{"id":35638,"date":"2021-04-27T14:11:36","date_gmt":"2021-04-27T14:11:36","guid":{"rendered":"https:\/\/new.bwiza.com\/2021\/04\/27\/ubwoba-bwatashye-mu-mpunzi-z-abanyarwanda-baba-mu-mijyi-yo-muri-malawi\/"},"modified":"2021-04-27T14:11:36","modified_gmt":"2021-04-27T14:11:36","slug":"ubwoba-bwatashye-mu-mpunzi-z-abanyarwanda-baba-mu-mijyi-yo-muri-malawi","status":"publish","type":"post","link":"https:\/\/bwiza.com\/?p=35638","title":{"rendered":"Ubwoba bwatashye mu mpunzi z’Abanyarwanda baba mu mijyi yo muri Malawi"},"content":{"rendered":"

Impunzi ibihumbi zirimo: Abarundi, Abanyarwanda n’Abanye-Congo ziba mu mijyi itandukanye muri Malawi zivuga ko zihangayitse cyane kuko itariki ntarengwa zahawe na leta ko zigomba gusubira mu nkambi ari ku wa Gatatu tariki 28 Mata 2021.
\n<\/h2>\n

Mu ntangiriro za Mata 2021, Leta ya Malawi yasohoye itangazo rivuga ko “ku mpamvu z’umutekano impunzi zose ziba hanze y’inkambi” zigomba gusubira kuba mu nkambi, bitaba ibyo hagakoreshwa ingufu.<\/p>\n

Umuvugizi w’izi mpunzi, Elie Umukunzi, yabwiye BBC ko ejo ku wa mbere UNHCR n’umuryango Human Rights Defenders Coalition (HRDC) baganiriye na leta “basabira izi mpunzi nibura amezi atandatu” yo kwitegura, ariko ko ntacyo byagezeho.<\/p>\n

Itegeko ryo mu 1989 rigenga impunzi muri Malawi ritegeka ko impunzi zose zigomba kuba mu nkambi.<\/p>\n

Gusa muri zo ababarirwa mu bihumbi za mirongo bamaze imyaka myinshi baba kandi bakora ubucuruzi mu mijyi nka Lilongwe, Blantyre cyangwa Mzuzu, aho bahabwa uburenganzira bushobora kongerwa buri mwaka, nk’uko babivuga.<\/p>\n

Ku Banyarwanda, Umukunzi avuga ko ingingo ivanaho ubuhunzi ku mpunzi z’Abanyarwanda itakurikijwe muri Malawi kuko hari Abanyarwanda bagifite ibyangombwa nk’impunzi.<\/p>\n

Inkambi ya Dzaleka yagenewe kwakira abantu 10,000 ubu icumbikiye abarenga 46,000 (UNHCR: ukwa 08\/2020); Abanyecongo hafi 30,000, Abarundi barenga 10,000, Abanyarwanda barenga 6,000, abandi barimo Abasomali n’abakomoka ahandi.<\/p>\n

Kurikira ibiganiro n\u2019amavidewo binyura kuri Bwiza TV<\/strong><\/p>\n