{"id":34597,"date":"2021-03-22T09:19:11","date_gmt":"2021-03-22T09:19:11","guid":{"rendered":"https:\/\/new.bwiza.com\/2021\/03\/22\/min-w-intebe-w-u-rwanda-ategerejwe-muri-tanzania\/"},"modified":"2021-03-22T09:19:11","modified_gmt":"2021-03-22T09:19:11","slug":"min-w-intebe-w-u-rwanda-ategerejwe-muri-tanzania","status":"publish","type":"post","link":"https:\/\/bwiza.com\/?p=34597","title":{"rendered":"Min. w’Intebe w’ u Rwanda ategerejwe muri Tanzania"},"content":{"rendered":"

Minisitiri w’Intebe w’ u Rwanda, Dr Edouard Ngirente ategerejwe mu gihugu cya Tanzania mu muhango wo gusezera ku wahoze ayobora icyo gihugu, Dr John Joseph Pombe Magufuli uherutse kwitaba Imana azize umutima.
\n<\/h2>\n

BBC dukesha iyi nkuru ivuga ko abaperezida 10 b’ibihugu bya Afurika biteganyijwe ko bagera i Dodoma mu murwa mukuru wa Tanzania ahabera uyu munsi umuhango wa leta wo gusezeraho John Magufuli.<\/p>\n

Perezida F\u00e9lix Tshisekedi wa DR Congo na Emmerson Mnangagwa wa Zimbabwe bamaze kugera muri Tanzania gusezera bwa nyuma kuri Magufuli.<\/p>\n

Ibiro bya Perezida, Cyril Ramaphosa wa Africa y’Epfo byatangaje ko nawe uyu munsi yahagurutse agana i Dodoma muri uwo muhango, ubera kuri stade ya Jamhuri ya Dodoma.<\/p>\n

Biteganyijwe ko abandi barimo abayobora: Kenya, Zambia, Morocco, Namibia, Malawi na Botswana nabo bari mu bitezwe i Dodoma uyu munsi.<\/p>\n

Uretse Dr Ngirente uza guhagararira u Rwanda, hategerejwe kandi visi perezida w’u Burundi, minisitiri w’ububanyi n’amahanga wa Angola n’intumwa z’imiryango y’ibihugu Tanzania ibamo nka SADC na EAC.<\/p>\n

Magufuli yatabarutse mu cyumweru gishize, kuri ubu hagenda haba ibikorwa byo kumusezeraho mu bice bitandukanye. Nyuma yo gusezerwaho i Dodoma umurambo wa Magufuli uzajyanwa gusezerwaho muri Zanzibar, na Mwanza mbere yo gusezerwaho bwa nyuma no gushyingurwa aho akomoka hitwa Chato mu majyaruguru ya Tanzania.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n