{"id":34578,"date":"2021-03-21T12:18:36","date_gmt":"2021-03-21T12:18:36","guid":{"rendered":"https:\/\/new.bwiza.com\/2021\/03\/21\/muhanga-umutungo-w-agaciro-ka-miliyoni-45-rwf-watejwe-icyamunara-kuri-miliyoni\/"},"modified":"2021-03-21T12:18:36","modified_gmt":"2021-03-21T12:18:36","slug":"muhanga-umutungo-w-agaciro-ka-miliyoni-45-rwf-watejwe-icyamunara-kuri-miliyoni","status":"publish","type":"post","link":"https:\/\/bwiza.com\/?p=34578","title":{"rendered":"Muhanga: Umutungo w\u2019agaciro ka miliyoni 45 Rwf watejwe icyamunara kuri miliyoni 10 Rwf, nyirawo avuga ko yagambaniwe"},"content":{"rendered":"

Ndayisaba Jean Marie Vianney utuye mu Mudugudu wa Ntebe, Akagari ka Remera, Umurenge wa Nyamabuye mu Karere ka Muhanga avuga ko tariki ya 4 Mutarama 2021 umutungo we ufite agaciro ka miliyoni 45 z\u2019amafaranga y\u2019u Rwanda wateshejwe agaciro, utezwa cyamunara kuri miliyoni 10, akavuga ko yagambaniwe n\u2019Umuhesha w\u2019Inkiko n\u2019ushinzwe inguzanyo muri banki.<\/strong><\/p>\n

Ndayisaba yabwiye Hanga dukesha iyi nkuru ko yari yaratse inguzanyo muri Banki y\u2019Abaturage (BPR) igera kuri miliyoni 7 z\u2019amafaranga y\u2019u Rwanda, atega uyu mutungo ugizwe n\u2019ubutaka bufite ubuso bwa metero kare (m2)1905 inzu abamo n\u2019iy\u2019ubucuruzi (zubatse muri iki kibanza) wabariwe agaciro ka miliyoni 45.<\/p>\n

Avuga ko nyuma yaje kugira ibibazo, ibikorwa bye yari yitezemo amafaranga (akabari n\u2019icyumba cy\u2019ubukwe)birahagarara bitewe n\u2019ingamba zari zarafashwe zo kurwanya icyorezo cya Covid-19.<\/p>\n

Ndayisaba avuga ko yagiye kwingiga banki, ayisobanurira ibibazo yatewe n\u2019ingamba zo kurwanya iki cyorezo, gusa mu gihe yabikoraga, ngo yaje kubona umunyamategeko Me Bizimana Pricille wari ushinzwe gucunga iyi ngwate aje kuyiteza icyamunara, akabona ko ari nk\u2019akagambane yamukoreye ku bufatanye n\u2019ushinzwe inguzanyo muri BPR.<\/p>\n

Yabwiye iki gitangazamakuru ati: \u201cIbyo banki yankoreye n’umuhesha w’inkiko wigenga biteye agahinda ,inzu ntuyemo niyo nacururizagamo byose bibite agaciro ka Miliyoni 45 Rwf, byateshejwe agaciro na Me Bizimana abigurisha Miliyoni 10 Rwf gusa, none ubu ndi kwangara n’umuryango wanjye.\u201d<\/p>\n

Ndayisaba avuga ko bihabanye n\u2019amahame agenga guteza icyamunara, Me Bizimana atigeze atanga itangazo mu bitangazamakuru, ngo we n\u2019ushinzwe inguzanyo muri BPR barabyihereranye. Ati: \u201cKuko bari bafite ibanga ryo kuyigura bayipfobeje.\u201d<\/p>\n

Yavuze ko kandi nyuma yo kumenya ko ikibazo cyasakuje, Me Bizima yahise asohora itangazo kuri Isango Star rimenyeshwa ko imitungo ye igiye gutezwa icyamunara, ryanditseho tariki ya 6 Mutarama 2021, itariki iri inyuma y\u2019iyo icyamunara cyatejweho.<\/p>\n

Kopi y\u2019itangazo rya Me Bizimana imenyesha iteza ry\u2019iki cyamunara, igaragaza ko imitungo ya Ndayisaba yari ifite agaciro ka miliyoni 45,567,570 Rwf. <\/p>\n

Bitandukanye n\u2019ibyo Ndayisaba avuga, bigaragara ko itangazo ry\u2019icyamunara ku mutungo we ryashyizweho umukono tariki ya 22 Ukuboza 2020, ryakirwa na Isango Star kuri iyo tariki. Iri tangazo rimenyesha kandi ko iki cyamunara cyagombaga gutezwa guhera saa mbiri z\u2019igitondo cyo ku wa 29 Ukuboza 2020.<\/p>\n

Ndayisaba arasaba Umukuru w\u2019Igihugu kumurenganura.<\/p>\n

\"oswaki1.jpg\"<\/p>\n

Amafoto: Oswald Mutuyeyezu\/umunyamakuru<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n