetse n\u2019abafite imyaka 65 y\u2019amavuko kuzamura.<\/p>\n

Ku munsi wa gatatu (tariki ya 7) hakingiwe abantu 37,503 barimo itsinda rishinzwe gukurikiranira hafi, kurwanya no gukumira Covid-19 mu Rwanda, abafite imyaka 65 n\u2019abayirengeje, abajyanama b\u2019ubuzima n\u2019abarimu.<\/p>\n

Ku munsi wa kane (tariki ya 8), hakingiwe abarenga 10,000 barimo: abarwaye indwara zidakira, abamugaye, abakozi bo kibuga cy\u2019indege mpuzamahanga cya Kigali (i Kanombe), abacuruzi n\u2019abatwara taxi.<\/p>\n

Ku munsi wakurikiyeho (tariki ya 9) hakingiwe abarenga 11,000 barimo imfungwa n\u2019abagororwa muri Gereza ya Mageragere babarirwa mu 2300, abamotari, abanyonzi, DASSO n\u2019abakozi ba Leta barusha abandi ibyago byo kwandura Covid-19.<\/p>\n

Ku munsi wa 6 (tariki ya 10) hakingiwe abagera mu 9000 barimo impunzi zaturutse muri Libya ziba mu nkambi y\u2019agateganyo ya Gashora n\u2019abakozi baho, ndetse n\u2019abari mu zabukuru.<\/p>\n

Ku munsi wakurikiyeho (tariki ya 11) hakingiwe abagera ku 10,000 barimo abamotari, abakozi b\u2019amahoteli azakira inama y\u2019Abakuru b\u2019Ibihugu bigize umuryango Commonwealth (CHOGM), abakozi bo mu bigo by\u2019ubuvuzi byigenga n\u2019abari mu zabukuru.<\/p>\n

Ku munsi wa 8 (tariki ya 12) hakingiwe abagera ku barenga 10,000 barimo abacururiza mu masoko 7 yo mu Mujyi wa Kigali barenga 2000, abatwara amakamyo na bisi (bus) barenga 1127 n\u2019abakora isuku ku muhanda.<\/p>\n

Ku munsi wa 9 (tariki ya 13) hakingiwe abarenga 4,464 barimo abakozi 1200 bakorera mu cyanya cyahariwe inganda muri Kigali, abakozi bo mu bigo byigenga bicunga umutekano, abacuruzi, abagize imiryango iharanira inyungu z\u2019abaturage (sosiyete sivile), abagize imiryango itegamiye kuri Leta, irimo n\u2019ishingiye ku myemerere.<\/p>\n

Minisitiri w\u2019Ubuzima, Perezida Kagame n\u2019umufasha we barakingiwe<\/strong><\/p>\n

Ubwo yatangizaga iki gikorwa ku rwego rw\u2019igihugu ku bitaro bya Masaka, Minisitiri w\u2019Ubuzima Dr Ngamije Daniel yarakingiwe ndetse ahumuriza abatewe ubwoba n\u2019uru rukingo ko nta ngaruka mbi rufite.<\/p>\n

Nyuma y\u2019iminota 30 yari amaze arutewe, Dr. Ngamije yagize ati: \u201cUbu meze neza. Maze iminota 30 nkingiwe kandi nta ngaruka numva.\u201d<\/p>\n

\"Minisitiri
Minisitiri Ngamije yakingiwe ku munsi wa mbere<\/figcaption><\/figure>
\nMinisitiri Ngamije yakingiwe ku munsi wa mbere<\/strong><\/p>\n

Ku munsi wa 6 w\u2019iyi gahunda, Perezida wa Repubulika y\u2019u Rwanda, Paul Kagame n\u2019umufasha we, Jeannette Kagame na bo barakingiwe. Iki gikorwa cyabereye ku bitaro byitiriwe Umwami Faisal biri mu mujyi wa Kigali.<\/p>\n

Icyo gihe ibiro by\u2019Umukuru w\u2019Igihugu (Village Urugwiro) byagize biti: \u201cMuri gahunda yo gukingira ikomeje hirya no hino mu gihugu aho abarenga 230,000 bamaze gukingirwa Covid-19, Perezida Kagame n\u2019umufasha Jeannette Kagame bakingiriwe ku bitaro byitiriwe Umwami Faisal.\u201d<\/p>\n

\"hflady.jpg\"
\nPerezida Kagame n’umufasha we barakingiwe<\/strong><\/p>\n

Uyu munsi biteganyijwe ko hakingirwa abanyerondo, abatwara abagenzi muri bisi (bus), abatwara amakamyo n\u2019abakorera ibigo byigenda bicunga umutekano, Leta y\u2019u Rwanda ikaba ifite gahunda yo gukingira 60% by\u2019Abaturarwanda kugeza ku musozo w\u2019umwaka w\u20192022 mu gihe yabona inkingo nk\u2019uko ibiteganya.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n