{"id":34600,"date":"2021-03-22T10:16:08","date_gmt":"2021-03-22T10:16:08","guid":{"rendered":"https:\/\/new.bwiza.com\/2021\/03\/22\/dr-kayumba-avuga-ko-umuyobozi-mu-ishyaka-yashinze-yafashwe-n-abatazwi\/"},"modified":"2021-03-22T10:16:08","modified_gmt":"2021-03-22T10:16:08","slug":"dr-kayumba-avuga-ko-umuyobozi-mu-ishyaka-yashinze-yafashwe-n-abatazwi","status":"publish","type":"post","link":"https:\/\/bwiza.com\/?p=34600","title":{"rendered":"Dr Kayumba avuga ko umuyobozi mu ishyaka yashinze \u2018yafashwe\u2019 n’abatazwi"},"content":{"rendered":"

Umunyapolitiki Dr Christopher Kayumba kuri uyu wa 22 Werurwe 2021 yatangaje ko Umunyamabanga ushinzwe ubukangurambaga mu ishyaka RPD aherutse gushinga, Nkusi Jean Bosco yafashwe n\u2019abantu bataramenyekana ejo hashize.<\/strong><\/p>\n

Ni amakuru Dr Kayumba yatangarije BWIZA nyuma y\u2019ubutumwa bw\u2019impuruza iri shyaka ryari rimaze gutangira ku rubuga rwa Twitter, rigira riti: \u201cEjo hashize twamenye ko Umunyamabanga wacu ushinzwe ubukangurambaga Jean Bosco Nkusi yafatiwe kuri CHUK ariko ntitwabashije kumenya impamvu n\u2019aho aherereye.\u201d<\/p>\n

Ubu butumwa bukomeza bugira buti: \u201cTwahamagaye Umuvugizi wa Polisi ariko telefone ye irafunze. Ubwo twavuganaga n\u2019Umwungirije, yatubwiye ko ntacyo abiziho, na RIB ni uko.\u201d
\n\"nkusi.jpg\"<\/p>\n

Dr Kayumba yabwiye iki gitangazamakuru ko atazi icyo Nkusi yari agiye gukora kuri CHUK (ibitaro bya Kigali), gusa ngo ejo mu masaa munani baravuganye amubwira ko hari abantu agiye guhura na bo. <\/p>\n

Yagize ati: \u201cNtabwo nzi icyo yari agiye gukora kuri CHUK, naherukaga kuvugana na we mu masaa munani ejo ambwira yuko hari abantu agiye guhura na bo. Ntabwo rero nari nzi icyo yari agiye gukora kuri CHUK.\u201d<\/p>\n

BWIZA yahamagaye Umuvugizi wa Polisi y\u2019u Rwanda, CP John Bosco Kabera kugira ngo imenye icyo avuga ku kibazo cya Nkusi, ariko ntiyabonetse ku murongo wa telefone kuko nturiho. Yamwandikiye ubutumwa bugufi, iracyaregereje igisubizo.<\/p>\n

Gusa Dr Kayumba yavuze ko mu gihe akomeje gushakisha Nkusi, yamaze kuvugana n\u2019Umuvugizi Wungirije wa Polisi y\u2019u Rwanda, amubwira ko yabajije mu masitasiyo y\u2019uru rwego, amusezeranya ko ko amumenyesha ikivamo.<\/p>\n

Ati: \u201cMu kanya maze kuvugana n\u2019Umuvugizi wa Polisi Wungirije, avuga ko yabajije abakuriye amasitasiyo ya Polisi kugira ngo amenye uko bimeze. Ubwo rero ntabwo ndamenya uko bihagaze, yambwiye ko namara kugira icyo amenyamo ambwira, tukajya kumusura.\u201d<\/p>\n

Tariki ya 16 Werurwe 2021 ni bwo Dr Kayumba yatangaje ko yashinze ishyaka rya RPD (Rwandese Platform for Democracy) akaba aribereye Umuyobozi Mukuru. Mu itangazo yageneye itangazamakuru, yuvuze ko hari abandi bafatanyije kurishinga gusa ntabwo yigeze avuga amazina yabo. Bigaragara ko Nkusi yaba ari umwe muri bo.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n