{"id":35592,"date":"2021-04-26T13:30:00","date_gmt":"2021-04-26T13:30:00","guid":{"rendered":"https:\/\/new.bwiza.com\/2021\/04\/26\/perezida-kagame-yinjije-muri-rdf-ba-ofisiye-bashya-barenga-700\/"},"modified":"2021-04-26T13:30:00","modified_gmt":"2021-04-26T13:30:00","slug":"perezida-kagame-yinjije-muri-rdf-ba-ofisiye-bashya-barenga-700","status":"publish","type":"post","link":"https:\/\/bwiza.com\/?p=35592","title":{"rendered":"Perezida Kagame yinjije muri RDF ba Ofisiye bashya barenga 700"},"content":{"rendered":"

Perezida wa Repubulika Paul Kagame akanaba Umugaba w’Ikirenga w’Ingabo z’u Rwanda, kuri uyu wa Mbere yayoboye umuhango wo kwinjiza mu gisirikare cy’u Abosiye 721 bari bamaze igihe bahabwa amasomo abategurira kucyinjiramo.<\/strong> <\/em><\/p>\n

Ni umuhango wabereye mu ishuri rikuru rya Gisirikare ry’i Gako mu karere ka Bugesera.<\/p>\n

721 bahawe ipeti rya Sous-Lieutenant nyuma yo kwinjira muri RDF, bari mu byiciro bitatu birimo ikigizwe n\u2019abanyeshuri 209 bize amasomo y\u2019umwuga wa gisirikare babifatanije n\u2019amasomo ya Kaminuza y\u2019u Rwanda abahesha impamyabumenyi y\u2019icyiciro cya kabiri cya Kaminuza mu bijyanye n\u2019ubuhanga mu bya gisirikare n\u2019ubumenyamuntu, ubuvuzi, ndetse n\u2019ubuhanga mu by\u2019ubukanishi n\u2019ingufu.<\/p>\n

Icyiciro cya kabiri kigizwe n\u2019abanyeshuri 506 bize umwaka umwe mu masomo ajyane n\u2019ibya gisirikare gusa. Iki cyiciro kigizwe n\u2019abari abasirikare bato mu ngabo 347 hamwe n\u2019abari abasivile 159 bafite impamyabumenyi y\u2019icyiciro cya kabiri cya kaminuza.<\/p>\n

Icyiciro cya gatatu kigizwe n\u2019abofisiye batandatu barangije mu mashuri ya Gisirikare mu bihugu birimo u Bubiligi, Kenya na Sri Lanka.<\/p>\n

Aba bose barimo abakobwa 74.<\/p>\n

Perezida Kagame aha impanuro aba basirikare, yabibukije ko binjiye mu gisirikare cy’u Rwanda mu gihe gisanzwe gifite amateka yihariye yo gukorana bya hafi n’abaturage mu rwego rwo guteza imbere igihugu, abasaba gukomeza muri uwo mujyo.<\/p>\n

Umukuru w’igihugu yashimiye bariya basirikare kuba bashoboye gusoza amasomo abinjiza muri RDF neza, ashimangira ko bageze kuri ruriya rwego kubera umwete, umurava n’imyifatire bigomba gukomeza kubaranga mu kazi bagiye gutangira.<\/p>\n

Perezida Kagame kandi yashimiye ishuri ry’i Gako rikomeje gutanga ubumenyi buhanitse mu masomo rusange n\u2019aya gisirikare, ashimira abarimu, ubuyobozi bwaryo n\u2019ubwa RDF muri rusange ku ntambwe nziza ikomeje kugaragara mu bikorwa bitandukanye.<\/p>\n

Ati: “Abafite amahirwe yo kwiga no guhugurirwa hano bagomba gukoresha uko bikwiye ibyo ishuri ritanga bakanafasha guteza iri shuri ubwaryo imbere.”<\/p>\n

Umuyobozi wa ririya shuri Maj Gen Innocent Kabandana, yavuze ko urugendo rw’amasomo ya bofisiye rutari rworoshye, kuko hari abatangiranye n\u2019aba basoje amasomo ariko batabashije kuyarangiza kubera impamvu zitandukanye.<\/p>\n

Gen Kabandana yavuze ko hari abanyeshuri 62 batangiranye ariko ntibabashe kurangiza amasomo ku mpamvu zitandukanye zirimo gutsindwa amasomo, imyifatire ndetse n\u2019uburwayi.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n