{"id":35351,"date":"2021-04-19T07:04:45","date_gmt":"2021-04-19T07:04:45","guid":{"rendered":"https:\/\/new.bwiza.com\/2021\/04\/19\/ibyahishuwe-ku-bajura-bibishaga-intwaro-impaka-ku-rugo-rw-umupolisi-mu-nkuru\/"},"modified":"2021-04-19T07:04:45","modified_gmt":"2021-04-19T07:04:45","slug":"ibyahishuwe-ku-bajura-bibishaga-intwaro-impaka-ku-rugo-rw-umupolisi-mu-nkuru","status":"publish","type":"post","link":"https:\/\/bwiza.com\/?p=35351","title":{"rendered":"Ibyahishuwe ku bajura bibishaga intwaro, impaka ku rugo rw\u2019umupolisi; mu nkuru nkuru zaranze icyumweru gishize"},"content":{"rendered":"

Icyumweru gishize cyatangiye tariki ya 12 Mata 2021 cyaranzwe n\u2019amakuru atandukanye, yiganjemo arebana n\u2019ubutabera nk\u2019aho Munyenyezi ukekwaho ibyaha bya jenoside yoherejwe mu Rwanda, ay\u2019umutekano; aho RIB yahishuye byinshi ku bajura bibishaga intwaro muri Rusizi.<\/strong><\/p>\n

Amerika yohereje Munyenyezi mu Rwanda <\/strong><\/p>\n

Tariki ya 15 Mata 2021 Leta Zunze Ubumwe za Amerika (USA) zohereje Munyenyezi B\u00e9atrice mu Rwanda kugira ngo akurikiranweho ibyaha bya jenoside akekwaho.<\/p>\n

USA yohereje Munyenyezi ubwo yari amaze kurangiza igifungo cy\u2019imyaka 10 urukiko rwaho rwamukatiye nyuma yo kumuhamya icyaha cyo kubeshya.<\/p>\n

Yageze mu Rwanda tariki ya 16 Mata, akigera ku kibuga cy\u2019indege cya Kigali, ahita atabwa muri yombi n\u2019inzego zishinzwe umutekano.<\/p>\n

Uwabaye Minisitiri w\u2019Intebe w\u2019u Bufaransa yavuze ko atazasaba u Rwanda imbabazi<\/strong><\/p>\n

Edouar Balladur wabaye Minisitiri w\u2019Intebe w\u2019u Bufaransa kuva mu 1993 kugeza mu 1995, yatangaje ko atazigera asaba u Rwanda imbabazi kuko ngo igihugu cye kitigeze kigira uruhare muri jenoside yakorewe Abatutsi.<\/p>\n

Ni nyuma y\u2019aho itsinda ry\u2019abashakashatsi bayobowe na Vincent Duclert bari bamaze gusohora raporo igaragaza ibikorwa bya Leta y\u2019u Bufaransa mu Rwanda, kuva mu mwaka w\u20191990 kugeza mu 1994.<\/p>\n

Iyi raporo yagaragaje ko Leta y\u2019u Bufaransa yakomeje gutera inkunga iy\u2019u Rwanda yariho, irimo guha abasirikare bayo imyitozo, kandi ibona ko iri gutegura jenoside.<\/p>\n

Mu nzu y\u2019umupolisi hataburuwe imirambo y\u2019abantu, bikurura impaka nyinshi<\/strong><\/p>\n

Mu nzu y’umupolisi iherereye mu Kagari ka Rutonde, Umurenge wa Shyorongi mu Karere ka Rulindo, hataburuwe imirambo y\u2019abantu bane byakekwaga ko ari abishwe muri jenoside yakorewe Abatutsi, biteza impaka zikomeye.<\/p>\n

Iyi mirambo yabonywe n\u2019abubakaga urubaraza rw\u2019iyi nzu y’umupolisi witwa Adalbert Hacineza bivugwa ko yubatswe hagati y\u20191996 n\u20191997 rwari rushaje.<\/p>\n

Nyuma yo kuyibona, ntibahise bayishyingura, ndetse byageze aho abo mu muryango wa ba nyakwigendera babimenya, bakaba ari na bo bagiye impaka na nyir\u2019inzu ku ugomba kuyishyingura n\u2019aho igomba gushyingurwa.<\/p>\n

Gitifu Shumbusho Papias uyoboye Shyorongi yavuze ko iyi mirambo atari iy\u2019abazize jenoside kandi mbere y’uko itabururwa aho iherereye hatari hazwi.<\/p>\n

Mu bamaze igihe bakorera ubujura muri Rusizi, harimo abahoze muri RDF<\/strong><\/p>\n

Urwego rw\u2019Igihugu rw\u2019Ubugenzacyaha (RIB) tariki ya 13 Mata rwatangaje ko mu bantu 12 rwafashe bakekwaho ubujura bwifashishije intwaro, harimo abahoze mu ngabo z\u2019u Rwanda (RDF).<\/p>\n

Aba bose bakekwaho gukora ubujura kuva mu Kuboza 2020, aho abaturage bavugaga ko bamwe muri bo usibye kwitwaza imbunda, bamwe muri bo babaga bambaye n\u2019impuzankano za gisirikare.<\/p>\n

Bakurikanweho ibyaha birimo: gutunga intwaro no kuzinjiza mu gihugu, kwiba hakoreshejwe intwaro, gushyiraho umutwe w\u2019abagizi ba nabi no kuwujyamo ndetse n\u2019ubwicanyi.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n