{"id":35414,"date":"2021-04-20T21:06:31","date_gmt":"2021-04-20T21:06:31","guid":{"rendered":"https:\/\/new.bwiza.com\/2021\/04\/20\/ubuzima-bwa-gisirikare-bwa-marshal-idriss-deby\/"},"modified":"2021-04-20T21:06:31","modified_gmt":"2021-04-20T21:06:31","slug":"ubuzima-bwa-gisirikare-bwa-marshal-idriss-deby","status":"publish","type":"post","link":"https:\/\/bwiza.com\/?p=35414","title":{"rendered":"Ubuzima bwa gisirikare bwa Marshal Idriss D\u00e9by"},"content":{"rendered":"

Kuri uyu wa 20 Mata 2021, Umuvigizi w\u2019igisirikare cya Chad, Gen. Azem Bermandoa Agouna yatangarije kuri televiziyo y\u2019igihugu ko Umukuru w\u2019Igihugu akaba n\u2019Umugaba w\u2019Ikirenga, Marshal Idriss D\u00e9by Itno yapfuye.<\/strong><\/p>\n

Marshal D\u00e9by w\u2019imyaka 68 y\u2019amavuko yazize ibikomere yatewe n\u2019amasasu yarasiwe mu rugamba ingabo z\u2019igihugu zarwanagamo n\u2019abarwanyi b\u2019umutwe witwaje intwaro wa FACT urwanya ubutegetsi buriho, mu mpera z’icyumweru gishize.<\/p>\n

Nyakwigendera yize amashuri abanza n\u2019ayisumbuye iwabo, mu myaka y\u20191970 yinjira mu ishuri rya gisirikare mu murwa mukuru, N\u2019Djamena, aho yahise yoherezwa kwiga mu Bufaransa, arangiza amasomo mu 1976, asubira mu ngabo z\u2019igihugu afite impamyabushobozi yo gutwara indege.<\/p>\n

D\u00e9by yasubiye kwiga amasomo y\u2019igisirikare mu Bufaransa mu 1979, asubira mu gihugu cye, asanga gisigaye gikoreramo imitwe yitwaje intwaro myinshi, ntiyasubira mu ngabo z\u2019igihugu ahubwo ahitamo kwiyunga n\u2019umutwe wa Hiss\u00e8ne Habr\u00e9 ndetse aba umwizerwa we.<\/p>\n

Mu mwaka w\u20191982, Habr\u00e9 yabaye Perezida wa Chad, D\u00e9by agirwa Umugaba Mukuru w\u2019Ingabo z\u2019igihugu, bigeze mu 1986 amwohereza kujya gukomereza amasomo ya gisirikare mu ishuri rya \u2018Ec\u00f4le de Guerre\u2019 mu Bufaransa, asubira mu gihugu cye mu mwaka wakurikiyeho, aba umujyanama w\u2019Umukuru w\u2019Igihugu mu bya gisirikare.<\/p>\n

Urukundo rwa D\u00e9by na Habr\u00e9 rwarakonje kuko uyu Mukuru w\u2019Igihugu yaketse ko umujyanama we yaba ari gutegura uburyo yamuhirika ku butegetsi; umugambi byakekwaga ko ahuriyeho na Mahamat Itno wari Minisitiri w\u2019Umutekano w\u2019Imbere na Hassan Djamous wari Umugaba Mukuru w\u2019Ingabo.<\/p>\n

D\u00e9by wabonaga atacyizerwa, mu 1989 yahise ahungira mu mahanga, ajya muri Sudan, avayo ajya muri Libya, arema umutwe witwaje intwaro wa PSM (Patriotic Salvation Movement) warwanyaga ubutegetsi bwa Habr\u00e9.<\/p>\n

PSM ibifashijwemo na Sudan yari iyobowe na Gen. Omar al-Bashir na Libya yari iyobowe na Muammar Qaddafi, yahiritse ubutegetsi bwa Habr\u00e9 tariki ya 2 Ukuboza 1990, D\u00e9by ayobora Chad kuva ubwo.<\/p>\n

N\u2019ubwo D\u00e9by yari yicaye ku ntebe y\u2019Umukuru w\u2019Igihugu, ntibyamubuzaga kwibanda cyane mu bikorwa bya gisirikare, yambaye impuzankano nk\u2019umusirikare ukiri mu kazi.
\n\"debyy.jpg\"<\/p>\n

Ku butegetsi bwe yapfuye amazeho imyaka irenga 30, ari mu b\u2019imbere baharaniye umutekano imbere mu gihugu, ahangana n\u2019imitwe yitwaje intwaro nka Boko Haram, mu bihugu nka Repubulika ya Centrafrika no mu karere ka Sahel nako kakunze kwibasirwa n\u2019uyu mutwe.<\/p>\n

Igikorwa D\u00e9by yakoze mu mateka ya vuba kitazibagirana mu mateka ye, ni icya tariki ya 2 Mata 2020 ubwo yajyanaga n\u2019ingabo z\u2019igihugu mu rugamba rwo guhangana na Boko Haram yari imaze iminsi mike yivuganye abasirikare 92, yateze igico.
\n\"deby1.jpg\"<\/p>\n

Muri urwo rugamba rwo kwihorera, D\u00e9by n\u2019abasirikare be bishe abarwanyi ba Boko Haram 72, bafata n\u2019intwaro nyinshi cyane z\u2019ubwoko butandukanye. Soma inkuru irambuye hano http:\/\/www.bwiza.com\/?Chad-Perezida-Deby-yayoboye-igitero-cyafatiwemo-intwaro-nyinshi-za-Boko-Haram<\/p>\n

Iki gitero cyatumye tariki ya 11 Kanama 2020, Abagize Inteko Ishinga Amategeko bazamura mu ntera D\u00e9by wari ufite ipeti rya ‘General’, bamuha irya Marshal, yiyongera ku bategetsi bandi bagize iri peti mu mateka ya Afurika barimo Mobutu Sese Seko wayoboye Zaire na Idi Amin wayoboye Uganda.<\/p>\n

Nyuma yo gupfa, Chad ubu iyobowe mu buryo bw’inzibacyuho n’umuhungu we, Gen. Mahamat D\u00e9by Itno nk’uko byemejwe n’igisirikare.
\n\"mahamat.jpg\"<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n