{"id":35170,"date":"2021-04-12T07:05:40","date_gmt":"2021-04-12T07:05:40","guid":{"rendered":"https:\/\/new.bwiza.com\/2021\/04\/12\/inkuru-z-ingenzi-zaranze-icyumweru-gishize\/"},"modified":"2021-04-12T07:05:40","modified_gmt":"2021-04-12T07:05:40","slug":"inkuru-z-ingenzi-zaranze-icyumweru-gishize","status":"publish","type":"post","link":"https:\/\/bwiza.com\/?p=35170","title":{"rendered":"Inkuru z’ingenzi zaranze icyumweru gishize"},"content":{"rendered":"

Icyumweru gishize cyatangiye tariki ya 5 Mata 2021, cyaranzwe n\u2019amakuru atandukanye arimo arebana n\u2019itangira ry\u2019icyumweru cy\u2019icyunamo, ubutabera, ubukungu n\u2019ubuzima cyane cyane uburebana n\u2019icyorezo cya Covid-19.<\/strong><\/p>\n

Inkuru z’ingenzi zaranze icyumweru gishize:<\/p>\n

Ijambo rya Perezida Kagame ubwo icyumweru cy\u2019icyunamo cyatangiraga<\/strong><\/p>\n

Perezida wa Repubulika y\u2019u Rwanda, Paul Kagame ubwo yatangizaga icyumweru cy\u2019icyunamo tariki ya 7 Mata 2021, yibanze ku bahakana n\u2019abapfobya jenoside yakorewe Abatutsi mu 1994, bakoresheje uburyo butandukanye.<\/p>\n

Umukuru w\u2019Igihugu muri iri jambo yavugiye muri Kigali Arena imbere y\u2019abitabiriye uyu muhango 500, yavuze ko Abanyarwanda badakwiye guterwa isoni no guhangana n\u2019abahakana aya mateka, ati: “Amateka ya Jenoside ni ukuri, niba abahakana amateka bitabatera isoni, njyewe, nawe twagirira iki ubwoba bwo guhangana na bo?”<\/p>\n

Perezida Kagame yakomoje ku bihugu byanga gukoresha inyito ikwiye mu gihe byifatanya n\u2019u Rwanda kwibuka jenoside yakorewe Abatutsi, avuga ko hari bibiri bikoresha ijambo \u2018jenoside\u2019. Yasabye ibi bihugu kujya bireka kwihanganisha u Rwanda muri ibi bihe, mu gihe bidashobora gukoresha inyito ikwiye.<\/p>\n

Adeline Rwigara yahamagajwe na RIB, ntiyitaba<\/strong><\/p>\n

Urwego rw\u2019Igihugu rw\u2019Ubugenzacyaha (RIB) tariki ya 6 Mata 2021 rwahamagaje Adeline Mukangemanyi Rwigara, umugore wa nyakwigendera Rwigara Assinapol, ngo yitabe tariki ya 8.<\/p>\n

Gusa uyu mugore yabwiye itangazamakuru ko atitaba bitewe n\u2019uko ari mu bihe byo kwibuka umugabo we kandi yatangiranye n\u2019Abanyarwanda kunamira abazize jenoside yakorewe Abatutsi, koko ntiyitaba nk\u2019uko yabivuze.<\/p>\n

Umuvugizi wa RIB w\u2019umusigire, Dr Murangira B. Thierry yabajijwe niba Adeline Rwigara yitabye, asubiza ko atigeze yitaba, yongeraho ko uru rwego ruzongera kumuhamagaza.<\/p>\n

Abageni barajwe muri sitade, polisi iribasirwa<\/strong><\/p>\n

Polisi y\u2019u Rwanda yaraje abantu 57 barimo umugeni wambaye agatimba muri sitade ya IPRC Kicukiro tariki ya 5 Mata 202, bazira kutubahiriza amabwiriza yo kwirinda icyorezo cya Covid-19.<\/p>\n

Iki gikorwa cyakuruye umwuka mubi ku mbuga nkoranyambaga, abazikoresha batangira kwibasira Polisi y\u2019u Rwanda, bavuga ko kuraza umugeni wambaye agatimba muri sitade atari igikorwa cy’ubumuntu.<\/p>\n

Gusa Umuvugizi wa Polisi y\u2019u Rwanda, CP John Bosco Kabera yagaragaje ko nta kosa abapolisi bakoze, kandi ko abantu bakwiye kureka guterwa amarangamutima no kuba uyu mugeni yarahanwe, kuko ngo nta vangura rikwiye kubaho. Yavuze ko kuba umugeni yararajwe muri sitade yambaye agatimba, nta kosa ryakozwe, ngo ahubwo ryari kuba ikosa iyo yamburwa agatimba.<\/p>\n

Urugo rwa nyiri \u2018Nakumatt\u2019 rwatejwe icyamunara<\/strong><\/p>\n

Urugo rwa nyiri \u2018Nakumatt Holdings\u2019, Atul Shah rwatejwe icyamunara mu cyumweru gishize, azira kubura ubwishyu bw\u2019ideni yafashe muri banki ya KCB.<\/p>\n

Uru rugo ruherereye i Nairobi muri Kenya rwatejwe icyamunara ku madolari ya Amerika ($) 9,77,064, nyuma yo kubura ubwishyu bw\u2019ideni rya $ 18,609,740.<\/p>\n

Muri iki gihe Shah ari mu bihombo bikomeye kuko uru rugo rwe rutejwe nyuma y\u2019igihe kitari kirekire afunze amashami ya \u2018Nakumatt Super market\u2019 yakoreraga mu Rwanda, muri Uganda na Kenya; bitewe n’impamvu zirimo amadeni menshi yananiwe kwishyura.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n