{"id":34504,"date":"2021-03-19T16:15:42","date_gmt":"2021-03-19T16:15:42","guid":{"rendered":"https:\/\/new.bwiza.com\/2021\/03\/19\/iby-umurambo-wa-kasango-umaze-hafi-ukwezi-utarashyingurwa-byageze-mu-rukiko\/"},"modified":"2021-03-19T16:15:42","modified_gmt":"2021-03-19T16:15:42","slug":"iby-umurambo-wa-kasango-umaze-hafi-ukwezi-utarashyingurwa-byageze-mu-rukiko","status":"publish","type":"post","link":"https:\/\/bwiza.com\/?p=34504","title":{"rendered":"Iby\u2019umurambo wa Kasango umaze hafi ukwezi utarashyingurwa byageze mu rukiko"},"content":{"rendered":"

Umugore wa nyakwigendera Robert Aldridge Kasango (Bob Kasango) wari umunyamategeko ukomeye muri Uganda, Nice Bitarabeho yareze nyirabukwe, Rosie Kabise, mu Rukiko Rukuru amushinja kumutambamira ntashyingure umugabo we.<\/strong><\/p>\n

Ni nyuma y\u2019aho guhera tariki ya 2 Werurwe 2021 Bitarabeho, abana be n\u2019abandi babashyigikiye bananiwe kumvikana na Kabise n\u2019abamushyigikiye ku hantu Kasango agomba gushyingurwa, ndetse hakaba harabaye igisa n\u2019imirwano, impande zombi zirwanira umurambo wari umaze kuvanwa muri Kiliziya ya All Saints muri Kampala mu muhango wo kuwusezeraho bwa nyuma.<\/p>\n

Bitarabeho n\u2019abahungu be bifuza ko Kasango ashyingurwa hafi y\u2019urugo rwe mu gace ka Fort Portal mu Karere ka Kabarole, mu gihe Kabise we yifuza ko umuhungu we ashyingurwa hafi y\u2019aho akomoka mu Karere ka Tororo, ashingiye ku myemerere ye y\u2019umuco gakondo.<\/p>\n

Umunyamakuru Andrew Mwenda wari inshuti y\u2019akadasohoka ya Kasange, tariki ya 5 Werurwe yatangaje ko impande zombi zicyumvikana ku hantu nyakwigendera agomba gushyingurwa, gusa kugeza ubu ubwumvikane bwakomeje kubura.<\/p>\n

Kubura k\u2019ubwumvikane ni ko kwatumye Bitarabeho yitabaza Urukiko Rukuru, yitwaje abamwunganira mu mategeko batatu, arusaba ko rwategeka nyirabukwe akareka kwitambika umuhango wo gushyingura Kasange muri Fort Portal.<\/p>\n

Bitarabeho yavuze ko yaba we, abana be batatu: Samora, Stephanie na Ivan Kasango, bose bifuza ko nyakwigendera yashyingurwa muri Fort Portal, bityo ko nyirabukwe atakabaye yitambika uyu muhango.<\/p>\n

Bob Kasango yapfiriye muri gereza nkuru ya Luzira tariki ya 27 Gashyantare 2021 azize indwara y\u2019umutima. Yari mu gihano cy\u2019igifungo cy\u2019imyaka 16 yakatiwe nyuma yo guhamwa n\u2019icyaha cyo kunyereza amafaranga y\u2019abari mu kiruhuko cy\u2019izabukuru. <\/p>\n

Inyandiko y\u2019Urukiko Rukuru yo ku wa 15 Werurwe 2021 yerekana ko ruzatanga umwanzuro ku kirego cya Bitarabeho tariki ya 23 Werurwe 2021.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n