{"id":34496,"date":"2021-03-19T07:32:12","date_gmt":"2021-03-19T07:32:12","guid":{"rendered":"https:\/\/new.bwiza.com\/2021\/03\/19\/madamu-samia-suluhu-ararahirira-kuyobora-tanzania\/"},"modified":"2021-03-19T07:32:12","modified_gmt":"2021-03-19T07:32:12","slug":"madamu-samia-suluhu-ararahirira-kuyobora-tanzania","status":"publish","type":"post","link":"https:\/\/bwiza.com\/?p=34496","title":{"rendered":"Madamu Samia Suluhu ararahirira kuyobora Tanzania"},"content":{"rendered":"

Samia Suluhu Hassan uyu munsi kuwa Gatanu ararahirira kuba perezida wa Tanzania, nk’uko byatangajwe n’ibiro by’umuvugizi wa guverinoma.
\n<\/h2>\n

Mama Samia ararahira saa yine z’amanywa ku isaha ya Tanzania mu ngoro y’umukuru w’igihugu, nk’uko biri mu itangazo ryashyizwe kuri Twitter n’umuvugizi wa guverinoma.<\/p>\n

Itegeko riteagnya ko uyu wari visi perezida akomeza manda y’imyaka itanu, John Magufuli yatorewe umwaka ushize, arahita aba umugore wa mbere ubaye perezida wa Tanzania.<\/p>\n

Yari Visi Perezida kuva mu mwaka wa 2015, ubu agiye gusimbura Perezida John Magufuli wapfuye ku wa gatatu, leta igatangaza ko yazize ibibazo by’umutima.<\/p>\n

Biteganyijwe ko anaba Perezida wa kabiri mu mateka ya Tanzania ukomoka mu birwa bya Zanzibar, uwa mbere yari Ali Hassan Mwinyi, wategetse Tanzania imyaka 10, kuva mu 1985 kugeza mu 1995.<\/p>\n

Ubu ni nabwo bwa mbere Tanzania ipfushije Perezida akiri ku butegetsi, uwari umwungirije akamusimbura.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n