{"id":34675,"date":"2021-03-24T16:42:31","date_gmt":"2021-03-24T16:42:31","guid":{"rendered":"https:\/\/new.bwiza.com\/2021\/03\/24\/hitabajwe-umusemuzi-mu-rubanza-rwa-rusesabagina\/"},"modified":"2021-03-24T16:42:31","modified_gmt":"2021-03-24T16:42:31","slug":"hitabajwe-umusemuzi-mu-rubanza-rwa-rusesabagina","status":"publish","type":"post","link":"https:\/\/bwiza.com\/?p=34675","title":{"rendered":"Hitabajwe umusemuzi mu rubanza rwa Rusesabagina"},"content":{"rendered":"

Umunyamerika Dr Michel Martin wiyongereye mu batangabuhamya mu rubanza ruregwamo Paul Rusesabagina n\u2019abandi 20 bakurikiranyweho ibyaha bifitanye isano n\u2019ibikorwa by\u2019iterabwoba bakekwaho, yatumye hitabazwa usemura kuko atabasha kuvuga Ikinyarwanda.
\n<\/h2>\n

Ni Urubanza ruburanishwa n\u2019Urugereko rwihariye rw\u2019Urukiko rukuru ruburanisha Ibyaha Mpuzamahanga n\u2019Ibyambukiranya Imipaka ruherereye mu Karere ka Nyanza ariko rukaba ruri gukorera mu cyumba cy\u2019Urukiko rw\u2019Ikirenga ku Kimihurura mu kwirinda ikwirakwira rya Coronavirus.<\/p>\n

Mu iburanisha ry\u2019uyu munsi Ubushinjacyaha bwasabye urukiko ko rwakwemera kumva abatangabuhamya buvuga ko bagaragaza ukuri ku ishingwa ry\u2019imitwe y\u2019iterabwoba n\u2019ivuka rya MRCD\/FLN itegekwa na Paul Rusesabagina.<\/p>\n

Ubushinjacyaha bwavuze ko umwe mu batangabuhamya atavuga Ikinyarwanda busaba ko hagenwa uburyo bufasha mu gusemura.<\/p>\n

Uwo mutangabuhamya ni Umunyamerika witwa Dr. Michel Martin usanzwe yigisha ibijyanye no kwita ku Baturage wahoze akora nk\u2019umukorerabushake mu muryango washinzwe na Rusesabagina \u2018Hotel Rwanda Foundation\u2019 iherereye mu mujyi wa Chicago muri leta Zunze Ubumwe za Amerika.<\/p>\n

Mu buhamya bwa Dr Michel Martin yatangiye avuga uko yahuye n\u2019uwitwa Rubingisa Providence wagarutsweho cyane muri ubu buhamya.<\/p>\n

Dr Michel Martin yavuze ko Mu 2009 ari bwo yahuye n\u2019uwitwa Rubingisa Providence amusaba kumufasha kujya gutanga ikiganiro cyagarutse ku buhamya bwe nk\u2019uwarokotse Jenoside.<\/p>\n

Yakomeje kumufasha mu bikorwa by\u2019umuryango yashinze wo gufasha abatishoboye.<\/p>\n

Ariko yaje no kujya amufasha kumuha ibiro mu rugo rwe akavugana n\u2019abandi Banyarwanda barimo Paul Rusesabagina wabaga mu ishyaka rya PDR Ihumure.<\/p>\n

Dr Michel Martin yavuze ko icyamufashije kumenya aya makuru yose ari uko Rubingisa yari yaramuhaye umubare w\u2019ibanga wa za emails yandikiranaga n\u2019abarimo Rusesabagina.<\/p>\n

Mu gukomeza kwegerana Rubingisa yamuhishuriye ko bari gufasha umunyapolitiki witwa Bernard Ntaganda wari ufite ishyaka rya PS Imberakuri, yavuze ko iryo shyaka ryarwanyaga ubutegetsi bw\u2019u Rwanda.<\/p>\n

Rubingisa ngo yamubwiye ko gahunda ya PDR Ihumure yari iyo gufasha Bernard Ntaganda mu matora y\u2019Umukuru w\u2019Igihugu, ahatanye na Paul Kagame kandi bari barumvikanye ko Ntaganda natsinda amatora, Rusesabagina azabona umwanya mu butegetsi bukuru bw\u2019Igihugu.<\/p>\n

Mu buhamya burebure Dr Michel Martin yakomeje avuga uko yakomeje gukurikirana ibya Rubingisa n\u2019ibikorwa bye n\u2019abo bakurikiraga akanabikoreraho ubushakashatsi.<\/p>\n

Kugeza ubwo atahuye ko ibiganiro uwo Rubingisa na bagenzi be batangaga mu itangazamakuru byari bigamije gupfobya amateka ya Jenoside yakorewe Abatutsi.<\/p>\n

Dr Michel Martin kandi yavuze uko yahuye na Paul Rusesabagina aza no kwisanga muri Fondation ye Hoteli Rwanda Foundation.<\/p>\n

Aha yavuze ko mu kwezi k\u2019Ukwakira 2009, Dr Michel Martin na Rusesabagina ni bwo bahuriye muri resitora (restaurant) muri Chicago.<\/p>\n

Yamusabye kumubera umukorerabushake undi abyemera atazuyaje.<\/p>\n

Dr Martin yongeyeho ko muri uwo muryango yaninjijemo umwe mu banyeshuri be bimenyerezaga umwuga.<\/p>\n

Dr Martin yavuze ko Paul Rusesabagina yavugaga ko yarwanye ku Batutsi muri Mille Collines, agatuma Abahutu b\u2019abahezanguni batabica.<\/p>\n

Yavuze ko amakuru yose yari yarahawe, yamenye ukuri kwayo yigereye mu Rwanda akareba uko abarutuye babayeho.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n