Ishami ry’Umuryango w’Abibumbye ryita ku buzima (OMS), ryahamagariye ibihugu kudahagarika ibikorwa byo gukingira abaturage babyo COVID-19, mu gihe ibihugu byinshi bikomeje guhagarika guha abaturage babyo urukingo rwa AstraZeneca.<\/p>\n
Ubufaransa n’Ubudage kuri uyu wa Mbere byabaye ibindi bihugu bihagaritse guha abaturage babyo urukingo rwa AstraZeneca rwakozwe na Kaminuza ya Oxford yo mu Bwongereza.<\/p>\n
Ni nyuma y’ibindi bihugu byiganjemo ibyo ku mugababe w’u Burayi nka Norv\u00e8ge, Autriche, Denmark, Iceland, Burgarie, Ireland, Romania, Ubuholandi n’Ubutaliyani.<\/p>\n
Ibindi bihugu ni Repubulika iharanira Demokarasi ya Congo ya hano ku mugabane wa Afurika na Thailand na Indonesia byo ku mugabane wa Aziya.<\/p>\n
Ibihugu byahagaritse ikoreshwa rya AstraZeneca, bihuriza ku kuba uru rukingo ruteza ibibazo byo kuvura kw’amaraso y’abagiye baruhabwa.<\/p>\n
OMS kuri uyu wa Mbere yavuze ko akanama kayo ngishwanama karimo gusuzuma amakuru yerekeye ruriya rukingo kandi ko izashyira ahagaragara ibyavuye mu iperereza ryayo vuba, isaba ibihugu gukomeza gukingira.<\/p>\n
Umuvugizi wa OMS, Christian Lindmeier yagize ati: “Kuva uyu munsi, nta kimenyetso cyerekana ko ibyabaye biterwa n’uru rukingo kandi ni ngombwa ko gukingira bikomeza kugira ngo dushobore kurokora ubuzima no gukumira indwara ikomeye y’iyi virusi.”<\/p>\n
Urukingo rwa AstraZeneca rukomeje gutakarizwa icyizere, ni rwo rukomeje guhabwa abaturage bo mu bihugu bitandukanye ku bwinshi, bijyanye no kuba ari rwo ruhendutse cyane mu zakozwe.<\/p>\n
Kurikira ibiganiro n\u2019amavidewo binyura kuri Bwiza TV<\/strong><\/p>\n