{"id":34968,"date":"2021-04-05T07:04:29","date_gmt":"2021-04-05T07:04:29","guid":{"rendered":"https:\/\/new.bwiza.com\/2021\/04\/05\/umugambi-wo-kurandura-imitwe-yitwaje-intwaro-ubusabe-bwa-bagosora-mu-nkuru\/"},"modified":"2021-04-05T07:04:29","modified_gmt":"2021-04-05T07:04:29","slug":"umugambi-wo-kurandura-imitwe-yitwaje-intwaro-ubusabe-bwa-bagosora-mu-nkuru","status":"publish","type":"post","link":"https:\/\/bwiza.com\/?p=34968","title":{"rendered":"Umugambi wo kurandura imitwe yitwaje intwaro, ubusabe bwa Bagosora; mu nkuru nkuru zaranze icyumweru gishize"},"content":{"rendered":"

Icyumweru gishize cyatangiye tariki ya 29 Werurwe 2021 cyaranzwe n\u2019amakuru atandukanye: arebana n\u2019ubutabera arimo aya Col. Th\u00e9oneste Bagosora wangiwe gufungurwa, ay’umutekano arimo arebana n’umugambi wo kurandura imitwe yitwaje intwaro mu burasirazuba bwa Repubulika ya Demukarasi ya Congo ndetse n’aya politiki.<\/strong><\/p>\n

Inkuru nkuru zakiranze:<\/p>\n

Ubufatanye bwa FARDC, RDF n\u2019izindi ngabo mu guhashya imitwe yitwaje intwaro<\/strong><\/p>\n

Umuvugizi w\u2019ingabo za Repubulika ya Demukarasi ya Congo (FARDC), Gen. Maj. Richard Kasonga tariki ya 30 Werurwe yatangaje ko bari kuvugana n\u2019ingabo zo mu Karere (zirimo RDF) kugira ngo bafatanye mu kurandura imitwe yitwaje intwaro ihungabanya umutekano.<\/p>\n

Ni amakuru yaje akurikira avuga ko FARDC n\u2019ingabo z\u2019u Rwanda bazifatanya mu guhashya imitwe yitwaje intwaro irimo FDLR n\u2019indi yakomotse muri iki gihugu, yashinze ibirindiro muri RD Congo.<\/p>\n

Byitezwe ko ingabo zizahuza imbaraga mu kurandura iyi mitwe zirimo iz\u2019u Rwanda, Uganda, Angola, Tanzania, Congo\/Brazaville, Zambia, Sudani y\u2019Epfo n\u2019izindi\u2026<\/p>\n

Col. Bagosora yangiwe gufungurwa atarangije igihano<\/strong><\/p>\n

Perezida w\u2019urwego rwa UN ruzwi nka IRMCT rwasigariyeho urukiko mpuzamahanga mpanabyaha rwa Arusha rwashyiriweho u Rwanda, Carmel Agius tariki ya 2 Mata 2021 yanze ubusabe bwa Col Th\u00e9oneste Bagosora bwo kumufungura hashingiwe ku kuba yararangije 2\/3 by\u2019igihano yakatiwe.<\/p>\n

Col Bagosora wahamwe n\u2019ibyaha bya jenoside yakatiwe igifungo cy\u2019imyaka 35, mu 2019 asaba ko yafungurwa.<\/p>\n

Gusa Agius yavuze ko bitashoboka bitewe n\u2019uko Col Bagosora ufungiwe muri Mali, atigeze yicuza ibyaha yakoze. Yavuze kandi ko nta gihugu cyemeye kwakira uyu Munyarwanda wavugaga rikumvikana kuri repubulika yabanje.<\/p>\n

Abarimo batatu bari abayobozi muri MINECOFIN na MININFRA barakatiwe<\/strong><\/p>\n

Urukiko Rwisumbuye rwa Gasabo tariki ya 31 Werurwe 2021 rwahanishije bane barimo batatu bahoze bakora muri Minisiteri y\u2019Imari n\u2019Igenamigambi (MINECOFIN) n\u2019iy\u2019Ibikorwaremezo (MININFRA) igifungo cy\u2019imyaka itandatu n\u2019ihazabu ya miliyoni 3 FRW kuri buri wese yanyuma yo kubahamya ibyaha birimo gutanga amasoko mu buryo bunyuranyije n\u2019amategeko.<\/p>\n

Aba ni Rwankunda Christian wabaye Umunyamabanga Uhoraho (PS) muri MININFRA, Rwamuganza Caleb wabaye PS muri MINECOFIN, Kabera Godfrey wari ushinzwe igenamigambi muri MINECOFIN na Serubibi Eric wabaye Umuyobozi Mukuru w\u2019Urwego rw\u2019Igihugu rushinzwe imiturire, RHA.<\/p>\n

Aba bose batangiye gukurikiranwa n\u2019ubutabera muri Kanama 2020, bafungwa by\u2019agateganyo guhera tariki ya 23 muri uko kwezi. Urukiko rwabahaye iminsi yo kuba bajuriye, mu gihe baba babyifuza.<\/p>\n

Uruzinduko rw\u2019amateka rwa Perezida Ndayishimiye muri CAR<\/strong><\/p>\n

Perezida wa Repubulika y\u2019u Burundi, Evariste Ndayishimiye yagiriye uruzinduko rw\u2019iminsi itatu muri Repubulika ya Centrafrika (CAR), guhera ku wa 29 Werurwe 2021.<\/p>\n

Perezida Ndayishimiye yagiyeyo agiye kwitabira umuhango w\u2019irahira rya mugenzi we, Faustin Touad\u00e9ra watsinze amatora y\u2019Umukuru w\u2019Igihugu yabaye tariki ya 27 Ukuboza 2020.<\/p>\n

Perezida Ndayishimiye yaboneyeho umwanya wo gusura ingabo z\u2019u Burundi ziri mu butumwa bw\u2019amahoro muri CAR, ziherereye mu birindiro bya Sibut, ndetse aganira n\u2019Abarundi baba mu murwa mukuru, Bangui, ku ngingo zitandukanye zirimo imibanire yabo n\u2019abo muri iki gihugu ndetse n\u2019ubucuruzi.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n