{"id":34601,"date":"2021-03-22T10:14:48","date_gmt":"2021-03-22T10:14:48","guid":{"rendered":"https:\/\/new.bwiza.com\/2021\/03\/22\/congo-uwari-uhatanye-na-perezida-sassou-ngessou-mu-matora-yabaye-ejo-yapfuye\/"},"modified":"2021-03-22T10:14:48","modified_gmt":"2021-03-22T10:14:48","slug":"congo-uwari-uhatanye-na-perezida-sassou-ngessou-mu-matora-yabaye-ejo-yapfuye","status":"publish","type":"post","link":"https:\/\/bwiza.com\/?p=34601","title":{"rendered":"Congo: Uwari uhatanye na Perezida Sassou Ngessou mu matora yabaye ejo yapfuye"},"content":{"rendered":"

Guy Brice Parfait Kolelas wari uhatanye na Perezida Denis Sassou Ngessou mu matora y’umukuru w’igihugu cya Congo-Brazzaville yabaye ejo ku cyumweru, yitabye Imana kuri uyu wa Mbere.<\/strong> <\/em><\/p>\n

Inkuru y’urupfu rwa Parfait Kolelas w’imyaka 61 y’amavuko, yemejwe na Christian Cyr Rodrigue Mayanda wari ukuriye ibikorwa bye byo kwiyamamaza.<\/p>\n

Uyu yabwiye AFP ko Kolelas yari yajyanwe mu bitaro buracya haba amatora yo ku Cyumweru, aho yari yagiye kuvurirwa icyorezo cya COVID-19 cyamuhitanye.<\/p>\n

Ati: “Kolelas yapfiriye mu ndege y’ubuvuzi yaje ku mufata i Brazzaville ku gicamunsi cyo ku Cyumweru.”<\/p>\n

Ku wa Gatandatu abagize umuryango w’uriya munya-Politiki bari batangarije Associated Press ko ari kuvurirwa muri bimwe mu bitaro byigenga by’i Brazzaville nyuma yo kwandura Coronavirus.<\/p>\n

Mbere yaho ku wa Gatanu hari amashusho yakwirakwiye ku mbuga nkoranyambaga agaragaza Kolelas ari kuri bomboni yo kumwongerera umwuka.<\/p>\n

Muri ayo mashusho yumvikana agira ati: “Nshuti dusangiye urugendo, ndi mu kaga. Ndi kurwana n’urupfu. Ariko ndabasaba guhaguruka mugatora impinduka. Sinakabaye ndwanira ubusa.”<\/p>\n

Nyakwigendera Guy Brice Parfait Kolelas asanzwe ari umuhungu wa Bernard Kolelas wabaye Minisitiri w’Intebe wa Congo mu 1997, ubwo iki gihugu cyari cyugarijwe n’intambara ya gisivili.<\/p>\n

Uyu mugabo yari yarakunze kumvikana anenga ubutegetsi bwa Perezida Denis Sassou Ngessou avuga ko Repubulika ya Congo Brazzaville yabaye “Leta ya Polisi”.<\/p>\n

Mu matora y’umukuru w’igihugu yo muri 2016, Kolelas yari yabaye uwa kabiri mu kugira amajwi menshi (15%), inyuma ya Perezida Denis Sassou Ngessou.<\/p>\n

Mu matora yabaye ejo yafatwaga nk’umukeba ukomeye wa Perezida Ngessou wayoboye kiriya gihugu kuva mu myaka 36 ishize.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n