{"id":34939,"date":"2021-04-03T14:14:47","date_gmt":"2021-04-03T14:14:47","guid":{"rendered":"https:\/\/new.bwiza.com\/2021\/04\/03\/musenyeri-cyprian-kizito-yasanzwe-mu-cyumba-cye-yapfuye\/"},"modified":"2021-04-03T14:14:47","modified_gmt":"2021-04-03T14:14:47","slug":"musenyeri-cyprian-kizito-yasanzwe-mu-cyumba-cye-yapfuye","status":"publish","type":"post","link":"https:\/\/bwiza.com\/?p=34939","title":{"rendered":"Musenyeri Cyprian Kizito yasanzwe mu cyumba cye yapfuye"},"content":{"rendered":"

Musenyeri Dr Cyprian Kizito Lwanga wari Umushumba wa Diyosezi ya Kampala muri Uganda, yitabye Imana mu ijoro ryakeye.
\n<\/h2>\n

Urupfu rwa Kizito Lwanga wari Arkiyeskikopi wa gatatu wa Diyosezi ya Kampala rwemejwe na Kiliziya Gatolika muri Uganda, yavuze ko yasanzwe mu cyumba cye yapfuye.<\/p>\n

Dr Lwanga yari yarimitswe nka Arkiyeskopi wa Kampala ku wa 19 Kanama 2006.<\/p>\n

Uyu mwepiskopi yaherukaga kugaragara mu ruhame ejo ku wa Gatanu, ubwo yasomaga misa y’uwa Gatanu Mutagatifu kuri Kiliziya Gatolika ya Rubaga.<\/p>\n

Kiliziya Gatolika muri Uganda yatangaje ko “Ibijyanye n’imihango yo kumushyingura biratangazwa nyuma.”<\/p>\n

Dr Lwanga witabye Imana yari asanzwe ari Umuyobozi w’Inama ihuriwemo n’amatorero yo muri Uganda (UJCC), iri mu nzego zivuga rikumvikana muri kiriya gihugu.<\/p>\n

Mu Ukuboza umwaka ushize, uyu mushumba yari yasabye ko amatora y’Umukuru w’Igihugu yabaye muri Mutarama uyu mwaka asubikwa imyaka itatu, kugira ngo Uganda ibanze guhangana n’icyorezo cya Covid-19 kiyugarije.<\/p>\n

Ni amagambo atarakiriwe neza cyane ku ruhande rw’abatavuga rumwe n’ubutegetsi muri Uganda bamushinje guhengamira ku ruhande rwa Perezida Museveni, gusa we akavuga ko bamwumvise nabi.<\/p>\n

Uretse kuba yari Umushumba wa Diyosezi ya Kampala, Musenyeri Cyprian Lwanga yanabaye Musenyeri wa Diyosezi ya Kasana-Luweero Kuva mu Ugushyingo 1996.<\/p>\n

Yitabye Imana afite imyaka 68 y’amavuko.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n