{"id":34656,"date":"2021-03-24T08:09:35","date_gmt":"2021-03-24T08:09:35","guid":{"rendered":"https:\/\/new.bwiza.com\/2021\/03\/24\/perezida-biden-avuga-ko-nta-bushotoranyi-burimo-ku-kurasa-ibisasu-kwa-koreya-ya\/"},"modified":"2021-03-24T08:09:35","modified_gmt":"2021-03-24T08:09:35","slug":"perezida-biden-avuga-ko-nta-bushotoranyi-burimo-ku-kurasa-ibisasu-kwa-koreya-ya","status":"publish","type":"post","link":"https:\/\/bwiza.com\/?p=34656","title":{"rendered":"Perezida Biden avuga ko nta bushotoranyi burimo ku kurasa ibisasu kwa Koreya ya Ruguru"},"content":{"rendered":"

Perezida w’Amerika Joe Biden yavuze ko adafata nk’ubushotoranyi igerageza ryakozwe na Koreya ruguru ry’ibisasu bya misile biterwa mu ntera ngufi.
\n<\/h2>\n

Ni ryo gerageza rya mbere ry’ibyo bisasu Koreya ya ruguru ikoze kuva Perezida Biden yagera ku butegetsi ku itariki ya 20 y’ukwezi kwa mbere.<\/p>\n

Biden yongeyeho ko abategetsi bo muri minisiteri y’ingabo y’Amerika bavuze ko ibyo Koreya ya ruguru yakoze ari “ibintu bisanzwe”.<\/p>\n

Bivugwa ko mu mpera y’icyumweru gishize Koreya ya ruguru yateye ibisasu bitari ibyo mu bwoko bwa ‘ballistic’, ibyo bikaba bitanyuranyije n’imyanzuro y’akanama k’umutekano k’umuryango w’abibumbye (ONU\/UN).<\/p>\n

Ibyo byabaye nyuma yuko Koreya ya ruguru inenze Amerika na Koreya y’epfo kubera ko byakoreye hamwe imyitozo ya gisirikare.<\/p>\n

Binabaye kandi mu gihe ubutegetsi bwa Perezida Biden bukomeje kugerageza kugirana umubano na Koreya ya ruguru.<\/p>\n

Igeragezwa ry’ibyo bisasu – ryatangajwe bwa mbere n’ibitangazamakuru byo muri Amerika – ubu ryanemejwe n’abategetsi b’Amerika na minisiteri y’ingabo ya Koreya y’epfo.<\/p>\n

Koreya y’epfo yavuze ko misile ebyiri ziyoborwa zatewe mu nyanja ya ‘Yellow Sea’ mu rukerera rwo ku cyumweru zivuye mu mujyi wa Onchon muri Koreya ya ruguru.<\/p>\n

Asubiza ibibazo by’abanyamakuru ku wa kabiri nijoro, Bwana Biden yagize ati: “Twamenye ko nta cyahindutse”.<\/p>\n

Abajijwe niba afata iryo gerageza ry’ibisasu nk’ubushotoranyi, yavuze ati: “Oya, nkuko minisiteri y’ingabo ibivuga, ni ibintu bisanzwe. Nta gashya kari mu byo bakoze”.<\/p>\n

Imyanzuro y’akanama k’umutekano ka ONU ni yo yavuyemo ibihano bikomeye byafatiwe Koreya ya ruguru. Biyibuza gusa kurasa intwaro ziteye inkeke, nk’ibisasu bya ‘ballistic’.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n