{"id":35635,"date":"2021-04-27T12:49:31","date_gmt":"2021-04-27T12:49:31","guid":{"rendered":"https:\/\/new.bwiza.com\/2021\/04\/27\/uko-uwakatiwe-imyaka-30-azira-ibyaha-bya-jenoside-yagiye-acika-ubutabera\/"},"modified":"2021-04-27T12:49:31","modified_gmt":"2021-04-27T12:49:31","slug":"uko-uwakatiwe-imyaka-30-azira-ibyaha-bya-jenoside-yagiye-acika-ubutabera","status":"publish","type":"post","link":"https:\/\/bwiza.com\/?p=35635","title":{"rendered":"Uko uwakatiwe imyaka 30 azira ibyaha bya jenoside yagiye acika ubutabera"},"content":{"rendered":"

Nkundabanyanga Eugenie wari umaze imyaka 27 akurikiranweho uruhare muri jenoside yakorewe Abatutsi akaba yarigeze gukatirwa ariko ntafungwe, tariki ya 22 Mata 2021 yatawe muri yombi.<\/strong><\/p>\n

Aya makuru y\u2019itabwa muri yombi rya Nkundabanyanga wavukiye mu Kagari ka Nyanza, Umurenge wa Gatenga mu Karere ka Kicukiro yemejwe n\u2019Umuvugizi wa Polisi y\u2019u Rwanda, CP John Bosco Kabera mu kiganiro kigufi yagiranye na BWIZA.<\/p>\n

CP Kabera yagize ati: \u201cNi byo ari mu maboko y\u2019ubugenzacyaha, afungiwe kuri sitasiyo ya Gikondo.\u201d <\/p>\n

Tuyisenge Jean Claude uhagarariye abarokotse jenoside yakorewe Abatutsi mu Kagari ka Nyanza, yabwiye iki gitangazamakuru amakuru azi kuri Nkundabanyanga, we avuga ko izina rye nyakuri ari ‘Nyirankundabanyanga’.
\n\"tuyisenge.png\"<\/p>\n

Mu gihe cya jenoside yakorewe Abatutsi mu 1994, ngo \u201cNyirankundabanyanga yari umudamu wubatse, ufite abakobwa batatu n\u2019abahungu batanu, akagira n\u2019umugabo wari umusirikare, yari Adjudant-chef mu ngabo z\u2019u Rwanda za mbere. Yari umubyeyi wakunze kurangwa n\u2019amacakubiri, wasangaga afite urwango rukomeye, arufitiye Abatutsi. Muri icyo gihe hari Abatutsi 6 cyangwa 7 baje guhungira mu rugo rwe, icyo gihe ategaka abahungu be ko bagomba gusohora Abatutsi bagiyeyo bakicwa. Muri abo ngabo haba hararokotse abagera kuri batatu, abandi barapfuye.\u201d<\/p>\n

Tuyisenge abajijwe niba Nkundabanyanga yarigeze akurikiranwa n\u2019ubutabera, yavuze ko mu gihe Inkiko Gacaca zatangiraga, mu 2003 habayeho ikusanyamakuru, mu 2005 agera imbere y\u2019urukiko Gacaca rw\u2019Umurenge wa Gatenga inshuro zigeze muri ebyiri.<\/p>\n

Tariki ya 24 Nyakanga 2007, urukiko Gacaca rwa Gatenga rwanzuye ko ahamwe n\u2019ibyaha, anakatirwa igifungo cy\u2019imyaka 30. Tuyisenge ati: \u201cNyuma yo gukatirwa iyo myaka, Nyirankundabanyanga ntiyongeye kugaragara. Yitabye urukiko inshuro ebyiri, nyuma aragenda ntiyongera kugaragara.\u201d<\/p>\n

Mu 2011, Nkundabanyanga yongeye kugaragara mu Gatenga mu gihe cy\u2019iminsi igera kuri itanu. Tuyisenge ati: \u201cBiba ngombwa ko abarokotse n\u2019abamuregaga bongera gutakambira inzego z\u2019ubutabera ngo afatwe.\u201d Ngo icyo gihe uwahamwe icyaha yongeye gutoroka, ajya mu mahanga.<\/p>\n

Muri Mata 2014, ngo Nkundabanyangayatumye murumuna we ngo agende asabe imbabazi abarokotse jenoside b\u2019i Nyanza ngo bamubabarire, ntahere mu mahanga, bamutumaho ngo we azagende azibisabire.<\/p>\n

Nkundabanyanga yavuye mu mahanga, asubira mu Gatenga, abamurega bamuhamagarira inzego z\u2019ubutabera, mu 2015 arafatwa, ashyikirizwa ubutabera mu 2017.<\/p>\n

Gusa ngo nabwo yongeye gucika ubutabera, Tuyisenge ati: \u201cMu kongera rero gucika, ntabwo twigeze tumenya ngo yagiye ryari? Amakuru twatangiye kuyamenya 2018 ko n\u2019ubundi yagiye.\u201d<\/p>\n

Tuyisenge akeka ko gucika ubutabera kwa Nkundabanyanga, hari abayobozi yise \u2018abatagetsi\u2019 baba babiri inyuma. Ati: \u201cBiriya byose biba kuri we, ntabwo ari we ubyikoresha. Afite abari mu butegetsi bamuri inyuma.\u201d<\/p>\n

Nkundabanyanga ajya gufatwa, ngo abarokotse jenoside b\u2019i Nyanza babanje kumubona ku bitangazamakuru bibiri: Umubavu na BTN TV bimugaragaza yarashinze ihema, atabaza avuga ko yarenganyijwe akamburwa isambu ye n’umushinja ibyaha bya jenoside.<\/p>\n

Ubwo ngo bahamagaye inzego zishinzwe ubutabera kugira ngo zimukurikirane, kugeza ubwo yafashwe n\u2019ubugenzacyaha, tariki ya 22 Mata 2021<\/p>\n