{"id":34666,"date":"2021-03-24T11:31:37","date_gmt":"2021-03-24T11:31:37","guid":{"rendered":"https:\/\/new.bwiza.com\/2021\/03\/24\/inshuti-ya-perezida-wa-belarus-yatawe-muri-yombi-nyuma-yo-guhura-na-kabila\/"},"modified":"2021-03-24T11:31:37","modified_gmt":"2021-03-24T11:31:37","slug":"inshuti-ya-perezida-wa-belarus-yatawe-muri-yombi-nyuma-yo-guhura-na-kabila","status":"publish","type":"post","link":"https:\/\/bwiza.com\/?p=34666","title":{"rendered":"Inshuti ya Perezida wa Belarus yatawe muri yombi nyuma yo guhura na Kabila"},"content":{"rendered":"

Inshuti ikomeye ya Perezida wa Belarus ikaba n’umushoramari, Alexandre Zingman hamwe na Oleg Vodchits na Paolo Persico tariki ya 18 Werurwe 2021 batawe muri yombi n\u2019abakozi b\u2019inzego zishinzwe umutekano za Repubulika ya Demukarasi ya Congo (RDC).<\/strong><\/p>\n

Itabwa muri yombi ryabo ryabereye ku kibuga cy\u2019indege cya Lubumbashi mu Ntara ya Haut-Katanga, ubwo indege yabo bwite (private jet) yahagarikwaga n\u2019abashinzwe umutekano nk\u2019uko byavuzwe n\u2019ikigo cy\u2019ubucuruzi cya AF TRADE cya Zingman mu itangazo cyageneye itangazamakuru ryasohotse tariki ya 22 Werurwe.<\/p>\n

AF TRADE mu itangazo ryabonywe n\u2019igitangazamakuru Politico cyo muri RDC, yagaragaje impungenge z\u2019itabwa muri yombi rya Zingman na bagenzi be babiri, inavuga ko nabo byashoboka ko bakwicwa nka Ambasaderi w\u2019u Butaliyani, Luca Attanasio waguye hafi ya Goma muri Gashyantare.<\/p>\n

Yagize iti: \u201cDuhangayikishijwe n\u2019ubuzima bwa Zingman, Oleg na Persico batawe muri yombi ku ngufu tariki ya 18 Werurwe muri Lubumbashi. [\u2026] Nta rupapuro rwo kubata muri yombi cyangwa se ibisobanuro bahawe ubwo bafatwaga.\u201d<\/p>\n

Yakomeje iti: \u201cDushingiye ku mutekano muke uri mu gihugu (Ambasaderi w\u2019u Butaliyani muri RDC, Luca Attanasio yishwe mu mpera za Gashyantare ubwo imodoka ye yagabwagaho igitero\u2026), turasaba umuryango mpuzamahanga gusaba ko aba bashoramari batatu barekurwa.\u201d<\/p>\n

Zingman yatawe muri yombi amaze guhura na Joseph Kabila<\/strong><\/p>\n

Igitangazamakuru Daily Maverick cyo muri Afurika y’Epfo kivuga ko Zingman usanzwe ari inshuti magara ya Perezida wa Belarus, Alexander Lukachenko, yatawe muri yombi amaze guhura na Joseph Kabila wayoboye RDC.<\/p>\n

\"zingman.jpg\"<\/p>\n

Mu makuru kivuga ko gikesha bamwe mu bakorana bya hafi na Perezida Tshisekedi wa RDC, kivuga ko Zingman nyuma yo gutabwa muri yombi yavanwe i Lubumbashi ajyanwa i Kinshasa, akaba yarabajijwe icyo yari yagiye gukora muri iki gihugu, ngo ariko \u201cntiyasobanuye icyo yari yagiye gukora\u201d.<\/p>\n

Igitangazamakuru Barrons cyo muri Leta Zunze Ubumwe za Amerika (USA), kivuga ko bose uko ari batatu bajyanwe i Kinshasa.<\/p>\n

Ubusanzwe, ngo uretse kuba Zingman ari mu bahagarariye Belarus muri Zimbabwe, anasanzwe avugwaho gucuruza intwaro, akaba amaze imyaka 15 ku mugabane wa Afurika akora ishoramari. Muri Afurika, ngo ahafite inshuti zikomeye muri politiki zirenga 15.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n