{"id":34971,"date":"2021-04-05T08:29:11","date_gmt":"2021-04-05T08:29:11","guid":{"rendered":"https:\/\/new.bwiza.com\/2021\/04\/05\/nsa-n-uba-muri-gereza_dr-denis-mukwege\/"},"modified":"2021-04-05T08:29:11","modified_gmt":"2021-04-05T08:29:11","slug":"nsa-n-uba-muri-gereza_dr-denis-mukwege","status":"publish","type":"post","link":"https:\/\/bwiza.com\/?p=34971","title":{"rendered":"Nsa n\u2019uba muri gereza_Dr Denis Mukwege"},"content":{"rendered":"

Umuganga wamamaye muri Repubulika ya Demukarasi ya Congo cyane cyane mu mujyi wa Bukavu uherereye mu Ntara ya Kivu y\u2019Amajyepfo, Dr Denis Mukwege, avuga ko ubu asa n\u2019uba muri gereza.<\/strong><\/p>\n

Yabitangarije imboni y\u2019ikinyamakuru Telegraph muri Afurika, Will Brown nk\u2019uko bigaragara mu nkuru yacyo yasohotse tariki ya 3 Mata 2021.<\/p>\n

Impamvu Dr Mukwege avuga ko asa n\u2019uba muri gereza, ngo ni uko asigaye amara igihe kinini ari mu bitaro yashinze bya Panzi biri muri Bukavu, akaba abiterwa n\u2019abo akeka ko ari abahungabanya umutekano w\u2019igihugu bakomeje kumutera ubwoba bamubwira ko bazamwica.<\/p>\n

Yagize ati: “Ndumva nsa n\u2019uba muri gereza. Iterabwoba riza mu nyandiko cyangwa rikaba amajwi. Hari ubwo abitwaje intwaro baje hanze y\u2019inzu yanjye, bararasa mu ijoro bagambiriye kuduhungabanya no kudutera ubwoba.”<\/p>\n

Muri Kanama 2020 ni bwo Dr Mukwege yatangiye gutabarizwa n’umuryango mpuzamahanga uharanira uburenganzira bw’abaganga, PHR, umusabira uburinzi bwihariye uvuga ko utewe impungenge n\u2019abakomeje kumutera ubwoba ko bazamwica.<\/p>\n

Ni impuruza uyu muryango watanze nyuma y\u2019igihe gito yari amaze asabye imiryango mpuzamahanga gukora iperereza ku byaha abagize imitwe yitwaje intwaro ndetse n\u2019ingabo z\u2019ibihugu by\u2019amahanga bakoreye ku butaka bwa RDC kuva mu mwaka w’1993 kugeza mu 2003 ashingiye kuri ‘Rapport Mapping’, bagakurikiranwa n\u2019ubutabera.<\/p>\n

Byatumye Leta ya RDC imuha abarinzi b\u2019abasirikare n\u2019abapolisi b\u2019igihugu gusa yarabanze, asaba kurindwa n\u2019ab\u2019Umuryango w\u2019Abibumbye bari mu butumwa bw\u2019amahoro (MONUSCO) kuko ari bo yari yizeye.<\/p>\n

\"mukwege.jpg\"<\/p>\n

Telegraph ivuga ko MONUSCO ishobora kwambura Dr Mukwege abasirikare bayo bamurinda, we akaba agaragaza ko cyaba ari ikibazo gikomeye ku mutekano we n\u2019ibitaro bya Panzi, kuko kuba bigikora abikesha aba basirikare. Yagize ati: “Ndatekereza ko iyo hano ku bitaro hataba uburinzi bwa MONUSCO, ntibyari kunshobokera gukomeza gukora.”<\/p>\n

Dr Mukwege yatangije ibitaro bya Panzi mu 1999, bikaba byita ku barwayi by\u2019umwihariko abagizweho ingaruka n\u2019ibitero by\u2019abitwaje intwaro barimo abakomeretse n\u2019abagore bafashwe ku ngufu. Ibikorwa bye byo kwita kuri aba barwayi ni byo byamuhesheje igihembo cyitiriwe Nobel mu mwaka w\u20192018.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n