{"id":35180,"date":"2021-04-12T11:06:18","date_gmt":"2021-04-12T11:06:18","guid":{"rendered":"https:\/\/new.bwiza.com\/2021\/04\/12\/abacuruzi-ba-cyanika-na-katuna-bakuyemo-akabo-karenge\/"},"modified":"2021-04-12T11:06:18","modified_gmt":"2021-04-12T11:06:18","slug":"abacuruzi-ba-cyanika-na-katuna-bakuyemo-akabo-karenge","status":"publish","type":"post","link":"https:\/\/bwiza.com\/?p=35180","title":{"rendered":"Abacuruzi ba Cyanika na Katuna bakuyemo akabo karenge"},"content":{"rendered":"

Abacuruzi mu Mijyi mito ya Gatuna mu Karere ka Kabale na Cyanika mu Karere ka Kisoro ihana imbibi n’ u Rwanda bahisemo gusiga ubucuruzi muri ibi bice kubera kubura abakiliya biturutse ku kibazo cy’umubano mubi hagati y’ u Rwanda na Uganda.
\n<\/h2>\n

Utu duce ubusanzwe twabagamo ubucuruzi butandukanye, abacuruzi bamwe bahisemo kutuvamo muy myaka ibiri ishize kuko nta rujya n’uruza rukiri hagati y’ibihugu byombi.<\/p>\n

Chimpreports yageze muri utu duce, ivuga ko 90% by’ubucuruzi bwahakorerwaga bwamaze guhagarara.<\/p>\n

Umwe mu bagicururiza Katuna, Good Katabarwa avuga ko bagenzi be benshi bimukiye gukorera Mirama Hills (Kagitumba) mu gihe abandi baretse ubucuruzi.<\/p>\n

Avuga ko ikibazo bagize cyasize ubukungu bwabo buri hasi ndetse ko hari n’abo byabereye ingorabahizi gutunga imiryango yabo.<\/p>\n

\"capture-44.png\"
\nMenshi mu maduka yafunze imiryango\/Chimp.
\n<\/h2>\n

Umuyobozi wungirije w’abacuruzi ba Cyanika, Sam Mpakaniye we avuga ko ubwo imipaka yafungwaga, hari amafaranga akomoka ku bicuruzwa bari barahaye Abanyarwanda batahawe.<\/p>\n

Meya wa Cyanika, Erasmus Samuel we yasabye abayobozi b’ibihugu byombi gukemura ikibazo cy’imigenderanire.<\/p>\n

Uwa Katuna, Nelson Nshangabasheija avuga ko kuva imipaka yafungwa, byabaye ibibazo bikomeye. Avuga ko mbere binjizaga UGX miliyoni 400 none ubu bakaba babona miliyoni 30 gusa.<\/p>\n

Si abo ku ruhande rwa Uganda bataka guhura n’ibibazo bitandukanye ku bwo kudahahirana. Mu Rwanda, abaturage bumvikana mu bitangazamakuru basaba ko impande zombi zakumvikana, abaturage bakagenderana nk’ibisanzwe.<\/p>\n

Ibibazo by’umubano mubi hagati ya Uganda n’ u Rwanda byaganiriweho n’impande zombi ku buhuza bwa Angola na DRC gusa nta kintu biratanga cyafasha abaturage batahwemye kuvuga ko ngo ” Aho inzovu zirwaniye ibyatsi ari byo biharenganira.”<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n