{"id":35202,"date":"2021-04-12T15:14:51","date_gmt":"2021-04-12T15:14:51","guid":{"rendered":"https:\/\/new.bwiza.com\/2021\/04\/12\/perezida-kagame-yavuze-icyakura-afurika-ku-rwego-rwo-gutera-imbabazi\/"},"modified":"2021-04-12T15:14:51","modified_gmt":"2021-04-12T15:14:51","slug":"perezida-kagame-yavuze-icyakura-afurika-ku-rwego-rwo-gutera-imbabazi","status":"publish","type":"post","link":"https:\/\/bwiza.com\/?p=35202","title":{"rendered":"Perezida Kagame yavuze icyakura Afurika ku rwego rwo gutera imbabazi"},"content":{"rendered":"

Perezida wa Repububulika, Paul Kagame, asanga umugabane wa Afurika ukwiye kwishakamo ubushobozi bwo kwikorera inkingo n’ibindi bikoresho by’ingenzi mu buvuzi, kugira ngo uve ku rwego rwo gutera imbabazi.<\/strong> <\/em><\/p>\n

Perezida Kagame yabigarutseho kuri uyu wa Mbere, ubwo yari mu nama igamije kureba uko umugabane wa Afurika wakwishakamo ubushobozi bwo kwikorera inkingo bidasabye ko utega amaso ibihugu by’amahanga.<\/p>\n

Perezida Kagame yavuze ko igihe kigeze kugira ngo Afurika ubwayo yishakemo ubushobozi bwo kwikorera inkingo n’ibindi bikoresho byo mu buvuzi, kugira ngo ive ku rwego rwo gutera imbabazi.<\/p>\n

Yagize ati: “Igitekerezo ni uburyo natwe twagira ubu bushobozi ku mugabane wacu, bityo Afurika ikava ku gutera imbabazi, kandi ibyo ntawe twabirenganyiriza, tukava ku bitaradufashije tukajya kubyo twakora dushoboye ubwacu.”<\/p>\n

Umukuru w’igihugu yavuze ko amaze igihe agirana ibiganiro n’abakora inkingo za Covid-19 bifashishije ubuhanga bwa messenger RNA (mRNA) bwakoreshejwe mu gukora inkingo za Moderna na Pfizer, mu ntego yo kureba niba ubwo buhanga Afurika yabukoresha.<\/p>\n

Yavuze ko abahanga bashobora no kureba ku gufatanya ubwo buhanga n’ubundi buzwi nka Adenovirus bwifashishwa n’abakoze inkingo za Johnson&Johnson na AstraZeneca.<\/p>\n

Perezida Kagame avuga ko yaganirije bene buriya buryo bamwe muri bagenzi be, gusa avuga ko n’abasigaye bagomba gukomeza kuganirizwa.<\/p>\n

Yavuze ko u Rwanda rwiteguye gutanga umusanzu warwo muri uwo muhate wa Afurika wo gukora urukingo rwa Covid-19.<\/p>\n

Inama yo kurebera hamwe ingamba umugabane wa Afurika wafata mu kwikorera urukingo, yatumijwe n’umuryango wa Afurika yunze Ubumwe ku bufatanye n’Ikigo Africa CDC.<\/p>\n

Perezida F\u00e9lix Tshisekedi wa RDC akanaba Umuyobozi wa AU, yatangaje ko afitiye icyizere umugambi wa Afurika wo gukora urukingo rwa Covid-19 n’izindi nkingo n’imiti, bivuye mu masomo Afurika yakuye ku cyorezo cya COVID-19.<\/p>\n

Ni amasomo ajyanye no kuba uyu mugabane usa n’uwarengejwe ingohe muri gahunda yo gufasha ibihugu bikennye kubona inkingo za COVID-19.<\/p>\n

Tshisekedi yavuze ko hejuru ya 80% y’inkingo Afurika ikoresha ziva ahandi, ibituma n’Abanyafurika bakemanga izo nkingo.<\/p>\n

Ati: “Hari ubushobozi n’impamvu yo gushora imari mu nkingo n’imiti, ariko ibyo bizasaba ubushake n’ubutegetsi, politiki n’ubufatanye bukomeye bw’inzego nyinshi n’abashakashatsi ba Afurika.”<\/p>\n

Perezida Tshisekedi yavuze ko hakenewe ubufatanye bw’ibihugu bya Afurika, kugira ngo uyu mugabane uzabashe kwesa uriya muhigo.<\/p>\n

Mu gukora urukingo rwa Covid-19 n’izindi, Tshisekedi yavuze ko hatekerejwe ku ngingo zirimo; ahantu hatanu muri Afurika zakorerwa, gukusanya imari isabwa, kuzana ikoranabuhanga ryo kuzikora muri Afurika, n’izindi.<\/p>\n

Ati: “Sinshidikanya ko ibyo bizagerwaho kuko hari ubushobozi bw’abantu, ubwenge n’ubufatanye Africa yifitemo hamwe n’abafatanyabikorwa bayo”.<\/p>\n

Dr Tedros Ghebreyesus uyobora OMS uri mu mpuguke zitabiriye iriya nama, we yavuze ko OMS izaha Afurika ubufasha mu bya tekiniki n’inama mu gukora urukingo rwayo.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n