{"id":35474,"date":"2021-04-22T15:17:34","date_gmt":"2021-04-22T15:17:34","guid":{"rendered":"https:\/\/new.bwiza.com\/2021\/04\/22\/bantunze-imbunda-ndetse-barimo-basakuza-bati-haguruka-haguruka-perezida-kagame\/"},"modified":"2021-04-22T15:17:34","modified_gmt":"2021-04-22T15:17:34","slug":"bantunze-imbunda-ndetse-barimo-basakuza-bati-haguruka-haguruka-perezida-kagame","status":"publish","type":"post","link":"https:\/\/bwiza.com\/?p=35474","title":{"rendered":"Bantunze imbunda ndetse barimo basakuza bati haguruka,haguruka- Perezida Kagame avuga uko yigeze gufungirwa mu Bufaransa"},"content":{"rendered":"

Umudipolomate w\u2019Umufaransa Paul Dijoud wayoboye imishyikirano ya RPF na Guverinoma ya Habyarimana mu 1991, yavugaga ko icyo u Bufaransa bushaka ari ukugarura amahoro ku mupaka w\u2019u Rwanda na Uganda bityo Perezida Kagame yatumiwe mu Bufaransa gusa biza kuba nabi, bigera n’aho bamufata, baramufunga.
\n<\/h2>\n

Iby’ugufungwa kwa Kagame, ni we ubwe ubigarukaho mu buhamya yatanze hakorwa raporo ku ruhare rw\u2019u Bufaransa muri Jenoside yakorewe Abatutsi. Ni raporo y\u2019amapaji asaga 600 yiswe \u201cJenoside yagaragariraga buri wese: uruhare rwa Leta y\u2019u Bufaransa muri Jenoside yakorewe Abatutsi\u2019\u2019. <\/p>\n

Nyuma y\u2019inama yabaye muri Kanama 1991, Kagame wari uyoboye ingabo za RPF yatumiwe na Dijoud mu Bufaransa. Uwo mufaransa ngo yashakaga kumwereka ko ibikorwa byabo mu Rwanda nta we bihengamiyeho, ko u Bufaransa ari inshuti y\u2019abanyarwanda bose, harimo na RPF.<\/p>\n

Dijoud yaje kwandika ko Kagame yishimiye uwo mwanya wo kugaragaza \u201curundi ruhande ku bibazo byari mu Rwanda.\u201d<\/p>\n

Kagame ubwo butumire yabubonye ukundi nk\u2019uko bigaragara muri raporo.Ati \u201c[Dijoud] yikije ku kuvuga ko twahagarika kurwana. Nafashe umwanya musobanurira ko hari impamvu imirwano irimo kuba, tugomba kubonera igisubizo\u2026 cyari ikiganiro gikomeye ariko mbere y\u2019uko turangiza inama, yaje kurakara.\u201d<\/p>\n

Akomeza agira ati \u201cMu bisubizo natangaga, yaje kumfata nk\u2019umwirasi, umuntu utarimo guha agaciro ibyo yamperaga amabwiriza ngo nkore.\u201d<\/p>\n

Dijoud ngo yaje kwivumbura aramubwira ati \u201cTwumva ko muri indwanyi nziza, numva ko muzagenda mukagera i Kigali, ariko nimunahagera, ntabwo muzahasanga abantu banyu.\u201d<\/p>\n

Imvugo ya Dijoud yafashwe nk\u2019aho u Bufaransa bwemeraga ibikorwa by\u2019ubutegetsi bya Habyarimana, byo kwica Abatutsi igihe FPR yabaga yateye.<\/p>\n

Mu gitondo cy\u2019urwo ruzinduko ngo abapolisi bambaye imyenda y\u2019akazi bazengurutse Kagame n\u2019itsinda bari kumwe muri Hilton Hotel, hafi ya Tour Eiffel. Kagame ati \u201cBantunze imbunda basakuza bati haguruka! Haguruka! \u201c<\/p>\n

Yasobanuye ko bari i Paris ku butumire, ariko abo bapolisi babashinja ko ari \u201cumutwe w\u2019iterabwoba,\u201d bafata Kagame na Emmanuel Ndahiro babafungira muri kasho y\u2019urwego rushinzwe iperereza mu gihugu, Direction de la Surveillance du Territoire (DST).<\/p>\n

Dijoud yaje kuvuga ko intumwa za RPF zafatanywe amavalisi yuzuyemo amafaranga, bitabanje kumenyesha minisiteri y\u2019ububanyi n\u2019amahanga.<\/p>\n

Polisi yafunze intumwa za RPF kugeza saa mbili z\u2019umugoroba, barekurwa nta kindi gisobanuro gitanzwe cyangwa ngo habeho kwiregura ku byabaye. Muri aba harimo <\/p>\n

Yaba Dijoud cyangwa Jean-Christophe Mitterrand wari ushinzwe Afurika, nta wigeze aganira na Kagame ku byabaye yewe nta n’uwabisabiye imbabazi.<\/p>\n

Ubwo yabazwaga n\u2019ikinyamakuru Le Figaro niba abari babatumiye batari bamenyeshwejwe, Kagame yasubije ko \u201cbari babimenyeshejwe.\u201d<\/p>\n

Kuri ubu ibihugu byombi bikomeje gutera intwambwe igana ku mubano mwiza nk’uko abasesenguzi muri politiki bagenda babigarukaho nyuma y’aho ibihugu bishyiriye hanze raporo ku ruhare rw’Ubufaransa muri Jenoside yakorewe Abatutsi.
\nKurikira ibiganiro n\u2019amavidewo binyura kuri Bwiza TV<\/strong><\/p>\n